အီတလီ

January 21, 2021

ရန်ကုန် ကိုဗစ်-၁၉ တုံ့ပြန်မှုလုပ်ငန်းအတွက် အီတလီက ယူရိုငွေ ၁ သန်း ပေးအပ်

ရန်ကုန်တိုင်းဒေသကြီး ကိုဗစ်-၁၉ တုံ့ပြန်မှုလုပ်ငန်းတွေအတွက် အီတလီဖွံဖြိုးတိုးတက်ရေးနှင့် ပူးပေါင်းဆောင်ရွက်ရေးအေဂျင်စီက  ယူရိုငွေ ၁ သန်းပေးအပ်ပွဲကို ဒီကနေ့ တောင်ဒဂုံမြို့နယ်မှာရှိတဲ့ အောင်မြင့်မိုရ် ကိုဗစ်-၁၉ ကုသရေးစင်တာမှာ ကျင်းပပါတယ်။  အခမ်းအနားတက်ရောက်ခဲ့တဲ့ ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းက ရန်ကုန်မှာ ကိုဗစ်-၁၉ ရောဂါကူးစက်မှုအခြေအနေ တစ်နေ့ကို အယောက် ၁၀၀ အောက်ကျဆင်းလာပါက အတိုင်းအတာတခုအထိ ကပ်ဘေးကို ထိန်းချုပ်နိုင်မယ်လို့   ပြောပါတယ်။  ရန်ကုန်တိုင်းမှ ကိုဗစ်-၁၉ ဒုတိယလှိုင်းကာလအတွင်း တစ်ရက်ကို အတည်ပြုလူနာ ၁၀၀၀ ကျော်ကနေ ၂၀၀၀ လောက်အထိ  ကူးစက်မှုမြင့်တက်ခဲ့တာဖြစ်ပါတယ်။  အခုရက်အတွင်းမှာတော့ ကူးစက်ခံရသူ ၁၀၀ ကျော်ကျဆင်းလာတာ သုံးရက်ဆက်တိုက် ရှိလာတာကြောင့် ၁၀၀ ကျဆင်းလာပါက  အတိုင်းအတာတခုအထိ ရောဂါထိန်းချုပ်နိုင်မယ်လို့ ဝန်ကြီးချုပ်ဦးဖြိုးမင်းသိန်းက ပြောပါတယ်။ ရန်ကုန်မြို့မှာ တနိုင်ငံလုံးအတိုင်းအတာနဲ့ ရောဂါကူးစက်ခံရသူတွေရဲ့ ၈၀ ရာခိုင်းနှုန်းလောက်ရှိခဲ့ပါတယ်။ ဒါ့အပြင် ကမ္ဘာမှာဖြစ်ပွားနေတဲ့ ကိုဗစ်-၁၉ ရောဂါ တတိယလှိုင်းအပေါ် စိုးရိမ်နေပြီး ဖြစ်ပွားလာခဲ့ရင် ဘယ်လိုဆောင်ရွက်မလဲဆိုတဲ့ စိုးရိမ်မှုတွေနဲ့ စိန်ခေါ်မှုတွေများစွာ ရှိနေတယ်လို့ ဦးဖြိုးမင်းသိန်းက ပြောပါတယ်။  ကိုဗစ်-၁၉ ရောဂါကူးစက်မှုကို ကြိုတင်ကာကွယ်တဲ့အနေနဲ့ ရန်ကုန်မြို့မှာ အပြင်ထွက်တိုင်း Maskတပ်ဖို့၊ လက်ဆေးဖို့၊ လူချင်းခပ်ခွာခွာနေဖို့ အဝါရောင်ကမ်ပိန်းလှုပ်ရှားမှုတွေကို ကျယ်ကျယ်ပြန့်ပြန့် ဆောင်ရွက်နေပါတယ်။
4 months Ago

January 20, 2021

အီတလီနိုင်ငံရှိ မောင့်ထ်အတ္တနာမီးတောင် ပေါက်ကွဲ

ဥရောပရဲ့ အမြင့်ဆုံးနဲ့ အလှုပ်ရှားဆုံးမီးတောင် ဖြစ်တဲ့ အီတလီနိုင်ငံက မောင့်ထ်အတ္တနာ မီးတောင် ပေါက်ကွဲခဲ့လို့ အနီရောင်ချော်ရည်ပူတွေ စီးလာတာကို ဇန်နဝါရီ ၁၈ ရက်ညက တွေ့ရတာပါ။ အမြင့်ပေ ၁၁,၀၀၀ နီးပါးရှိတဲ့ ဒီမီးတောင်ဟာ တနှစ်ကို အကြိမ်ရေ အတော်များများ လှုပ်ရှား ပေါက်ကွဲလေ့ရှိပါတယ်။ ဒီမီးတောင်ဟာ မကြာခဏ ပေါက်ကွဲပေမယ့် အပျက်အစီး ဖြစ်လေ့ဖြစ်ထ မရှိပါဘူး။ မီးတောင်ပေါက်ကွဲမှု မှတ်တမ်းအရှည်ကြာဆုံး မီးတောင်အဖြစ်လည်း ယုံကြည်ထားကြပြီး ပထမဆုံးအနေနဲ့ မှတ်တမ်းတင်တဲ့ ပေါက်ကွဲမှုက ခရစ်တော်မပေါ်မီ ၄၂၅ ခုနှစ်က ဖြစ်ပါတယ်။ မီးတောင်ရဲ့ အရှေ့တောင်ဘက် မီးတောင်အူကြောင်းကနေ ပေါက်ကွဲအပြီး ကာတာနီယာ ဒေသနားက မီလိုရွာငယ်လေးနားမှာ ကားတွေကို မီးတောင်ပြာတွေ ဖုံးလွှမ်းနေခဲ့ပါတယ်။
4 months Ago
More News
Up