အာဏာသိမ်း

November 25, 2021

အာဏာသိမ်း ၁၀ လအတွင်း စစ်တပ်က ပြည်သူ ၁၂၉၀ ကျော်ကို သတ်ဖြတ်၊ ဖမ်းဆီးခံရသူ ၁၀,၄၅၀ ကျော်ရှိ

မြန်မာနိုင်ငံမှာ မတရားအာဏာသိမ်းကာလ ၁၀ လနီးပါးအကြာ စစ်တပ်ရဲ့ ပစ်ခတ်သတ်ဖြတ်မှုကြောင့် အပြစ်မဲ့ကျဆုံးပြည်သူ ၁,၂၉၁ ယောက်ထိရှိလာပြီလို့ နိုင်ငံ ရေးအကျဉ်းသားများ ကူညီစောင့်ရှောက်ရေးအသင်း (အေအေပီပီ)က ထုတ်ပြန်ပါတယ်။

ဒီစာရင်းဟာ ပြီးခဲ့တဲ့ ဖေဖော်ဝါရီ ၁ ရက်မှ နိုဝင်ဘာ ၂၄ ရက်အထိ အေအေပီပီက ကောက်ယူမှတ်တမ်းပြုစုထားတာဖြစ်ပြီး အမှန်တကယ် ကျဆုံးသူတွေဟာ ဒီထက်ပိုနိုင် တယ်လို့ ဖော်ပြထားပါတယ်။

နွေဦးတော်လှန်ရေးကာလအတွင်း ပြည်သူ ၁၀,၄၅၂ ယောက် ဖမ်းဆီးခံခဲ့ရပြီး အယောက် ၇,၅၃၀ ကတော့ လက်ရှိချုပ်နှောင်ခံထားရဆဲဖြစ်ပြီး အဲဒီထဲက ၃၀၆ ယောက်ကတော့ ထောင်ဒဏ်ချမှတ်ခံထားရပါတယ်။

ပြစ်ဒဏ်ကျခံရသူတွေထဲက အသက် ၁၈ နှစ်အောက် ကလေး ၂ ယောက်အပါအဝင် ၂၆ ယောက်ကတော့ သေဒဏ်ချမှတ်ခံထားရတယ်လို့ ဆိုပါတယ်။

အမှုဖွင့်ခံထားရပြီး ဖမ်းဝရမ်းထုတ်ခံထားရတဲ့အတွက် တိမ်းရှောင်နေသူ အရေအတွက်ကတော့ ၁၉၅၄ ယောက်ရှိနေပြီး သူတို့ထဲက မျက်ကွယ်သေဒဏ်ချမှတ်ခံထားရသူ ၃၉ ယောက်အပါအဝင် ၁၁၈ ယောက်ဟာ မျက်ကွယ်ပြစ်ဒဏ်ချမှတ်ခံထားရကာ သေဒဏ်ချ မှတ်ခံထားရသူ စုစုပေါင်း ၆၅ ယောက် ရှိခဲ့ပြီဖြစ်ပါတယ်။

ရန်ကုန်တိုင်းဒေသကြီး၊ ဗိုလ်တထောင်မြို့နယ်မှာ နေထိုင်တဲ့ အသက် ၁၉ နှစ်အရွယ် ကို ဘုန်းမြင့်အောင်ဟာ ဖခင်ဖြစ်သူ ဦးထင်ဝင်းနဲ့အတူ နိုဝင်ဘာ ၂၂ ရက်နေ့ ညနေပိုင်းက ဖမ်းဆီးခံခဲ့ရပြီး နောက်တနေ့ နိုဝင်ဘာ ၂၃ ရက်နေ့မှာတော့ စစ်ကြောရေးမှာ ကျဆုံး သွားခဲ့ကြောင်း သိရှိရပါတယ်။ ကိုဘုန်းမြင့်အောင်နဲ့အတူ ဖခင်ဖြစ်သူ ဦးထင်ဝင်းလည်း ဖမ်းဆီးခံခဲ့ရပြီးသူကတော့ အဲဒီနေ့ညအချိန်မှာပဲ ပြန်လည်လွတ်မြောက်လာခဲ့ကြောင်း သိရပါတယ်။

