အာနိုးလ်

September 14, 2021

အာနိုးလ်၏ခြေစွမ်းကို ဘက်ခမ်းနှင့် ဒီဘရိုင်းတို့၏ခြေစွမ်းနှင့် ဂယ်ရီနဗီးလ် နှိုင်းယှဉ်ချီးကျူး

လီဗာပူးနောက်ခံလူ အာနိုးလ်ဟာ ဒေးဗစ်ဘက်ခမ်းနဲ့ ဒီဘရိုင်းတို့ ညာစွန်မှာ ကစားသလို ခြေစွမ်းရှိကြောင်း မန်ယူနောက်ခံလူဟောင်း ဂယ်ရီနဗီးလ်က ချီးကျူးပါတယ်။

စကိုင်းစပေါ့ရုပ်သံမှာ လီဗာပူး နောက်ခံလူဟောင်း ကာရေဂါနဲ့ သုံးသပ်ချက်အစီအစဉ်မှာ နဗီးလ်က အာနိုးလ်ကို ချီးကျူးသွားခဲ့တာပါ။

အာနိုးလ်ဟာ လိဒ်ယူနိုက်တက်ကို ၃ ဂိုး ဂိုးမရှိနဲ့အနိုင်ရခဲ့တဲ့ပွဲမှာ ခြေစွမ်းပြခဲ့ပြီး ဘောလုံးပေးပို့မှုမှာ အကောင်းဆုံး ကစားသမားဖြစ်တယ်လို့ နဗီးလ်က ချီးကျူးပါတယ်။

“ကျနော် မြင်ဖူးသမျှ ညာနောက်ခံ လူတွေထဲမှာတော့ သူက အကောင်းဆုံးဘောလုံးပေးပို့နိုင်သူပါ။ သူက ဒေးဗစ်ဘက်ခမ်းနဲ့ ဒီဘရိုင်းတို့ ညာနောက်ခံလူနေရာမှာ ကစားနေသလိုပါပဲ”လို့ ဂယ်ရီနဗီးလ်က ချီးကျူးခဲ့တာဖြစ်ပါတယ်။

အာနိုးလ်ဟာ အန်ဒိုရာနဲ့ ကစားခဲ့တဲ့ အင်္ဂလန်အသင်းမှာ ကွင်းလယ်လူနေရာကို ဝင်ရောက်ကစားခဲ့ပေမယ့် အဲဒီနေရာဟာ အာနိုးလ်နဲ့ လိုက်ဖက်တဲ့ နေရာမဟုတ်ကြောင်း ကာရေဂါနဲ့ နဗီးလ်တို့က ဆက်ပြီးသုံးသပ်ခဲ့ပါတယ်။

1 month Ago

September 5, 2021

အင်္ဂလန်၏ စတုတ္ထဦးစားပေး ကစားသမားဖြစ်သွားသည့်အပေါ် ရှင်းပြရန်ခက်ခဲဟု အာနိုးလ်ပြော

ကမ္ဘာ့အကောင်းဆုံးညာနောက်ခံလူအဖြစ်ကနေ အင်္ဂလန်လက်ရွေးစင်အသင်းရဲ့ စတုတ္ထမြောက် ဦးစားပေး နောက်ခံလူဖြစ်သွားတဲ့အပေါ် ရှင်းပြဖို့ခက်ခဲတယ်လို့ လီဗာပူးနောက်ခံလူ အာနိုးလ်က ပြောပါတယ်။ 

အာနိုးလ်ဟာ ၂၀၁၉ ခုနှစ်က ဥရောပချန်ပီယံဆုဖလားရရှိမှုနဲ့အတူ ကမ္ဘာ့အကောင်းဆုံး ညာနောက်ခံလူအဖြစ် ရွေးချယ်ခံခဲ့ရဖူးတာပါ။ 

လက်ရှိအင်္ဂလန်အသင်းမှာတော့ မန်စီးတီးက ကိုင်လီဝေါ်ကာ၊ အက်သလက်တီကိုက ထရစ်ပီယာနဲ့ ချဲလ်ဆီးက ရီဆီဂျိမ်းစ်တို့က ဦးစားပေးကစားသမားဖြစ်ပြီး အာနိုးလ်က စတုတ္ထမြောက် ဦးစားပေးကစားသွားဖြစ်သွားခဲ့ရတာပါ။ 

အာနိုးလ်ဟာ ပြီးခဲ့တဲ့ ယူရိုပြိုင်ပွဲမတိုင်ခင်မှာ ဒဏ်ရာရရှိခဲ့တာကြောင့် လူစာရင်းကနေ နုတ်ထွက်ခဲ့ရပြီး အင်္ဂလန်အသင်းမှာ လီဗာပူးအသင်းမှာလို ခြေစွမ်းမရသေးကြောင်း အာနိုးလ်က ဝန်ခံခဲ့ပါတယ်။ 

“ကျနော့်အသင်းက ခြေစွမ်းလိုမျိုး အင်္ဂလန်အတွက် ယူဆောင်ပေးနိုင်ခြင်း မရှိသေးပါဘူး။ အသင်းလူစာရင်း ရောက်လာကတည်းက ကိုယ့်ရဲ့အကောင်းဆုံးခြေစွမ်းလည်း မရခဲ့ပါဘူး။ ဘာကြောင့်လဲဆိုတာကတော့ ရှင်းပြဖို့ခက်ခဲပါတယ်။ တစ်ခုရှိတာက ကွဲပြားခြားနားတဲ့ ကစားကွက်နဲ့ ကစားသမားတွေနဲ့အတူ ကစားရတာကြောင့် ဖြစ်နိုင်ပါတယ်။ ဒါကဆင်ခြေပေးတာမဟုတ်ပေမယ့် ကလပ်မှာလို ကစားရခက်ခဲခဲ့တာတော့အမှန်ပါပဲ။”

အာနိုးလ်ဟာ ၃ နှစ်အတွင်းမှာ အင်္ဂလန်အတွက် ၁၁ ပွဲသာ ကစားပေးနိုင်ခဲ့ပါတယ်။ 

1 month Ago
More News
Up