အိုင်စီစီဖလား

July 24, 2019

အိုင်စီစီဖလားပွဲတွင် ရီးရဲလ်က အာဆင်နယ်ကို ပယ်နယ်တီအဆုံးအဖြတ်ဖြင့် နိုင် (ရုပ်သံ)

နိုင်ငံတကာချန်ပီယံများဖလား (အိုင်စီစီ) ပြိုင်ပွဲအဖြစ် ရီးရဲလ်မက်ဒရစ်နဲ့ အာဆင်နယ်တို့ ဒီနေ့မနက်က ယှဉ်ပြိုင်ရာ ပယ်နယ်တီအဆုံးအဖြတ် ၃ ဂိုး ၂ ဂိုးနဲ့ ရီးရဲလ်မက်ဒရစ် အနိုင်ရသွားပါတယ်။ ရာသီကြို ပွဲစဉ်တွေမှာ နိုင်ပွဲဆက်နေတဲ့ အာဆင်နယ်အသင်းအတွက်တော့ ပထမဆုံးရှုံးပွဲ ကြုံတွေ့ခဲ့တာပါ။ ရီးရဲလ်မက်ဒရစ်အသင်းဟာ တိုက်စစ်မှာ ဒီရာသီ အသစ်ခေါ်ထားတဲ့ ယိုဗစ်ကို ဘန်ဇီမာနဲ့ တွဲပြီး ပွဲထုတ်ခဲ့သလို ဟာဇက်၊ မိုဒရစ်၊ တိုနီခရူးစ်၊ ဗက်ဇ်ကွက်ဇ် စတဲ့ အဓိက ကစားသမား အစုံအလင် အသုံးပြုသွားပြီး ဒုတိယပိုင်းမှာတော့ အသင်းပြောင်းမယ်လို့ နာမည်ကြီးနေတဲ့ ဂါရတ်ဘေးလ်ကို အသုံးပြုခဲ့ပါတယ်။ အာဆင်နယ်ကလည်း စပိန်ထိပ်သီးအသင်းကို ရင်ဆိုင်ဖို့ လာကာဇက်တီ၊ အူဘာမီယန်း၊ အိုဇေးလ်၊ မစ်ခီတာယန်း၊ ရှာခါ စတဲ့ ကစားသမားတွေနဲ့ ပွဲထွက်ခဲ့တာပါ။ ပွဲအစ ၉ မိနစ်မှာပဲ ရီးရဲလ်နောက်ခံလူ နာချိုဖာနန်ဒက်ဇ် နှစ်ဝါတနီနဲ့ အထုတ်ခံခဲ့ရလို့ ဆယ်ယောက်တည်းနဲ့ ယှဉ်ပြိုင်ခဲ့ရပါတယ်။ ကစားသမား အသာစီးရသွားတဲ့ အာဆင်နယ်က ဆက်တိုက်ဖိကစားပြီး ပွဲချိန် ၁၀ မိနစ်မှာ ပယ်နယ်တီကတဆင့် တိုက်စစ်မှူး လာကာဇက်တီက အဖွင့်ဂိုး၊ ၂၄ မိနစ်မှာ အူဘာမီယန်းက ဒုတိယဂိုးသွင်းပြီး ပထမပိုင်းမှာ အာဆင်နယ် နှစ်ဂိုး ဂိုးမရှိနဲ့ ဦးဆောင်ထားနိုင်ခဲ့ပါတယ်။ ရီးရဲလ်အသင်းဟာ ဒုတိယပိုင်းမှာ ဂါရတ်ဘေးလ်၊ အစ္စကို၊ အဆန်စီယို၊ မာဆယ်လို စတဲ့ ကစားသမားတွေကို လူစားလဲပြီး တိုက်စစ်မြှင့်ခဲ့ပါတယ်။ ရီးရဲလ်အတွက် ချေပဂိုးတွေကို ပွဲချိန် ၅၇ မိနစ်မှာ ဂါရတ်ဘေးလ်နဲ့ ၅၉ မိနစ်မှာ အဆန်စီယိုတို့က သွင်းယူပေးခဲ့ပါတယ်။ ပွဲချိန် မိနစ် ၉၀ ပြည့်တဲ့အထိ နောက်ထပ် ဂိုးမသွင်းနိုင်ကြဘဲ နှစ်ဂိုးစီ သရေကျနေလို့ ပယ်နယ်တီအဆုံးအဖြတ် ကန်သွင်းရာမှာတော့ ရီးရဲလ်က ၃ ဂိုး ၂ ဂိုးနဲ့ အနိုင်ရသွားတာ ဖြစ်ပါတယ်။
2 years Ago

