အက်စ်အန်အယ်လ်ဒီ

December 28, 2015

ရှမ်းတိုင်းရင်းသားများဒီမိုကရေစီအဖွဲ့ချုပ်နှင့် တရုတ်သံအမတ်တို့ တွေ့ဆုံ

ရှမ်းတိုင်းရင်းသားများဒီမိုကရေစီအဖွဲ့ချုပ် (အက်စ်အန်အယ်လ်ဒီ) ဥက္ကဋ္ဌ ဦးခွန်ထွန်းဦးပါ ဗဟိုကော်မီတီဝင်တချို့နဲ့ တရုတ်သံအမတ် မစ္စတာ ဟောင်းလျှံနဲ့ အဖွဲ့တို့ ဒီကနေ့ မနက်ပိုင်းက ဦးခွန်ထွန်းဦးနေအိမ်မှာ တွေ့ဆုံခဲ့ကြပါတယ်။ ဒီတွေ့ဆုံပွဲမှာ တရုတ်နိုင်ငံအနေနဲ့ ရှမ်းပြည်တိုးတက်ဖို့ တရုတ်အစိုးရဘက်က ဘယ်လို အကူအညီပေးနိုင်မလဲ ဆိုတာကို မေးမြန်းဆွေးနွေးခဲ့ကြတယ်လို့ ရှမ်းတိုင်းရင်းသားများ ဒီမိုကရေစီအဖွဲ့ချုပ် ဒု-ဥက္ကဋ္ဌ ဦးစိုင်းစောအောင်က ပြောပါတယ်။ “ပထမဦးဆုံးတော့ မိတ်ဆက်ကြတာပေါ့လေ။ မိတ်ဆက်ပြီးတော့ တရုတ်သံအမတ်ကြီးက ဘာစ ပြောလဲဆိုတော့  တရုတ်၊ ဗမာက အိမ်နီးချင်းနိုင်ငံဖြစ်တယ်။ မိတ်ဆွေဖြစ်ခဲ့တာက နှစ်ပေါင်းကြာလှပြီ။ အဲတော့ အခု ရှမ်းပြည်နယ်က နယ်စပ်ချင်းကလည်း ဆက်နေတယ်။ တရုတ်နဲ့ ဗမာကတော့ အိမ်နီးချင်းမိတ်ဆွေကောင်းဖြစ်တယ်။ ရှမ်းပြည်ဘက်မှာရှိတဲ့လူထုနဲ့ တရုတ်ပြည်ဘက်က လူထုဟာ ညီအစ်ကိုရင်းသဖွယ်ဖြစ်တယ်လို့ သူက ပမာဏ အဲလိုပြောပါတယ်။ အဲဒီနောက် ရှမ်းပြည်တိုးတက်ဖို့အတွက်ဆိုရင် တရုတ်ပြည်က နောက်ဆိုရင် ဘယ်လိုအကူအညီပေးနိုင်မလဲ၊ ဘယ်လိုပူးပေါင်းလုပ်နိုင်မလဲ၊ ကျနော်တို့(တရုတ်)ဆီမှာတော့ အရင်းအမြစ်တွေရှိတယ်။ ကျနော်တို့က ဗမာပြည်အိမ်နီးနားချင်းအတွက်ကိုတော့ ဖွံ့ဖြိုးတိုးတက်စေချင်တယ်တဲ့။ အဲလို ပြောတယ်။” အက်စ်အန်အယ်လ်ဒီ ဥက္ကဋ္ဌ ဦးခွန်ထွန်းဦးကတော့ လတ်တလော ငြိမ်းချမ်းရေးက အရေးကြီးကြောင်း ပြန်ပြောခဲ့တယ်လို့လည်း