အရန်ခုံ

October 10, 2020

အရန်ခုံတွင် မထိုင်ချင်ကြောင်း အင်တာမီလန်ကွင်းလယ်လူ အဲရစ်ဆင် ဖွင့်ဟ

အရန်ခုံမှာ မထိုင်ချင်ဘဲ ပွဲထွက်ခွင့်ရရှိလိုကြောင်း အင်တာမီလန်ကွင်းလယ်လူ အဲရစ်ဆင်က ပြောပါတယ်။  ဒိန်းမတ်ကွင်းလယ်လူ အဲရစ်ဆင်ဟာ မနှစ်က စပါးအသင်းကနေ ပြောင်းရွှေ့သွားခဲ့တာ ဖြစ်ပြီး နည်းပြ ကွန်တီလက်ထက်မှာ ပွဲထွက်ခွင့်မရ ဖြစ်နေတာပါ။  မနှစ်က ဘောလုံးရာသီမှာ ၁၇ ပွဲ ကစားခဲ့ပေမယ့် အခုနှစ်ဘောလုံးရာသီမှာတော့ တပွဲသာ ပွဲထွက်ကစားခွင့် ရရှိထားတာပါ။  နည်းပြ ကွန်တီဟာ လူကာကူနဲ့ မာတီနက်ဇ်တို့ရဲ့နောက်မှာ အီတလီကွင်းလယ်လူတွေဖြစ်တဲ့ ဘာရီလာနဲ့ ဆန်စီတို့ကို အသုံးပြုခဲ့ပြီး ဘာစီလိုနာက ဗီဒယ်လည်း ပြောင်းရွှေ့လာတာကြောင့် အဲရစ်ဆင်က အရန်ခုံရောက်သွားခဲ့တာပါ။  ဘောလုံးပွဲစဉ်တွေ အများကြီး ကစားရဖို့ ကျန်သေးတာကြောင့် ပွဲကစားခွင့် ပိုမိုရရှိလာဖို့ မျှော်လင့်ပြီး အရန်ခုံထိုင်ရတာက ဘယ်တုန်းကမှ နှစ်သက်စရာ မကောင်းခဲ့ကြောင်း အဲရစ်ဆင်က ပြောခဲ့တာပါ။
8 months Ago

June 16, 2020

စပါးနှင့်ပွဲစဉ်တွင် ပေါ့ဘာကို အရန်ခုံထားရန် နည်းပြဆိုးလ်ရှား စီစဉ်ဟု သတင်းထွက်

မန်ယူနည်းပြ ဆိုးလ်ရှားဟာ စပါးအသင်းနဲ့ပွဲမှာ  ကွင်းလယ်လူ ပေါ့ဘာကို အရန်ခုံမှာပဲထားဖို့ စီစဉ်ထားတယ်လို့ သတင်းထွက်ပေါ်နေပါတယ်။  ပေါ့ဘာနဲ့ ဘရူနိုဖာနန်ဒက်စ် ကွင်းလယ်အတွဲကို အသင်းပရိသတ်တွေကို ကြည့်ရူလိုပေမယ့်လည်း နည်းပြဆိုးလ်ရှားကတော့ ပေါ့ဘာကို အရန်ခုံမှာထားဖို့ စဉ်းစားထားတယ်လို့ သိရပါတယ်။  ပေါ့ဘာဟာ ခြေချင်းဝတ်ဒဏ်ရာကြောင့် အသင်းရဲ့ ပွဲစဉ် ၈ ပွဲသာ ပါဝင်ကစားခွင့်ရခဲ့ပါတယ်။  ကွင်းလယ်ပိုင်းမှာ ဘရူနိုဖာနန်ဒက်စ် ခြေစွမ်းပြနေသလို ဖရက်ဒ်၊ မာတစ်နဲ့ တွန်မီနေးတို့လည်း ရှိနေတာကြောင့် ပေါ့ဘာအနေနဲ့ အရန်ခုံမှာ ထိုင်ရဖို့ရှိနေတာပါ။  လာမယ့်သောကြာနေ့ ကစားမယ့် စပါးအသင်းနဲ့ ပွဲစဉ်ဟာ ချန်ပီယံလိဂ်ဝင်ခွင့်ရဖို့ အရေးပါတဲ့ပွဲစဉ်ဖြစ်ပြီး အရင်ပွဲတွေမှာ ခြေစွမ်းပြခဲ့တဲ့ ကွင်းလယ်အတွဲကိုပဲ အသုံးပြုဖို့ နည်းပြ ဆိုးလ်ရှားက ဆန္ဒရှိနေတယ်လို့ The Athletic သတင်းမှာ ဖော်ပြခဲ့ပါတယ်။  နည်းပြဆိုးလ်ရှားဟာ  ၂ သင်း ခွဲကစားတဲ့ ပွဲစဉ်မှာ ပေါ့ဘာနဲ့ ဖာနန်ဒက်စ်တို့ကို တဖက်စီ ထားခဲ့ပေမယ့် ဝက်စ်ဘရွန်းနဲ့ ခြေစမ်းပွဲတွေမှာတော့ အတူတွဲဖက်ကစားစေခဲ့ပါတယ်။
1 year Ago
Up