အင်းတော်မြို့နယ်

May 26, 2021

အင်းတော်မြို့နယ်၌ စာသင်ကျောင်း မီးလောင်၊ မီးသတ်တပ်ဖွဲ့ဝင်၂ ဦး ယာဉ်တိုက်မှုဖြစ်ပြီး သေဆုံး

စစ်ကိုင်းတိုင်း၊ အင်းတော်မြို့နယ်၊ စက်တောကုန်းကျေးရွာရှိ အခြေခံပညာအလယ်တန်းကျောင်းမှာ မေလ ၂၆ ရက် မနက်အစောပိုင်း နှစ်နာရီခွဲ လောက်က မီးလောင်မှုဖြစ်ပွားပြီး မီးငြှိမ်းသတ်ဖို့သွားတဲ့ မီးသတ်တပ်ဖွဲ့ ဝင် ၂ ဦး လမ်းမှာယာဉ်တိုက်မှုဖြစ်ပြီး သေဆုံးသွားပါတယ်။

မီးသတ်တပ်ဖွဲ့က စာသင်ကျောင်းကိုမီးသတ်ဖို့ အချိန်မီအောင်သွားခဲ့ပေမဲ့ လမ်းမှာ မီးသတ်ယာဉ်တိုက်မှုဖြစ်ခဲ့တဲ့အတွက် မီးသတ်တပ်ဖွဲ့ဝင် ၂ ဦးသေဆုံးခဲ့ပြီး စာသင်ကျောင်း အကုန်နီးပါး မီးလောင်ခဲ့တယ်လို့  အင်းတော်မီးသတ်အဖွဲ့ဝင်တစ်ဦးက ပြောပါတယ်။

“ကျနော်တို့ စက်တောကုန်း မီးလောင်နေတဲ့ စာသင်ကျောင်းကို မီးငြှိမ်းဖို့ သွားဖို့ မီးသတ်ယာဉ်ထွက်ခဲ့ပါတယ်။ မီးငြှိမ်းသတ်နိုင်ဖို့ ကြိုးစားရင်း ယာဉ်မတော်တဆမှုကြောင့် အင်းတော်မြို့နယ်မီးသတ်တပ်ဖွဲ့ဝင် လူငယ်နှစ်ဦး အသက်ပေးခဲ့ရတယ်” လို့ ပြောပါတယ်။

သေဆုံးသွားတဲ့ အင်းတော်မြို့နယ် မီးသတ်အဖွဲ့ဝင် ၂ ယောက်ရဲ့ ဈာပနကို မနက်ဖြန် ကျင်းပဖို့ ရှိနေပါတယ်။

 

2 months Ago

August 24, 2020

အင်းတော်မြို့နယ်တွင် ငွေကျပ်သိန်း ၂၃၉၄၀ တန်ဖိုးရှိ စိတ်ကြွဆေးများဖမ်းမိ

စစ်ကိုင်းတိုင်းဒေသကြီး၊ အင်းတော်မြို့နယ်မှာ ငွေကျပ်သိန်း ၂၃၉၄၀ တန်ဖိုးရှိ စိတ်ကြွရူးသွပ်ဆေးပြားတွေဖမ်းဆီးရမိတယ်လို့ မူးယစ်ဆေးအလွဲသုံးမှု ထိန်းချုပ်ရေး ဗဟိုကော်မတီက ထုတ်ပြန်ပါတယ်။ သြဂုတ်လ ၂၃ ရက် ညနေ ၅ နာရီခွဲလောက်က  အင်းတော်မြို့မရဲစခန်းမှ တပ်ဖွဲ့ဝင်တွေနဲ့ ပူးပေါင်းအဖွဲ့က သတင်းအရ အင်းတော်မြို့နယ်၊ နဘားပူးပေါင်းစစ်ဆေးရေးဂိတ်မှာ ရှာဖွေစစ်ဆေးနေစဉ် ရွှေဘိုမြို့ဘက်မှ မြစ်ကြီးနားမြို့ဘက်သို့ လားရှိုးမြို့နယ်၊ အီနိုင်းကျေးရွာနေ သိန်းသားမောင်းနှင်ပြီး ဂွန်းအောင် စီးနင်းလိုက်ပါလာတဲ့ မော်တော်ယာဉ်ကို ရပ်တန့် စစ်ဆေးရှာဖွေရာမှာ မူးယစ်ဆေးတွေတွေ့ရှိခဲ့တာပါ။ အဆိုပါယာဉ်ပေါ်တွင်သိုဝှက်သယ်ဆောင်လာတဲ့ ပလတ်စတစ်ကပ်ခွာအိတ်တွေနဲ့ ထည့်ထားတဲ့ စိတ်ကြွရူးသွပ်ဆေးပြား ၄၇၈၈၀၀ ပြား (တန်ဖိုးငွေကျပ်သိန်း ၂၃၉၄၀ )၊ မြန်မာငွေ ၈၀၀၀၀ ကျပ်နဲ့ လက်ကိုင်ဖုန်း ၂ လုံးတို့ကို တွေ့ရှိ သိမ်းဆည်းရမိခဲ့တယ်လို့ ဆိုပါတယ်။ ဖမ်းမိသူ ၂ ဦးကို အင်းတော်မြို့မရဲစခန်းမှာ မူးယစ်ဆေးဝါးနဲ့ စိတ်ကိုပြောင်းလဲစေသော ဆေဝါးများဆိုင်ရာဥပဒေနဲ့  အမှုဖွင့်အရေးယူပြီး ကွင်းဆက်တွေကို ဖော်ထုတ်စစ်ဆေးနေတယ်လို့ သိရပါတယ်။ ဓာတ်ပုံ- CCDACM
11 months Ago
More News
Up