ဦးစိုင်းစောအောင်က ပြောပါတယ်။ “ကျနော်တို့ ဥက္ကဋ္ဌက ဘာပြောလဲဆိုတော့ ကျနော်တို့က ငြိမ်းချမ်းရေးက အရေးကြီးတယ်။ ငြိမ်းချမ်းရေးမရဘူးဆိုရင် ဖွံ့ဖြိုးတိုးတက်မှုက မလုပ်နိုင်ဘူးပေါ့။ ငြိမ်းချမ်းရေးရဖို့ ဆိုလို့ရှိရင်လည်း ပင်လုံစာချုပ်ကို အခြေခံပြီးတော့ ပင်လုံစာချုပ်ရဲ့ အချက်အလက် ပင်လုံစိတ်ဓာတ်နဲ့ လုပ်ဆောင်မယ်ဆိုရင် ငြိမ်းချမ်းရေးက ရနိုင်မှာပဲတဲ့။ ကျနော်တို့ ငြိမ်းချမ်းရေးရဖို့ဆိုရင် ခင်ဗျာတို့ တရုတ်ဘက်က ကြားကလူပေါ့ အနေနဲ့ ပါဝင်ပြီးတော့ ကူညီမယ်ဆိုရင် ငြိမ်းချမ်းရေးက ပို၍ မြန်မြန်ဆန်ဆန်ရမယ်လို့ယုံကြည်တယ်တဲ့။” တရုတ်သံအမတ်ဘက်ကလည်း “ခင်ဗျားတို့ နိုင်ငံရေးပါတီတွေ၊ အခု အသစ်တက်လာမယ့် အစိုးရအဖွဲ့တွေ စိန်ခေါ်မှုအများကြီးရှိတယ် ဆိုတာကို သဘောပေါက်တယ်။ အားလုံးတွေ့ကြည့်တဲ့အခါ အားလုံးအားရကျေနပ်တယ်။ အကောင်းမြင်ပါတယ်။ တရုတ်ပြည်မှာတော့ လူအင်အားရှိတယ်။ ငွေအင်အားရှိတယ်၊ နည်းပညာရှိတယ်။ အများကြီး အကူအညီပေးနိုင်ပါတယ်။” လို့ ပြောဆိုခဲ့ကြောင်းလည်း ပြောပါတယ်။ တရုတ်သံအမတ်နဲ့ အက်စ်အန်အယ်လ်ဒီဟာ ဒါ ပထမဦးဆုံးအကြိမ်တွေ့ဆုံတာဖြစ်ပြီး တရုတ် အစိုးရအနေနဲ့ နိုင်ငံရေးပါတီကို အခုလို အရေးတယူဆက်ဆံလာတဲ့ပေါ် အကောင်းမြင်တယ်လို့လည်း ပြောပါတယ်။ ဒီတွေ့ဆုံပွဲမှာ အက်စ်အန်အယ်လ်ဒီဥက္ကဋ္ဌ ဦးခွန်ထွန်းဦး၊ ဒု-ဥက္ကဋ္ဌ ဦးစိုင်းစောအောင် အပါအ၀င် ၄ ဦးတွေ့ဆုံခဲ့ပြီး တရုတ်သံအမတ်ကတော့ သူရဲ့စကားပြန်အပါအ၀င် ၃ ဦး လာရောက်တွေ့ဆုံခဲ့တာ ဖြစ်ပါတယ်။ တရုတ်သံအမတ်ဘက်က တွေ့ဆုံလိုကြောင်း ကမ်းလှမ်းချက်အရ လက်ခံတွေ့ဆုံခဲ့တာ ဖြစ်ပါတယ်။
5 years Ago

