အာဆီယံဒေသ

June 21, 2021

အာဆီယံဒေသတွင်း ကိုဗစ်-၁၉ ကြောင့် တရက်တည်း ၅၅၈ ဦးသေဆုံး

အာဆီယံဒေသတွင်း နိုင်ငံတွေမှာ  ကိုဗစ်-၁၉ ကြောင့် တရက်တည်း သေဆုံးသူပေါင်း ၅၅၈ ယောက်ရှိခဲ့ပြီး ဒါဟာ ပြီးခဲ့တဲ့ သီတင်းပတ် ၂ ပတ်တာကာလအတွင်း အမြင့်ဆုံးအရေအတွက် ဖြစ်လာခဲ့ပါတယ်။

ဒေသတွင်း ရောဂါကူးစက်ခံရသူအရေအတွက်ဟာလည်း ၄ ဒသမ ၅၃ သန်းကျော် လာခဲ့ပြီဖြစ်ကာ သေဆုံးသူစုစုပေါင်းကတော့ ၈၈,၁၁၉ ယောက်ထိ မြင့်တက်လာခဲ့တာပါ။

ဖိလစ်ပိုင်နိုင်ငံမှာတော့ တရက်တည်း ကိုဗစ်-၁၉ ရောဂါကူးစက်ခံရသူပေါင်း ၅,၈၀၃ ယောက်၊ သေဆုံးသူ ၈၄ ယောက်ရှိခဲ့ပြီး ဒေသတွင်း ရောဂါကူးစက်မှုအမြင့်ဆုံး အင်ဒိုနီးရှားနိုင်ငံနောက် ဒုတိယအမြင့်ဆုံး ဖြစ်နေခဲ့တာ ဖြစ်ပါတယ်။

အာဆီယံဒေသတွင်း ကိုဗစ်-၁၉ ရောဂါကူးစက်မှု အမြင့်ဆုံးနိုင်ငံအဖြစ် အင်ဒိုနီးရှားနိုင်ငံက ရောဂါကူးစက်ခံရသူပေါင်း ၁ ဒသမ ၃ သန်းကျော်၊ သေဆုံးသူပေါင်း ၂၃,၆၂၁ ယောက်နဲ့ ရှိနေတာပါ။

ဖိလစ်ပိုင်အစိုးရတော့ Pfizer ကိုဗစ်-၁၉ ကာကွယ်ဆေးသန်း ၄၀ ဝယ်ယူဖို့ သဘောတူလက်မှတ်ရေးထိုးထားတာဖြစ်ပြီး သီတင်းပတ် ၈ ပတ်အတွင်း ရောက်ရှိလာမယ်လို့ ဆိုပါတယ်။

ကမ္ဘောဒီးယားနိုင်ငံမှာတော့ တရက်တည်း ကိုဗစ်-၁၉ ရောဂါကူးစက်ခံရသူ ၆၅၉ ယောက်နဲ့ သေဆုံးသူ ၁၇ ယောက်ရှိခဲ့ပြီး ကူးစက်ခံရသူစုစုပေါင်း ၄၂,၇၁၁ ယောက်နဲ့ သေဆုံးသူပေါင်း ၄၃၁ ယောက်ထိ ရှိလာခဲ့ပြီ ဖြစ်ပါတယ်။

ဒီအထဲက ၇ ယောက်ကတော့ ဗီဇပြောင်းကိုဗစ်-၁၉ ရောဂါကူးစက်ခံရသူတွေဖြစ်တယ်လို့ ပြည်သူ့ကျန်းမာရေးဝန်ကြီးဌာနက ထုတ်ပြန်ထားပြီး အဲဒီထဲက ၅ ယောက်ကတော့ ထိုင်းနိုင်ငံမှာ အလုပ်လုပ်ပြီး ပြန်လာသူတွေဖြစ်တယ်လို့ ဆိုပါတယ်။

       မလေးရှားနိုင်ငံမှာတော့ ကိုဗစ်-၁၉ ရောဂါကူးစက်ခံရသူစုစုပေါင်း ၆ သိန်း ၉ သောင်းကျော်၊ သေဆုံးသူပေါင်း ၄,၄၀၈ ယောက်နဲ့ အာဆီယံဒေတွင်း ကူးစက်မှုတတိယ အမြင့်ဆုံးနိုင်ငံ ဖြစ်နေပါတယ်။

       ကိုဗစ်-၁၉ တတိယလှိုင်းကူးစက်ခံ ထိုင်းနိုင်ငံမှာတော့ ရောဂါကူးစက်ခံရသူစုစု ပေါင်း ၂ သိန်းကျော်၊ သေဆုံးသူပေါင်း ၁,၆၂၉ ယောက် ရှိလာနေပြီ ဖြစ်ပါတယ်။

