အဘိုးအို

June 5, 2020

စင်ကာပူတွင်  ၈၁ နှစ်အရွယ် အဘိုးအိုအပါအဝင် ၃၃ ဦး လောင်းကစားမှုဖြင့် ဖမ်းဆီးခံရ

စင်ကာပူနိုင်ငံမှာ တရားမဝင်လောင်းကစားမှုနဲ့ ဖမ်းဆီးခံရသူအမျိုးသား ၃၃ ယောက်ထဲမှာ အသက် ၈၁ နှစ်အရွယ် အဘိုးအိုတယောက်လည်း ပါဝင်တယ်လို့ ချန်နယ် နယူးစ်အေးရှသတင်းမှာ ဖော်ပြပါတယ်။ ဒါဟာ ပြီးခဲ့တဲ့ ဇွန်လ ၃ ရက်နေ့မှာ ရဲတွေက တရားမဝင် မြင်းပွဲလောင်းကစား လုပ်သူတွေကို စီမံချက်နဲ့ ဖမ်းဆီးခဲ့တာဖြစ်ပြီး ဖမ်းမိခဲ့သူတွေထဲ အသက် ၂၈ နှစ်ကနေ ၈၁ နှစ်ထိ ပါဝင်နေခဲ့တာပါ။  ရဲတွေ ပိုက်စိပ်တိုက်ရှာဖွေခဲ့တဲ့ နေရာတွေထဲမှာ Jalan Kukoh ၊ Bukit Merah ၊ Toa Payoh ၊ Ang Mo Kio ၊ Eunos Crescent ၊ Boon Lay Place နဲ့ Marsiling Road စတဲ့ နေရာတွေ ပါဝင်ပြီး စင်ကာပူဒေါ်လာ ၉ ထောင်၊ လောင်းကစားလုပ်ရာမှာ အသုံးပြုတဲ့ ဆက်စပ်ပစ္စည်းတွေကိုပါ သိမ်းဆည်းရမိခဲ့တယ်လို့ ဒီကနေ့ ထုတ်ပြန်လိုက်တာပါ။ လတ်တလောမှာတော့ အဆိုပါ အမျိုးသား ၃၃ ယောက်ကို လောင်းကစား ဥပဒေ၊ ရွှေ့ပြောင်းလောင်းကစားမှု ဥပဒေတွေနဲ့ အရေးယူသွားဖို့ ရှိနေတာပါ။ နောက်ပြီး သူတို့ဟာ လတ်တလော ကိုဗစ်-၁၉ ကပ်ဘေးကာလ လူမှုအလှမ်းခွာစည်းမျဉ်းစည်း ကမ်းတွေကို ချိုးဖောက်မှုအတွက်လည်း အရေးယူခံရနိုင်ဖွယ်ရှိတယ်လို့ ရဲတွေက ဆိုပါတယ်။ Source: CNA/ta(gs)
11 months Ago

October 13, 2019

သူ့စက်ဘီးထိုင်ခုံ အခိုးခံရသဖြင့် စက်ဘီးထိုင်ခုံ ၁၆၀ ခန့် ပြန်ခိုး၍ လက်စားချေသည့် အဘိုးအို

