အိမ်အကူမိန်းကလေး

November 12, 2018

ညှဉ်းပန်းနှိပ်စက်ခံရသည့် အိမ်အကူမိန်းကလေးကို လူ့အခွင့်အရေးကော်မရှင် တွေ့ဆုံ

ရန်ကုန်၊ မရမ်းကုန်းမြို့နယ်မှာ အိမ်ရှင်ဖြစ်သူရဲ့ ညှဉ်းပန်းနှိပ်စက်ခံခဲ့ရတဲ့ အိမ်အကူ မိန်းကလေးငယ်ကို မြန်မာနိုင်ငံ အမျိုးသားလူ့အခွင့်အရေးကော်မရှင် တာဝန်ရှိသူတွေက သွားရောက်တွေ့ဆုံ ကူညီ အလှူငွေပေးအပ်ခဲ့ပါတယ်။ ဒီကနေ့မနက်က ကော်မရှင်အတွင်းရေးမှူး ဦးဘုန်းကြွယ်၊ ညွှန်ကြားရေးမှူး ဦးသူရကျော်နဲ့ ဒုညွှန်ကြားရေးမှူး ဦးကျော်စွာတို့ ပါဝင်တဲ့အဖွဲ့က မိန်းကလေးငယ်ရှိရာ မရမ်းကုန်းမြို့နယ်၊ မလိခ အမျိုးသမီးကလေးများ သင်တန်းကျောင်းသို့ ရောက်ရှိပြီး မိန်းကလေးငယ်အား တွေ့ဆုံ အားပေးစကားပြော အလှူငွေပေးအပ်ခဲ့တာလို့ ကော်မရှင်က သတင်းထုတ်ပါတယ်။ ဒါ့အပြင် အမှုဖွင့်လှစ်ထားတဲ့ ဘုရင့်နောင်နယ်မြေရဲစခန်းကို သွားရောက်ပြီးလည်း တရားရုံးသို့ အမြန်ဆုံး အမှုစွဲတင်နိုင်ဖို့အတွက် ရဲလုပ်ငန်းဆောင်ရွက်ထားရှိမှု အခြေအနေကို ရဲစခန်းမှူးနဲ့ တွေ့ဆုံဆွေးနွေးခဲ့တယ်လို့လည်း သတင်းမှာ ဖော်ပြပါတယ်။ မရမ်းကုန်းမြို့နယ်၊ အမှတ် ၂ ရပ်ကွက်၊ ချယ်ရီလမ်း၊ အိမ်အမှတ် ၃၀၊ ဒုတိယထပ်၊ ခြေရင်းတိုက်ခန်းနေ အိမ်ရှင်အမျိုးသမီး ဒေါ်သိင်္ဂီထွန်းက အသက် ၁၃ နှစ်အရွယ် အိမ်အကူ မိန်းကလေးငယ် မအေးသန္တာကို ကာလရှည်ကြာ ညှဉ်းပန်းနှိပ်စက် ဒဏ်ရာတွေရရှိခဲ့လို့ ရာအိမ်မှူးက ဘုရင့်နောင်ရဲစခန်းမှာ နိုဝင်ဘာ ၅ ရက်က အမှုဖွင့် တိုင်ကြားခဲ့တာပါ။ အိမ်အကူ မိန်းကလေးငယ်ဟာ ဓားနဲ့မွှန်း၊ မီးပူနဲ့ကပ်၊ ရေနွေးပူနဲ့ လောင်းခံရတဲ့ ဒဏ်ရာတွေနဲ့ အင်းစိန်ဆေးရုံမှာ စိုးရိမ်ရတဲ့ အတွင်းလူနာအဖြစ် ဆေးကုသမှု ခံခဲ့ရပါတယ်။ အိမ်ရှင် ဒေါ်သိင်္ဂီထွန်းကိုတော့ ဘုရင့်နောင်နယ်မြေရဲစခန်းမှာ ထောင်ဒဏ် ၁၀ နှစ်အထိ ချမှတ်နိုင်တဲ့ ရာဇသတ်ကြီး ပုဒ်မ ၃၂၆ နဲ့ ရဲတပ်ဖွဲ့က အရေးယူထားပါတယ်။
3 years Ago

March 31, 2018

အိမ်အကူမိန်းကလေးအား အက်ဆစ်ဖြင့်ပက်သူများကို ပထမဆုံးအကြိမ် ရုံးထုတ်

အိမ်အကူ မိန်းကလေးအား အက်ဆစ်ဖြင့် ပက်သူတွေကို ပထမဆုံး အကြိမ် မတ် ၃၀ ရက်နေ့မှာ ရုံးထုတ်ခဲ့ပါတယ်။ မန္တလေးမြို့ ချမ်းမြသာစည်မြို့နယ် မြရည်နန္ဒာရပ်ကွက်ရှိ နေအိမ်တစ်ခုမှာ အိမ်အကူအဖြစ် လုပ်ကိုင်တဲ့ အမျိုးသမီးငယ်တစ်ဦးကို အက်ဆစ်ဖြင့် ပက်ခြင်း၊ မျက်စိကွယ်အောင်လုပ်ခြင်းတို့ ကျူးလွန်ခဲ့တဲ့ အမျိုးသမီးနဲ့ ပါဝင်ပတ်သက်သူတွေကို မန္တလေးခရိုင်တရားရုံးမှာ ပထမဆုံး အကြိမ် ရုံးထုတ်ခဲ့တာပါ။ အမှုကို လူကုန်ကူးမှု တားဆီးနှိမ်နှင်းရေးဥပဒေ ပုဒ်မ ၂၄ နဲ့ တရားရုံးစွဲတင်တာလို့ မန္တ္တလေးခရိုင်တရားရုံး ပြန်ကြားရေးအရာရှိ ဒုတိယတရားသူကြီး ဦးစောဝီလီက ပြောပါတယ်။ နောက်တစ်ပတ်ရုံးချိန်းကို ဧပြီလ ၆ ရက်နေ့ ချိန်းပေးခဲ့ပြီး ယင်းရုံးချိန်းရက်မှာ တရားစွဲဆိုခံရသူဘက်မှ ထုချေခွင့်ရရန်ရှေ့နေ ပါဝါတင်သွားမယ်လို့ မန္တ္တလေးခရိုင်တရားရုံးက ပြောပါတယ်။ ဒါ့အပြင် အိမ်အကူလုပ်ကိုင်ခဲ့တဲ့ မိန်းကလေးက တရားလိုပြုလုပ်ပြီး ဒေါ်နီနီနုနွယ်နဲ့ ယောက်ျားဖြစ်သူ သူရ (ခ) အားတီ၊ အိမ်ရှင်ဖြစ် ဒေါ်မိုးမိုးတို့အား ရာဇသတ်ကြီးပုဒ်မ ၃၂၆/၃၃၄/၁၁၄ တို့နဲ့ ထပ်မံအမှုဖွင့်ထားကာ သူရ (ခ) အားတီမှာ ထွက်ပြေးလွတ်မြောက်နေတယ်လို့ သိရပါတယ်။
3 years Ago
More News
Up