       မြန်မာနိုင်ငံကတော့ ကိုဗစ်-၁၉ ရောဂါကူးစက်ခံရသူစုစုပေါင်း ၁ သိန်း ၄ သောင်း ကျော်၊ သေဆုံးသူပေါင်း ၃,၂၆၂ ယောက်နဲ့ အာဆီယံဒေတွင်း ကူးစက်မှု စတုတ္ထအမြင့်ဆုံးနိုင်ငံ ဖြစ်နေပါတယ်။

2 days Ago

May 25, 2021

တရက်အတွင်း အာဆီယံဒေသတွင်း ကိုဗစ်-၁၉ ကူးစက်မှုစုစုပေါင်း၏ သုံးပုံတပုံခန့်မှာ မလေးရှား မှဖြစ်

အရှေ့တောင်အာရှ အာဆီယံဒေသမှာ တရက်အတွင်း ကိုဗစ်-၁၉ ရောဂါကူးစက်မှုအသစ် စုစု ပေါင်းရဲ့ သုံးပုံတပုံနီးပါးဟာ မလေးရှားနိုင်ငံက ဖြစ်တယ်လို့ နေးရှင်းသတင်းမှာ ဖော်ပြပါတယ်။

ဒေသတွင်း နိုင်ငံတွေမှာ ကိုဗစ်-၁၉ ရောဂါကူးစက်ခံရမှုအသစ် ၂၀,၉၃၁ ယောက်ရှိ ခဲ့ပြီး အရင်နေ့က ကူးစက်မှုအသစ် ၁၉,၄၆၂ ယောက်ရှိခဲ့တာမို့ ကူးစက်မှုအနည်းငယ် မြင့် တက်လာခဲ့တယ်လို့ ဆိုပါတယ်။

သေဆုံးမှုအသစ်ကတော့ ဒေသတွင်း စုစုပေါင်း သေဆုံးမှု ၂၆၂ ယောက်ရှိခဲ့ပြီး အရင်နေ့က သေဆုံးမှုအသစ် ၂၃၇ ယောက်ထက် ပိုမိုမြင့်တက်နေခဲ့တာပါ။

       အာဆီယံဒေသတွင်း ကိုဗစ်-၁၉ ရောဂါကူးစက်ခံရသူ စုစုပေါင်းကတော့ ၃ ဒသမ ၈၅ သန်းကျော်လာခဲ့ပြီဖြစ်ကာ သေဆုံးသူ စုစုပေါင်း ၇၆,၀၂၉ ယောက်ထိ ရှိနေခဲ့ပြီ ဖြစ်ပါတယ်။

မလေးရှားနိုင်ငံမှာတော့ ကိုဗစ်-၁၉ ကူးစက်မှုအသစ် ၆,၅၀၉ ယောက်ရှိခဲ့တာမို့ အာဆီယံဒေသတွေထဲ တရက်အတွင်း ကူးစက်မှုစုစုပေါင်းရဲ့ သုံးပုံတပုံနီးပါး ရှိနေခဲ့တာ ဖြစ်ပြီး တရက်တည်း သေဆုံးမှုဟာလည်း ၆၁ ယောက်ထိ မြင့်တက်ခဲ့တာ ဖြစ်ပါတယ်။

       နိုင်ငံတဝန်းမှာတော့ ကိုဗစ်-၁၉ ရောဂါ ကူးစက်ခံရသူ စုစုပေါင်း ၅၁၈,၆၀၀ ယောက်ထိ ရှိလာခဲ့ပြီး သေဆုံးသူ ၂,၃၀၉ ယောက် ရှိနေပြီ ဖြစ်ပါတယ်။

မလေးရှားနိုင်ငံ အလုပ်သမားဝန်ကြီးဌာနကတော့ ဆောက်လုပ်ရေးလုပ်ငန်းခွင် တွေမှာ အလုပ်သမားတွေကို ၆၀ ရာခိုင်နှုန်းထက်မနည်း လျှော့ချသွားဖို့ အမိန့်ထုတ်ပြန် ထားပြီး ဒေသတွင်း သက်ဆိုင်ရာအာဏာပိုင်တွေကလည်း ကိုဗစ်-၁၉ ရောဂါကူးစက်ပျံ့နှံ့မှု အခြေအနေအလိုက် အလုပ်ချိန်တွေကို ညှိနှိုင်းသွားဖို့ လုပ်ဆောင်နေတာပါ။

       အာဆီယံနိုင်ငံတွေထဲမှာတော့ မလေးရှားနိုင်ငံက တတိယမြောက် ကူးစက်မှုအ မြင့်ဆုံးနိုင်ငံဖြစ်နေပြီး  သူ့ရှေ့မှာတော့ အင်ဒိုနီးရှားနဲ့ ဖိလစ်ပိုင်နိုင်ငံတွေက ကူးစက်မှု သန်းချီရှိနေပြီး ဒေသတွင်း ကူးစက်မှုအမြင့်ဆုံးနိုင်ငံတွေအနေနဲ့ ရပ်တည်နေပါတယ်။

4 weeks Ago
More News
Up