သူ့စက်ဘီးထိုင်ခုံအခိုးခံခဲ့ရတာကြောင့် လက်စားချေတဲ့အနေနဲ့ စက်ဘီးထိုင်ခုံ ၁၆၀ နီးပါးကိုခိုးယူခဲ့တဲ့ ဂျပန်နိုင်ငံက ထူးထူးဆန်းဆန်းခိုးမှုတခုကို တိုကျိုရဲတပ်ဖွဲ့က ဖော်ထုတ်နိုင်ခဲ့ပါတယ်။  ဒီဖြစ်ရပ်မှာ ကျူးလွန်သူဟာ အသက် ၆၁ နှစ်အရွယ်အမျိုးသားတဦးဖြစ်ပြီး သူ့စက်ဘီးထိုင်ခုံ ဖြုတ်ခိုးခံလိုက်ရတာက သူ့ကိုဒီလိုမျိုး ထူးထူးဆန်းဆန်းပြစ်မှု ကျူးလွန်ဖို့ ဖြစ်စေတယ်လို့ OC သတင်းမှာ ဖော်ပြပါတယ်။  အသက် ၆၁ နှစ်အရွယ် အကီအို ဟာတိုရီရဲ့ စက်ဘီးထိုင်ခုံကို ၂၀၁၈ နွေဦးရာသီက တစ်စုံတစ်ယောက်က ချွတ်ယူသွားခဲ့ပါတယ်။ ဒီဖြစ်ရပ်ကြောင့် အကီအို ဟာတိုရီဟာ တော်တော်လေးကို စိတ်ပျက်ဒေါသထွက်ခဲ့ရပြီး အခိုးခံလိုက်ရတဲ့ ထိုင်ခုံအစားအသစ်တခုကို ပြန်ဝယ်ခဲ့ရပါတယ်။  ဒါပေမယ့် အကီအို ဟာတိုရီဟာ ဒီဖြစ်ရပ်ကို ရဲတိုင်ရမယ့်အစား သူများစက်ဘီးတွေက ထိုင်ခုံတွေကို လိုက်ခိုးပြီး သူခံစားခဲ့ရသလို တခြားသူတွေ ခံစားရစေဖို့ ဆုံးဖြတ်လိုက်ပါတယ်။ အဲဒီအချိန်ကစလို့ အကီအို ဟာတိုရီဟာ သူများတွေရဲ့ စက်ဘီးထိုင်ခုံတွေကို လိုက်ခိုးခဲ့ပြီးနောက် မကြာသေးခင်က အဖမ်းခံလိုက်ရပါတယ်။  ထိုင်ခံအခိုးခံရသူတွေထဲက တဦးက ဒီဖြစ်ရပ်ကိုရဲတိုင်ခဲ့ပြီး စီစီတီဗွီစစ်ဆေးချက်တွေမှာ စက်ဘီးထိုင်ခုံချွတ်ယူနေတဲ့ အကီအို ဟာတိုရီရဲ့ ပုံရိပ်တွေကို ရဲတပ်ဖွဲ့က တွေ့ခဲ့ရပါတယ်။ ဒါ့ကြောင့် သူတို့ဟာ ဒီအဘိုးအိုရဲ့ အိမ်ကိုသွားရောက်ရှာဖွေခဲ့ပြီး အဲ့ဒီကိုရောက်တော့ မထင်မှတ်ထားတာတွေကိုမြင်တွေ့ခဲ့ရပါတယ်။  ရဲတပ်ဖွဲ့က တိုင်ကြားထားတဲ့ စက်ဘီးထိုင်ခုံတခိကို သိမ်းဆည်းဖို့သွားခဲ့ပေမယ့် အကီအိုရဲ့ အိမ်ရောက်တော့ အဲ့ဒီထိုင်ခုံအပြင် နောက်ထပ် စက်ဘီးထိုင်ခုံပေါင်း ၁၅၀ ကျော်ကိုပါ ရှာ တွေ့ခဲ့ပါတယ်။  မေးမြန်းမှုတွေလုပ်တဲ့အခါမှာ သူ့ထိုင်ခံပျောက်တုန်းက ခံစားရသလို တခြားလူတွေလည်း ခံစားရစေဖို့ ဒီလိုခိုးရတာလို့ အကီအိုကဝန်ခံပြီး ဒီဖြစ်ရပ်က ဂျပန်နိုင်ငံတဝန်းလုံးကို အံ့အားသင့်စေခဲ့ပါတယ်။  လက်ရှိအချိန်မှာ ရဲတပ်ဖွဲ့က အကီအိုဟာတိုရီကို ထိန်းသိမ်းထားပြီး သူ့ရဲ့ရုံးတင်စစ်ဆေးမှုကို မကြာခင် စတင်တော့မှာပဲဖြစ်ပါတယ်။
2 years Ago
More News
Up