အခက်အခဲဖြစ်

November 27, 2020

ကိုဗစ်ကာလ မန္တလေး‌ဆေးရုံ သွားပြရသည့် လားရှိုးက ကင်ဆာလူနာများ အခက်အခဲဖြစ်

လားရှိုးမြို့က ကင်ဆာလူနာ ကိုဗစ်ကာလ မန္တလေး‌ဆေးရုံကိုသွားပြရမှာ အခက်အခဲဖြစ်နေကြတာကြောင့် ကင်ဆာအထူးကုဆရာဝန်တယောက်လောက် အမြန်ဆုံးချထားပေးဖို့ လူနာရှင်တဦးက တောင်းဆိုလိုက်ပါတယ်။ လားရှိုးက ကင်ဆာရောဂါသည်တွေဟာ ကိုဗစ်အကန့်အသတ်တွေကြား မန္တလေး သို့မဟုတ် နေပြည်တော်ကို သွားရောက်ကုသရတာ အစစအရာရာအဆင်မပြေဘဲ ကွာရန်တင်းဝင်ရ၊ တို့ဖတ်ယူရ၊ ထောက်ခံစာ စစ်ရတာတင်မက သွားဖို့ကားမရှိတာနဲ့ ကိုဗစ်ကပ်ရောဂါကို ကြောက်ရတာ အစရှိတဲ့ အခက်အခဲ အမျိုးမျိုး ကြုံတွေ့ရပါတယ်လို့ ကင်ဆာဖြစ်နေတဲ့ မိခင်ကို ပြုစုစောင့်ရှောက်နေတဲ့ မအီကပ်က ပြောပါတယ်။ အခုလိုကာလ မန္တလေးမှာ သွားရောက်ကုသတဲ့အခါ ကုသရက်ကြာရှည်ပြီး အိမ်ငှားခအပြင် ဆေးကုသစရိတ်လည်း ကြီးတာကြောင့် ကိုဗစ်အကြပ်အတည်းကြား အလုပ်အကိုင်အဆင်မပြေတဲ့ အခြေခံ လူတန်းစားကို ငဲ့ကွက်တဲ့အနေနဲ့ လားရှိုးမြို့မှာ ကင်ဆာအထူးကုတစ်ယောက် အမြန်ဆုံးတာဝန်ချပေးဖို့ တောင်းဆိုရတာဖြစ်တယ်လို့ ဆိုပါတယ်။ လစ်လပ်နေတဲ့ ကင်ဆာအထူးကု ဆရာဝန်နေရာအတွက် တဦးချထားပေးဖို့ အကြိမ်ကြိမ်တောင်းဆိုခဲ့ပေမယ့် မရသေးဘဲ ကင်ဆာအထူးကုဆရာဝန်လည်း အလုံအလောက်မရှိဘူးလို့ လားရှိုးမြို့ဆေးရုံအုပ် ဒေါက်တာ ဉာဏ်မြင့်က ပြောပါတယ်။ မန္တလေးဆေးရုံကို သွားကုသဖို့ စရိတ်စက အခက်အခဲရှိတာကြောင့် သွားရောက်မကုသခဲ့ဘဲ ဖခင်လုပ်သူ ဆုံးပါးခဲ့ရတဲ့ နန်းနောင့်နောင့်က "ရှမ်းမြောက်မှာ ဆရာဝန်တယောက်တော့ ချထားပေးသင့်တယ်" လို့ ပြောပါတယ်။ ကိုဗစ်ကြောင့် ရန်ကုန်ကို ၆ လတခါ ပုံမှန်ဆေးစစ်သွားလို့တောင် မရဘူးဖြစ်နေတယ်လို့ ကင်ဆာဝေဒနာသည် မခေါင်မိုင်က ပြောပါတယ်။ ရှမ်းပြည်နယ်မြောက်ပိုင်းမှာ ကင်ဆာလူနာတွေဟာ မန္တ‌‌ဆေးရုံကြီးမှာ တန်းစီနေရပြီး လားရှိုးဆေးရုံမှာ ကင်ဆာအထုးကုဆရာဝန်တစ်ယောက်မှမရှိတာ ၂ နှစ်လောက်လာပြီလို့ သိရပါတယ်။ နန်းစံပယ်
6 months Ago

November 9, 2020

မလေးရှားတွင် အခက်အခဲဖြစ်နေသည့် မြန်မာ ၁၇၆ ဦး ပြန်ရောက်၊ ပြစ်ဒဏ်ကျခံပြီး ၄၅ ဦးပါဝင်

မလေးရှားနိုင်ငံမှာ ပြစ်ဒဏ်ကျခံပြီးတဲ့ ၄၅ ဦးအပါအဝင် အခက်အခဲ ကြုံနေတဲ့ မြန်မာနိုင်ငံသား ၁၇၆ ယောက်ကို ဒီနေ့ညနေ ကယ်ဆယ်ရေးလေယာဉ်နဲ့ ပြန်လည်ခေါ်ဆောင်ခဲ့ တယ်လို့ နိုင်ငံခြားရေးဝန်ကြီးဌာနက ထုတ်ပြန်ပါတယ်။

နိုင်ငံတကာခရီးသည်တင် လေယာဉ်များပျံသန်းမှု ယာယီရပ်ဆိုင်းထားခြင်းကြောင့် မလေးရှားနိုင်ငံ၊ထိန်းသိမ်းရေးစခန်းတွေမှာ ပြစ်ဒဏ်ကျခံပြီးတဲ့ ၄၅ ဦးအပါအဝင် အခက်အခဲ ကြုံတွေ့နေတဲ့ မြန်မာနိုင်ငံသားစုစုပေါင်း ၁၇၆ ဦးကို MAI ကယ်ဆယ်ရေးလေယာဉ်နဲ့ ပြန်လည်ခေါ်ဆောင်ခဲ့ပြီး ဒီနေ့ညနေ ၅ နာရီတွင် ရန်ကုန်လေဆိပ်ကို ပြန်ရောက်ခဲ့ကြပါတယ်။

ပြန်ရောက်လာသူတွေကို ကျန်းမာရေး စိစစ်ပြီး သီးသန့်စီစဉ်ပေးတဲ့နေရာတွေမှာ  ၇ ရက်နဲ့ နေအိမ်တွေမှာ ၇ ရက် အသွားအလာ ကန့်သတ်သွားမယ်လို့ ဆိုပါတယ်။

မလေးရှားနိုင်ငံရောက် အထောက်ထားမဲ့နေထိုင်သူတွေနဲ့ အကြောင်းအမျိုးမျိုးကြောင့် ထိန်းသိမ်းရေးစခန်းတွေမှာ ဖမ်းဆီးထိန်းသိမ်းခံခဲ့ရထားရတဲ့  မြန်မာနိုင်ငံသားတွေကို ပြန်လည်ခေါ်ဆောင်နိုင်ရွက်ရေး မလေးရှားတာဝန်ရှိသူတွေနဲ့ ညှိနှိုင်းဆောင်ရွက်နေတယ်လို့ ထုတ်ပြန်ထားပါတယ်။ 

မလေးရှားနိုင်ငံကနေ မြန်မာနိုင်ငံသားတွေကို ကယ်ဆယ်ရေးလေယာဉ်နဲ့ ပြန်ခေါ်ခဲ့တာ အကြိမ် ၃၀ ရှိပြီလို့ ဆိုပါတယ်။

6 months Ago
More News
Up