အခြေခံလူတန်းစား

September 17, 2021

ချင်းမိုင်တွင် အခြေခံလူတန်းစား ၂ ဦး ထိုင်းထီပထမဆုများ အသီးသီးဆွတ်ခူး

စက်တင်ဘာ ၁၆ ရက်က ထွက်သွားတဲ့ ထိုင်းထီပေါက်စဉ် ပထမဆု ပေါက်ဂဏန်းနံပါတ် ၀၇၀၉၃၅ မှာ ထိုင်းမြောက်ပိုင်း ချင်းမိုင်ခရိုင်မှာနေတဲ့ ဆိုင်ရောင်းအကူ အမျိုးသမီး ၁ ဦးနဲ့  ကျောင်းထိုင်ဆရာတော်ရဲ့ ယာဉ်မောင်းသမား ၁ ဦးတို့ ကံထူးစွာ ၅ စောင် ( ဘတ်သန်းပေါင်း ၃၀ ) နဲ့ ၂ စောင် ( ဘတ် ၁၂ သန်း ) စီ ဆွတ်ခူးသွားပါတယ်။ 

ပထမဆု ၅ စောင် ( ဘတ်သန်းပေါင်း ၃၀ ) ပေါက်သူမှာ ချင်းမိုင်ခရိုင်၊ ဆန်ကမ်ဖဲန်းမြို့နယ်၊ ပါဖိုင်ရပ်ကွက်က အမျိုးသမီးတစ်ဦးဖြစ်ပြီး သူဟာ မှန်ရောင်းတဲ့ဆိုင်မှာ ဈေးရောင်းကူနေသူ တစ်ဦးဖြစ်တယ်လို့ဆိုပါတယ်။

သူဟာအဆိုပါထီလက်မှတ်တွေကို ပါဖိုင်ဈေးရှေ့ ထီဆိုင်တစ်ဆိုင်ကနေ ထီပေါက်စဉ် မထွက်ခင် နာရီပိုင်းအလိုမှာမှဝယ်ယူသွားတာလို့ ထီဆိုင်ပိုင်ရှင်က ထိုင်းရတ်သတင်းထောက်ကို ပြောပါတယ်။ 

သတင်းထောက်တွေက သူ့ကို အင်တာဗျူးဖို့ ထီပေါက်သတင်းပို့မယ့် ဆန်ကမ်ဖဲန်းရဲ စခန်းရှေ့မှာ သွားစောင့်ဆိုင်းခဲ့ကြပေမယ့် ဆွေမျိုးတသိုက်နဲ့ အချိန်အတော်ကြာ ပျော်မဆုံးဖြစ်နေ ကြတာကြောင့် မဗျူးဘဲပြန်လာခဲ့ကြရတယ်လို့ ဆိုပါတယ်။ 

Cm.108 သတင်းကဆက်သွယ်မေးမြန်းရာမှာတော့ သူဟာ အဆိုပါ ထီကို ၂ လုံး - ၃ လုံးလောက် ပေါက်ဖို့  မျှော်လင့်ချက်နဲ့ ထိုးခဲ့တာသာဖြစ်ကြောင်း၊ မမျှော်လင့်ဘဲ ပထမဆု ၅ စောင်လုံး ပေါက်တော့ မျက်ရည်ကျအောင်ဝမ်းသာလုံးဆို့ခဲ့ကြောင်း ၊ ထီပေါက်တဲ့ငွေတွေနဲ့ ပထမဆုံး အကြွေးတွေအကုန်ဆပ်ကာ စီးပွါးရေးရင်းနှီးမြှုပ်နှံမယ်လို့ ဖြေကြားသွားပါတယ်။ 

ချင်းမိုင်က နောက်ထပ်ကံထူးသူတစ်ဦးမှာ ဖရောဝ့်မြို့နယ် မဲ့ဝဲန့်ရွာမှာနေထိုင်သူ အသက် ၃၃ နှစ်ရွယ်ရှိ နိုင်းပရကိုင်း ဆောဝ်ခမ်း ဆိုသူဖြစ်ပါတယ်။ သူကတော့ ဝပ်မဲ့ဟယ် ကျောင်းတိုက်မှ ကျောင်းထိုင်ဆရာတော်ရဲ့ ယာဉ်မောင်းသမားဖြစ်ပြီး ထီ ၄ စောင်ဝယ်တဲ့ထဲမှာ ၂ စောင်ပထမဆုပေါက်တာဖြစ်ကြောင်း ၊ ထီပေါက်ငွေတွေ မိခင်ကိုပေးမှာဖြစ်ပြီး ကျန်တာကို အမေအတွက် အိမ်ဆောက်ပေးကာ မိသားတစ်စုလုံး အဲဒီအိမ်မှာ ပျော်ရွှင်စွာနေထိုင်ပြီး ငွေကိုခြိုးခြံသုံးစွဲသွားမယ်လို့ ထိုင်းရတ်သတင်းထောက်ကို ပြောပါတယ်။ 