မန္တလေးတိုင်းဒေသကြီး၊ တောင်သာမြို့နယ်မှာ လူငယ် ၂ ယောက်ဖြစ်တဲ့ ကိုကျော်ထက် ဝေနဲ့ ကိုအောင်မောင်းကို စစ်တပ်က နိုဝင်ဘာ ၂၁ ရက်နေ့က ဖမ်းဆီးခဲ့ပြီး နောက်တရက်မှာတော့ အဆိုပါလူငယ်တွေကို သူတို့ ဇာတိဖြစ်တဲ့ ရုံးပင်ကျေးရွာကို ခေါ် ဆောင်ကာ ရွာသားတွေကို ပြသခြိမ်းခြောက်ခဲ့ကြောင်း သိရှိရပါတယ်။ အဲဒီလို ခေါ် ဆောင်ပြသရာမှာ လူငယ်တွေကို ဦးခေါင်း အဝတ်မည်းစီး၊ လက်ပြန်ကြိုးတုပ်ထားပြီး ရိုက်နှက်ခဲ့ကြပြီး ဦးခေါင်းကနေ ကျောပြင်အထိ သွေးများစီးကျ ပေကျံနေကြောင်းလည်း သိရှိရပါတယ်။

အရပ်ဘက်အဖွဲ့အစည်းတွေက ခေါင်းဆောင်တွေ၊ အရပ်သားတွေ၊ တက်ကြွလှုပ်ရှားသူ တွေ၊ သတင်းသမားတွေ၊ CDM လှုပ်ရှားနေတဲ့ ဝန်ထမ်းတွေစတဲ့ နယ်ပယ်အသီးသီးမှ ဘယ်သူမဆို ဖမ်းဆီး၊ ထိန်းသိမ်း၊ တရားစွဲဆိုခြင်းခံထားရတာတွေနဲ့ ပတ်သက်လို့ နွေဦး တော်လှန်ရေးကာလအတွင်း ကျဆုံးသွားသူတွေရဲ့ အချက်အလက်တွေကို သိရှိပါက အေ အေပီပီကို ဆက်သွယ်အသိပေး အကြောင်းကြားနိုင်ပါတယ်။

ဒါ့အပြင် ကျဆုံးအချက်အလက်တွေကို ဖော်ပြပါ [email protected] အီးမေးလ်နဲ့ အဖမ်းအဆီးအချက်အလက်တွေကို [email protected] အီးမေးလ်တွေဆီလည်း တိုက်ရိုက်ပေးပို့ ဆက်သွယ်အကြောင်းကြားနိုင်ကြောင်း အသိပေးထားပါတယ်။

6 days Ago

September 17, 2021

ဂီနီနှင့် မာလီ အာဏာသိမ်းမှုများအပေါ် ECOWAS ဒေသတွင်းအဖွဲ့ အပြင်းအထန်တုံ့ပြန်

ဂီနီနိုင်ငံရဲ့စစ်အာဏာသိမ်းအုပ်စုနဲ့ မာလီနိုင်ငံရဲ့အာဏာသိမ်းမှုနောက်ပိုင်း အသွင်ကူးပြောင်းမှုကို နှေးကွေး အောင်လုပ်နေသူတွေကို အနောက်အာဖရိကရဲ့အဓိကဒေသတွင်းအုပ်စုဖြစ်တဲ့  (ECOWAS)က စက်တင်ဘာ ၁၆ ရက်မှာ ဒဏ်ခတ်ပိတ်ဆို့မှုတွေ ချမှတ်ခဲ့ပြီး စစ်တပ်အာဏာသိမ်းမှုတွေကို အပြင်းထန်ဆုံး တုံ့ပြန်လိုက်ပါတယ်။ 