July 21, 2015

ပါတီခေါင်းဆောင်များ အပါအ၀င် အမတ်လောင်း ၁၆၀ ကျော် အက်စ်အန်အယ်လ်ဒီ ၀င်ပြိုင်မည်

ရှမ်းပြည်နယ်က အင်အားကြီးပါတီတခုဖြစ်တဲ့ ရှမ်းတိုင်းရင်းသားများ ဒီမိုကရေစီ အဖွဲ့ချုပ်ဟာ လာမယ့် နိုဝင်ဘာလ ရွေးကောက်ပွဲမှာ လွှတ်တော် ၃ ရပ်လုံးအတွက် ပါတီ ကိုယ်စားလှယ်လောင်း ၁၆၀ ကျော် ၀င်ပြိုင်ဖို့ လျာထားတယ်လို့ ပါတီ ပြောခွင့်ရသူ ဦးစိုင်းလိတ်က ပြောပါတယ်။ ပါတီအနေနဲ့ ရှမ်းပြည်နယ်တ၀ှမ်းလုံးအပြင် ကချင်ပြည်နယ်၊ ကယားပြည်နယ်နဲ့ တိုင်းဒေသကြီး ၂ ခုဖြစ်တဲ့ မန္တလေးတိုင်းမှာရော စစ်ကိုင်းတိုင်းဒေသကြီးက မဲဆန္ဒနယ်မြေတွေမှာပါ ၀င်ရောက်ယှဉ်ပြိုင်သွားဖို့ ရှိနေတာပါ။ ဦးခွန်ထွန်းဦး အပါအ၀င် ပါတီ ထိပ်ပိုင်းခေါင်းဆောင်တွေ ရွေးကောက်ပွဲ ၀င်ပြိုင်ဖို့ရှိပြီး ကိုယ်စားလှယ်လောင်းတွေကိုတော့ ကျေးရွာ၊ ရပ်ကွက်၊ မြို့နယ် အောက်ခြေအဆင့်ဆင့် ဒီမိုကရေစီနည်းကျ ဆန္ဒမဲပေး ရွေးချယ်တင်မြှောက်ဖို့ စီစဉ်နေဆဲပဲလို့ ပါတီ တွဲဖက် အထွေထွေ အတွင်းရေးမှူး ဦးစိုင်းလိတ်က ပြောပါတယ်။ “ကျနော်တို့ ရည်မှန်းချက်က ဖက်ဒရယ်ပြည်ထောင်စုစစ်စစ် ပေါ်ပေါက်ရေးဖြစ်တယ်။ အဲဒီစစ်မှန်တဲ့ ပြည်ထောင်စု ပေါ်ပေါက်ဖို့ရာမှာ ၂၀၀၈ အခြေခံဥပဒေကို ပြင်ဆင်ဖို့ လိုပါတယ်။ ၂၀၀၈ အခြေခံဥပဒေကို လွှတ်တော်ထဲကနေ ပြင်ဆင်နိုင်ဖို့အတွက်ရော၊ နိုင်ငံရေး ဆွေးနွေးပွဲတွေ ကျင်းပလာရင် ရှမ်းတိုင်းရင်းသားများ ဒီမိုကရေစီအဖွဲ့ချုပ် အနေနဲ့ လွှတ်တော်ထဲကနေပြီး အခြေခံဥပဒေ ပြင်ဆင်ရေးအတွက် ဆွေးနွေးပြောဆိုနိုင်ဖို့ ဖြစ်ပါတယ်။” ရှမ်းတိုင်းရင်းသားများ ဒီမိုကရေစီအဖွဲ့ချုပ်ဟာ ၁၉၉၀ ရွေးကောက်ပွဲမှာ ပါဝင်ယှဉ်ပြိုင်ခဲ့ပြီး  အမျိုးသားဒီမိုကရေစီအဖွဲ့ချုပ်ပြီးရင် လွှတ်တော်အမတ်နေရာ ၂၃ နေရာနဲ့ ဒုတိယ အများဆုံး အနိုင်ရခဲ့ပါတယ်။ ဒါပေမယ့် စစ်အစိုးရက ပါတီခေါင်းဆောင် ဦးခွန်ထွန်းဦးနဲ့ ဦးစိုင်းညွန့်လွင်တို့ကို နှစ်ရှည်ထောင်ဒဏ် ချခဲ့ပြီး ပါတီဖျက်သိမ်းခံခဲ့ရပါတယ်။ သမ္မတဦးသိန်းစိန် လက်ထက်မှာ ပါတီခေါင်းဆောင်တွေ လွတ်ငြိမ်းချမ်းသာခွင့်နဲ့ ပြန်လည် လွတ်မြောက်လာပြီးနောက် ပါတီကို ပြန်ပြီး မှတ်ပုံတင်ခဲ့တာ ဖြစ်ပါတယ်။
6 years Ago
Up