ကိုးကား -  ထိုင်းရတ်သတင်း

2 months Ago

June 23, 2021

အခြေခံလူတန်းစားများအတွက် စားနပ်ရိက္ခာ၊ ဆေးဝါးလှူဒါန်းရန် အကြွေကမ်ပိန်း ပါဝင်နိုင်

လတ်တလောကာလမှာ အလုပ်အကိုင်တွေ ခက်ခဲနေကြတဲ့ အခြေခံလူတန်းစားတွေအတွက် စားနပ်ရိက္ခာ၊ ဆေးဝါးတွေ လှူဒါန်းဖို့ အကြွေကမ်ပိန်းမှာ ပါဝင်လှူဒါန်းနိုင်ကြောင်း ဖိတ်ခေါ်ထားပါတယ်။

ဒီကမ်ပိန်းကတော့ ခက်ခဲနေကြတဲ့ အခြေခံလူတန်းစားတွေကို တကယ်ကူညီ ထောက်ပံ့ပေးနေတဲ့ အဖွဲ့တွေအတွက် အလှူငွေတွေကို ကူကောက်ပေးတာလို့ ဆိုပါတယ်။

အလှူငွေအနေနဲ့ အကြွေကိုသာ လှူရမှာဖြစ်တဲ့အတွက် mBanking တွေနဲ့ အလှူငွေ လက်ခံမှာမဟုတ်ဘဲ KPay နဲ့ Wave Pay ကိုပဲသုံးပြီး အလှူငွေ လက်ခံမယ်လို့ ဆိုပါတယ်။

ပါဝင်ကူညီလှူဒါန်းလိုသူတွေအနေနဲ့ Yi Chit (Wave Pay) 09794602388 နဲ့ Lae Lae Wutt Yee(KBZ Pay) 09952014818 အကောင့်တွေကတဆင့် လှူဒါန်းနိုင်မှာဖြစ်ကာ အလှူခံလို့ ရသမျှ အလှူငွေတွေကို အခြေခံလူတန်းစားတွေအတွက် ပို့ဆောင်ပေးသွားမယ်လို့ ဆိုပါတယ်။

မြန်မာနိုင်ငံတွင်းမှာ လူဦးရေ ၃ သန်းခွဲလောက်ဟာ လာမယ့် ၃ လကနေ ၆ လ လောက်အတွင်း အငတ်ဘေးနဲ့ ရင်ဆိုင်ရနိုင်တယ်လို့ ကမ္ဘာ့စားနပ်ရိက္ခာအစီအစဉ် World Food Program က သတိပေးထားပါတယ်။

စားသောက်ကုန်ဈေးနှုန်းတွေ မြင့်တက်လာနေတာရယ်၊ စက်ရုံ အလုပ်ရုံတွေ ဆောက်လုပ်ရေးလုပ်ငန်းတွေနဲ့ ဝန်ဆောင်မှုလုပ်ငန်းတွေ ရပ်ဆိုင်းရတဲ့နောက်မှာ အလုပ်လက်မဲ့တွေ တိုးပွားလာနေတာရယ်၊ ကိုဗစ်-၁၉ ရောဂါကူးစက်မူတွေကြောင့် စီးပွားရေးကျဆင်းမှု ပိုမိုဆိုးရွားလာနေပြီးတော့ လူမှုဘဝ အကျပ်အတည်းတွေ ပိုဆိုးလာစေတယ်လို့  ထုတ်ပြန်ချက်မှာ ဖော်ပြထားပါတယ်။ 

မြန်မာနိုင်ငံစီးပွားရေးအခြေအနေဟာ ပြီးခဲ့တဲ့  ၂၀၂၀ ပြည့်နှစ်ကတည်းက ကိုဗစ်-၁၉ ရောဂါကူးစက်မှုကြောင့် ဆိုးဆိုးရွားရွား ထိခိုက်ခံစားခဲ့ရပြီးသား ဖြစ်နေတယ်လို့လည်း WFP က ပြောပါတယ်။ 

ပြီးခဲ့တဲ့ ဖေဖော်ဝါရီလကုန်ပိုင်းလောက်ကစလို့ အခြေခံစားသောက်ကုန် ဆန်နဲ့ ဆီ ဈေးတွေဟာ ၅ ရာခိုင်နှုန်းကနေ ၁၈ ရာခိုင်နှုန်းလောက်ထိ မြင့်တက်လာခဲ့ပြီး စီးပွားရေးမြို့တော် ရန်ကုန်မှာတောင် အစားလျှော့စားနေရတာတွေ၊ အာဟာရရှိတဲ့အစားအစာ မစားနိုင်တာတွေ၊ အကြွေးတင်နေကြတာတွေ ဖြစ်ပေါ်နေတယ်လို့ ဆိုပါတယ်။ 

ကမ္ဘာ့ဘဏ်ကတော့ မြန်မာ့စီးပွားရေးဟာ ၂၀၂၁ ခုနှစ်အတွင်းမှာ ၁၀ ရာခိုင်နှုန်းလောက် ကျဆင်းလိမ့်မယ်လို့ ခန့်မှန်းထားပါတယ်။

5 months Ago
More News
Up