July 22, 2019

အိုင်စီစီဖလားပြိုင်ပွဲတွင် တော့တင်ဟမ်ဟော့စပါးက ဂျူဗင်တပ်ကို ၃ ဂိုး ၂ ဂိုးဖြင့်နိုင် (ရုပ်သံ)

စင်ကာပူနိုင်ငံမှာ ကျင်းပတဲ့ နိုင်ငံတကာချန်ပီယံများဖလားပြိုင်ပွဲ (အိုင်စီစီ) အဖြစ် တော့တင်ဟမ်ဟော့စပါးနဲ့ ဂျူဗင်တပ်တို့ မနေ့ကယှဉ်ပြိုင်ရာ စပါးအသင်းက ၃ ဂိုး ၂ ဂိုးနဲ့ အနိုင်ရသွားပါတယ်။ စပါးအသင်းဟာ ဆွန်ဟောင်မင်၊ အယ်လီ၊ လာမယ်လာ၊ ဟယ်ရီဝင့်တို့ကို လူငယ်ကစားသမားတွေနဲ့ တွဲဖက်ပွဲထုတ်ခဲ့ပြီး ဒုတိယပိုင်းမှာတော့ တိုက်စစ်မှူး ဟယ်ရီကိန်း၊ လူးကပ်စ်မော်ရာနဲ့ ဒီရာသီ ကလပ်စံချိန်တင် ပြောင်းရွှေ့ကြေးနဲ့ ခေါ်ယူထားတဲ့ ဒမ်ဘီလီတို့ကို လူစားလဲ အသုံးပြုခဲ့ပါတယ်။ ဂျူဗင်တပ်အသင်းမှာလည်း တကျော့ပြန် ဝါရင့်ဂိုးသမား ဘူဖွန် ပွဲထွက်ခဲ့သလို တိုက်စစ်မှာ ရော်နယ်ဒို၊ မန်ဇူကစ်တိုိ့ကို အသုံးပြုသွားပါတယ်။ ပွဲချိန် ၃၁ မိနစ်မှာ လာမယ်လာက စပါးအသင်းအတွက် ဂိုးသွင်းယူခဲ့ပြီး ပထမပိုင်းမှာ စပါးက တဂိုး ဂိုးမရှိနဲ့ ဦးဆောင်ထားနိုင်ခဲ့ပါတယ်။ ဒီ့နောက် ဂျူဗင်တပ်အသင်းက ချေပဂိုးရဖို့ တိုက်စစ်ဆင်ကစားလာပြီး ဒုတိယပိုင်း ၅၆ မိနစ်မှာ တိုက်စစ်မှူး ဟီဂူအင်နဲ့ မိနစ် ၆၀ မှာ ရော်နယ်ဒိုတို့က ဂိုးတွေဆက်တိုက်သွင်းယူပြီး နှစ်ဂိုး တဂိုးနဲ့ ပွဲကို ဦးဆောင်နိုင်ခဲ့ပါတယ်။ စပါးအသင်းအတွက် ချေပဂိုးနဲ့ အနိုင်ဂိုးတွေကိုတော့ လူစားဝင်ကစားသမားတွေဖြစ်တဲ့ လူးကပ်စ်မော်ရာက ပွဲချိန် ၆၅ မိနစ်၊ ပွဲပြီးကာနီးမှာ တိုက်စစ်မှူး ဟယ်ရီကိန်းတို့က သွင်းယူပြီး စပါးအသင်း ၃ ဂိုး ၂ ဂိုးနဲ့ အနိုင်ရသွားပါတယ်။
2 years Ago
Up