အာနော်တိုဗစ်

July 8, 2019

ဝက်စ်ဟမ်းတိုက်စစ်မှူး အာနော်တိုဗစ် တရုတ်ကလပ်သို့ ပြောင်းရွှေ့ရန် သဘောတူညီမှုရ

ဝက်စ်ဟမ်းတိုက်စစ်မှူး အာနော်တိုဗစ်ဟာ တရုတ်ကလပ် ရှန်ဟိုင်း SIPG အသင်းကို ပေါင် ၂၃ သန်းနဲ့ ပြောင်းရွှေ့ဖို့ သဘောတူညီမှု ရရှိသွားပါတယ်။ အသက် ၃၀ နှစ်ရှိပြီဖြစ်တဲ့ အာနော်တိုဗစ်ဟာ ရှန်ဟိုင်းအသင်းမှာ တပတ်လုပ်ခ ပေါင် ၂ သိန်း ၈ သောင်းအထိ တိုးမြှင့်ရရှိမှာ ဖြစ်ပါတယ်။ အာနော်တိုဗစ်ဟာ ပြီးခဲ့တဲ့ ဇန်နဝါရီ အပြောင်းအရွှေ့ကတည်းက အသင်းပြောင်းရွှေ့ဖို့ နီးစပ်ခဲ့တာပါ။ ဝက်စ်ဟမ်းအသင်းဟာ အာနော်တိုဗစ်ရဲ့နေရာမှာ အစားထိုးဖို့အတွက် ဆယ်လ်တာဗီဂို တိုက်စစ်မှူး မက်ဆီဂိုမက်ဇ်ကို ခေါ်ယူဖို့ ပစ်မှတ်ထားနေတယ်လို့ သိရပါတယ်။ အသက် ၂၂ နှစ်ရှိ ဥရုဂွေးတိုက်စစ်မှူး မက်ဆီဂိုမက်ဇ်ဟာ စပိန်ကလပ် ဆယ်လ်တာဗီဂိုမှာ ခြေစွမ်းပြနေပြီး ပြီးခဲ့တဲ့ရာသီက ၁၃ ဂိုး သွင်းယူနိုင်ခဲ့ပါတယ်။
2 years Ago

July 5, 2019

ဝက်စ်ဟမ်းတိုက်စစ်မှူး အာနော်တိုဗစ် တရုတ်ကလပ်သို့ ပြောင်းရွှေ့လိုကြောင်း ပြော

ဝက်စ်ဟမ်းတိုက်စစ်မှူး အာနော်တိုဗစ်ဟာ တရုတ်စူပါလိဂ်ကလပ် ရှန်ဟိုင်း SIPG အသင်းကို ပြောင်းရွှေ့လိုကြောင်း ပြီးခဲ့တဲ့ရက်က တရားဝင် ထုတ်ဖော်ပြောကြားလိုက်ပါတယ်။ အာနော်တိုဗစ်ဟာ လွန်ခဲ့တဲ့ ၅ လလောက်ကမှ မြောက်လန်ဒန်ကလပ်နဲ့ စာချုပ်သစ် ချုပ်ဆိုခဲ့တာဖြစ်ပေမယ့် တရုတ်ကလပ်ရဲ့ တကျော့ပြန် စိတ်ဝင်စားလာတာကိုတော့ လက်လွှတ်မခံချင်တဲ့ အနေအထားမှာ ရှိနေပါတယ်။ အသက် ၃၀ အရွယ် သြစတြီးယား တိုက်စစ်မှူးကို တရုတ်ကလပ်အသင်းတချို့က မကြာခဏ ကမ်းလှမ်းခဲ့ပြီး ကစားသမားကိုယ်တိုင်က ဝက်စ်ဟမ်းအသင်းမှာပဲ ဆက်လက်ရှိနေဖို့ ဆုံးဖြတ်ခဲ့တာကြောင့် အပြောင်းအရွှေ့ အထမမြောက်ခဲ့တာပါ။ အခုတကြိမ် ပေါင် ၂၂ သန်းကျော်လောက်နဲ့ ကမ်းလှမ်းလာချိန်မှာတော့ ဝက်စ်ဟမ်းအသင်းဘက်က ခွင့်ပြုသွားဖို့ ရှိနေတယ်လို့လည်း သိရပါတယ်။ ဝက်စ်ဟမ်းအသင်းဟာ ရာသီကြိုခြေစမ်းပွဲတွေအဖြစ် တရုတ်စူပါလိဂ်ကလပ် နန်ကျင်း၊ ရှန်ဟိုင်း SIPG တို့နဲ့ ခြေစမ်းဖို့လည်း ရှိနေလို့ အပြောင်းအရွှေ့ကို အခုလထဲမှာ တပါတည်း အပြီးသတ်ဖွယ် ရှိနေပါတယ်။
2 years Ago
Up