အမျိုးသားဒီမိုကရေစီအဖွဲ့ချုပ်

January 15, 2021

NLD ရွေးကောက်ပွဲအနိုင်ရသည့်အပေါ် ဂုဏ်ယူဝမ်းမြောက်ကြောင်း နော်ဝေနိုင်ငံခြားရေးဝန်ကြီးပြော

မြန်မာနိုင်ငံမှာကျင်းပခဲ့တဲ့ အထွေထွေေရွေးကောက်ပွဲမှာ အမျိုးသားဒီမိုကရေစီအဖွဲ့ချုပ်က အနိုင်ရရှိခဲ့တဲ့အပေါ် ဝမ်းမြောက်ဂုဏ်ယူကြောင်း နော်ဝေ နိုင်ငံခြားရေးဝန်ကြီး Ms. Ine Eriksen Søreideက နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို  ပြောကြားလိုက်ပါတယ်။ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ နော်ဝေနိုင်ငံခြားရေးဝန်ကြီးတို့ ဒီကနေ့ ဇန်နဝါရီ ၁၅ ရက်က  တယ်လီကွန်ဖရင့်နဲ့ဆက်သွယ် ဆွေးနွေးစဉ် ပြောကြားခဲ့တာလို့ မြန်မာနိုင်ငံခြားရေးဌာနက သတင်းထုတ်ပါတယ်။ ဆွေးနွေးရာမှာ မြန်မာနဲ့ နော်ဝေနိုင်ငံတို့အကြား ရှိရင်းစွဲ ချစ်ကြည် ရင်းနှီးတဲ့ ဆက်ဆံရေး ပိုမိုမြှင့်တင်သွားရေး၊ ရာသီဥတုပြောင်းလဲမှု၊ အမုန်းစကားပြန့်ပွားမှု တားဆီးကာကွယ်ရေး၊ မြန်မာ့ဒီမိုကရေစီအသွင်ကူးပြောင်းရေးနဲ့ အားလုံးပါဝင်တဲ့ ငြိမ်းချမ်းရေး လုပ်ငန်းစဉ်တွေမှာ နော်ဝေနိုင်ငံက ဆက်လက်ကူညီပံ့ပိုးသွားဖို့ကိစ္စတွေ ဆွေးနွေးခဲ့ကြတယ်လို့ သိရပါတယ်။  ဓာတ်ပုံ- MOFA
4 months Ago

January 13, 2021

အန်အယ်လ်ဒီနှင့် ပအိုဝ်းအမျိုးသားအဖွဲ့ချုပ် တွေ့ဆုံဆွေးနွေး

အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ကိုယ်စားလှယ်အဖွဲ့နဲ့ ပအိုဝ်းအမျိုးသားအဖွဲ့ချုပ် (PNO) တို့  ဇန်နဝါရီ ၁၃ ရက် ဒီကနေ့ မွန်းလွဲပိုင်းက  ရှမ်းပြည်နယ် တောင်ကြီးမြို့ရှိ အန်အယ်လ်ဒီပါတီရုံးမှာ  တွေ့ဆုံခဲ့ပါတယ်။

ဒေါက်တာ အောင်မိုးညိုခေါင်းဆောင်တဲ့ အန်အယ်လ်ဒီ ကိုယ်စားလှယ်အဖွဲ့နဲ့    ဥက္ကဋ္ဌ ခွန်စံလွင်ဦးဆောင်တဲ့ ပအိုဝ်းအမျိုးသားအဖွဲ့ချုပ် PNO ပါတီတာဝန်ရှိသူတွေ မွန်းလွဲ ၃ နာရီလောက်က တွေ့ဆုံခဲ့တာလို့ PNO က သတင်းထုတ်ပြန်ထားပြီး ဆွေးနွေးတဲ့ အကြောင်းအရာတွေကိုတော့ ထုတ်ပြန်ချက်မှာ ဖော်ပြခြင်းမရှိပါဘူး။

ရှမ်းပြည်နယ်မှာ ပြည်နယ်လွှတ်တော် ၇ နေရာ၊ ပြည်ထောင်စုလွှတ်တော်မှာ ၄ နေရာ အနိုင်ရထားတဲ့ ပအိုဝ်းအမျိုးသားအဖွဲ့ချုပ် အထွေထွေအတွင်းရေးမှူး ခွန်သိန်းဖေက “ကျနော်တို့က နေရာပြဿနာမရှိဘူး။ အဓိကကတော့ ရလဒ်ပဲ။”လို့  ပြောပါတယ်။

အန်အယ်လ်ဒီ ကိုယ်စားလှယ်အဖွဲ့ဟာ ညနေပိုင်း ၄ နာရီခွဲလောက်မှာ တအာင်း(ပလောင်)အမျိုးသားပါတီ ဒု-ဥက္ကဋ္ဌ ဦးညီစိန်၊ အထွေထွေအတွင်းရေးမှူး မိုင်းအုဏ်းခိုင်တို့နဲ့ တောင်ကြီးမြို့ရှိ အန်အယ်လ်ဒီပါတီရုံးမှာပဲ တွေ့ဆုံခဲ့ပါတယ်။ တွေ့ဆုံဖို့   ဖိတ်ကြားခံထားရတဲ့ တအာင်း(ပလောင်)အမျိုးသားပါတီရဲ့ အထွေထွေအတွင်းရေးမှူး မိုင်းအုဏ်းခိုင်က   အန်အယ်လ်ဒီ ပါတီ  ဖိတ်တဲ့  နေရာမှာတွေ့ဆုံမှာ ဖြစ်တယ်လို့ ဒီဗွီဘီကို   ပြောထားပါတယ်။

မကွေးတိုင်းဝန်ကြီးချုပ် ဒေါက်တာ အောင်မိုးညို၊ ကရင်ပြည်နယ်ဝန်ကြီးချုပ် ဒေါ်နန်းခင်ထွေးမြင့်နဲ့ အမျိုးသားလွှတ်တော်ကိုယ်စားလှယ် ဦးအင်ထုံခါးနော်ဆန်တို့ပါဝင်တဲ့ အန်အယ်လ်ဒီကိုယ်စားလှယ်အဖွဲ့ဟာ ဒေသခံတိုင်းရင်းသားပါတီ တွေနဲ့ တွေ့ဆုံဆွေးနွေးဖို့ နယ်လှည့်သွားရောက်နေတာဖြစ်ပါတယ်။

အန်အယ်လ်ဒီ ကိုယ်စားလှယ်အဖွဲ့ဟာ ရွေးကောက်ပွဲအနိုင်ရထားတဲ့ ကချင်ပြည်နယ် ပြည်သူ့ပါတီနဲ့ ကချင်ပြည်နယ်မှာ သွားရောက်တွေ့ဆုံခဲ့ပြီး မွန်ညီညွတ်ရေး ပါတီနဲ့တွေ့ဆုံဖို့ မွန်ပြည်နယ်ကိုရောက်ရှိချိန်မှာတော့ တွေ့ဆုံမယ့်နေရာညှိနှိုင်းမရလို့ ဆွေးနွေးပွဲ ပျက်ခဲ့ပါတယ်။ ဇန်နဝါရီ ၁၂ ရက် မနေ့ကလည်း  လွိုင်ကော်မြို့မှာ ကယားပြည်နယ်ဒီမိုကရက်တစ်ပါတီနဲ့ တွေ့ဆုံဖို့စီစဉ်ခဲ့ပေမယ့် နေရာပြဿနာကြောင့် တွေ့ဆုံနိုင်ခြင်းမရှိခဲ့ပါဘူး။

PHOTO-PNO

 
4 months Ago
More News
Up