ဒါဟာ ဂါနာနိုင်ငံရဲ့မြို့တော် အက်ကရာမှာ ကျင်းပတဲ့ အနောက်အာဖရိကနိုင်ငံများ  စီးပွားရေးအသိုက်အဝန်း (ECOWAS) ရဲ့ အရေးပေါ်ထိပ်သီးအစည်းအဝေးမှာ ဒီဆုံးဖြတ်ချက်ကို သဘောတူခဲ့တာပါ။ 

ဒါဟာ ပြီးခဲ့တဲ့အပတ်က ဂီနီနိုင်ငံက အာဏာသိမ်းမှုကိုတုံ့ပြန်ဖို့နဲ့ မနှစ်တုန်းက မာလီနိုင်ငံမှာ အာဏာသိမ်းပြီးကတည်းက ဖွဲ့စည်းပုံအခြေခံဥပဒေအုပ်ချုပ်မှုကို တိုးတက်မှုနှေးကွေးနေတာကို သတိပြုရိပ်မိပြီးနောက်ပိုင်း တုံ့ပြန်တာ ဖြစ်ပါတယ်။ 

ဒေသဆိုင်ရာ ပြည်နယ်အကြီးအကဲတွေက ဂီနီနိုင်ငံရှိ အာဏာသိမ်းစစ်အုပ်စုအဖွဲ့ဝင်တွေနဲ့ သူတို့ရဲ့ဆွေမျိုးသားချင်းတွေကို ငွေကြေးပိုင်ဆိုင်မှုတွေကို ထိန်းချုပ်ထားပြီး  ခရီးသွားလာခွင့်တွေကို လည်း ပိတ်ပင်တားဆီးထားဖို့ ဆုံးဖြတ်လိုက်ပြီး ဂီနီသမ္မတ အယ်လ်ဖာကွန်ဒီကို ပြန်လွှတ်ပေးဖို့နဲ့ အချိန်တိုအတွင်း အသွင်ကူးပြောင်းရေးလုပ်ဖို့ တောင်းဆိုထားပါတယ်။ 

ရွေးကောက်ပွဲတွေကို ခြောက်လအတွင်း ကျင်းပသင့်တယ်လို့ ECOWAS ကော်မရှင်ဥက္ကဋ္ဌ ယန်းကလောက်ဒီကတ်စီဘောက်က အစည်းအဝေးမှာ ပြောပါတယ်။ 

ဒေသတွင်းအုပ်စုဟာ ၂၀၂၂ ခုနှစ် ဖေဖော်ဝါရီလအတွက် ရွေးကောက်ပွဲတွေ ကျင်းပဖို့ သဘောတူညီမှုကို ကတိတည်ဖို့နဲ့ နောက်လမှာ ရွေးကောက်ပွဲလမ်းပြမြေပုံကို တင်ပြဖို့တွေကို တောင်းဆိုပြီး မာလီနိုင်ငံရဲ့အသွင်ကူးပြောင်းရေးအစိုးရကို ပိုမိုဖိအားပေးခဲ့တယ်လို့ အစည်းအဝေး အပြီး ထုတ်ပြန်ချက်အရ သိရပါတယ်။ 

ရွေးကောက်ပွဲအတွက် ကြိုတင်ပြင်ဆင်မှုတွေကို ဟန့်တားနှောင့်ယှက်တဲ့ မာလီနိုင်ငံရှိ ဘယ်သူမဆို ဂီနီနိုင်ငံမှာ ချမှတ်ထားတဲ့ တူညီတဲ့ ဒဏ်ခတ်ပိတ်ဆို့ အရေးယူမှုတွေကို ကြုံတွေ့ရမှာ ဖြစ်တယ်လို့လည်း ဆိုပါတယ်။ 

2 months Ago
More News
Up