အင်းစိန်

June 30, 2021

အင်းစိန်၊ ပိန္နဲကုန်းရပ်ကွက်တွင် ဒလန်ဆိုပြီးသတ်မှတ်ခံရသူတစ်ဦး သေနတ်ဖြင့် ပစ်သတ်ခံရ

အင်းစိန်၊ ပိန္နဲကုန်းရပ်ကွက်မှာ ဒလန်လို့သတ်မှတ်ခံနေရတဲ့ အသက် ၅၀ အရွယ် ဦးမောင်မောင်ဟာ သေနတ်နဲ့သုံးချက်ပစ်ခတ်ခံရပြီး အခင်းဖြစ်နေရာမှာ သေဆုံးသွားတယ်လို့ ရပ်ကွက်မှာနေထိုင်သူတစ်ယောက်က ပြောပါတယ်။

ဇွန် ၃၀ ရက်နေ့မနက် ၈ နာရီခွဲလောက်က ပိန္နဲကုန်းရပ်ကွက်၊ သရက်ခြံ ၃ လမ်းမှာ ပစ်ခတ်မှုဖြစ်ပွားပြီး ဦးမောင်မောင် သေဆုံးခဲ့တာဖြစ်ပါတယ်။

ဦးမောင်မောင်ဟာ အင်းစိန်ပေါက်တောဝနဲ့ ရုပ်ရှင်ရုံလမ်းထိပ်သပိတ်တွေမှာ ပါဝင်တဲ့ လူငယ်တွေရဲ့ သတင်းတွေကို စစ်ကောင်စီဆီ ပေးပို့တာတွေရှိတယ်လို့ ရပ်ကွက်နေသူတွေက စွပ်စွဲထားပါတယ်။ 

ဦးမောင်မောင်ဟာ ရပ်ကွက်အတွင်း ၂ လုံးထီရောင်းတဲ့အလုပ်နဲ့ ဝင်ငွေရှာသူဖြစ်တယ်လို့လည်း သိရပါတယ်။

ပစ်ခတ်မှုဖြစ်ပွားပြီးနောက်ပိုင်းမှာ သရက်ခြံ ၃ လမ်းကို စစ်ကောင်စီတပ်တွေရောက်လာပြီး စစ်ဆေးမေးမြန်းတာတွေ ပြုလုပ်ခဲ့ပါတယ်။

အင်းစိန်မြို့နယ်မှာ မတ်လဆန်းကစပြီး လူငယ်တွေက စစ်အာဏာရှင်ဆန့်ကျင်ရေး သပိတ်တွေ ဆက်တိုက်ဆင်နွှဲခဲ့ပါတယ်။ စစ်ကောင်စီက အင်းစိန်သပိတ်ကို အင်အားသုံး အကြမ်းဖက်ဖြိုခွင်းခဲ့သလို လူငယ်တစ်ရာကျော် အဖမ်းခံထားရတယ်လို့လည်း သပိတ်မှာ ပါဝင်တဲ့လူငယ်တွေက ပြောပါတယ်။

4 weeks Ago

May 9, 2021

အင်းစိန်အရုဏ်ဦးသပိတ်က ကျောင်းသားတစ်ဦး ဖမ်းဆီးခံရ

မေ ၉ ရက်မနက်ပိုင်းကလုပ်တဲ့ စစ်အာဏာရှင်စနစ်ဆန့်ကျင်ရေး အရုဏ်ဦးသပိတ်မှာပါတဲ့ ကျောင်းသား လူငယ်တစ်ယောက်  ဖမ်းဆီးခံလိုက်ရပါတယ်။

အဲဒီသပိတ်ကို စစ်ကောင်စီအဖွဲ့ဝင်တွေက အိမ်စီးကားတွေ၊ ဆိုင်ကယ်တွေနဲ့ အကြမ်းဖက်ဖြိုခွင်းခဲ့တာလို့ သပိတ်မှာပါဝင်တဲ့ လူငယ်တစ်ဦးက ပြောပါတယ်။

မနက်ပိုင်းမှာ အကြမ်းဖက်ဖမ်းဆီးတာရှိခဲ့ပေမဲ့ အင်းစိန်လူငယ်တွေဟာ နေ့လယ်ပိုင်းမှာ သပိတ်လမ်းကြောင်း ပြန်ထွက်ခဲ့ချိန် စစ်ကောင်စီက ထပ်မံဖြိုခွင်းဖို့ ကြိုးစားပေမဲ့ လူငယ်တွေ အချိန်မီ လူစုခွဲနိုင်ခဲ့ပါတယ်။

3 months Ago
More News
Up