ဟောင်ကောင်

January 24, 2021

ကောင်းလုံကျွန်းဆွယ်၏ ဂျော်ဒန်ခရိုင်ကို ဟောင်ကောင်အစိုးရ လော့ဒေါင်းချ

ကောင်းလုံကျွန်းဆွယ်ရဲ့  ခရိုင်တစ်ခုကို ဇန်နဝါရီ ၂၃ ရက်က လော့ဒေါင်းချလိုက်ပြီး အဲဒီမှာ နေထိုင်သူအားလုံးကို ရောဂါပိုး ရှိမရှိ စစ်ဆေးလို့ မပြီးမချင်း အိမ်မှာပဲ နေရမယ်လို့  ဟောင်ကောင်အစိုးရက ညွှန်ကြားခဲ့ပါတယ်။ ဂျော်ဒန်ခရိုင် ကန့်သတ်နေရာမှာ အဆောက်အဦ အလုံး ၇၀ ရှိပြီး ဇန်နဝါရီ ၂၅ ရက်မှာ လူတွေ အကုန်လုံးအလုပ်ခွင် ပြန်ဝင်နိုင်အောင်  ၄၈ နာရီအတွင်း  ပြီးအောင် စစ်ဆေးသွားမယ်လို့ အစိုးရက ဆိုပါတယ်။  ဒီလိုလုပ်တဲ့အတွက် အားလုံး အခက်တွေ့နိုင်တာကို သိပေမယ့် ပိုးကူးစက်တဲ့ ကွင်းဆက်ကို ရပ်တန့်သွားနိုင်မှာ ဖြစ်တယ်လို့ အစားအစာနဲ့ကျန်းမာရေးဝန်ကြီး ဆိုဖီယာချန်က သတင်းစာရှင်းလင်းပွဲမှာ ပြောဆိုခဲ့ပါတယ်။   ဒါဟာ ဟောင်ကောင်ဒေသရဲ့ ခရိုင်တခုမှာ ပထမဆုံး အကြိမ် လော့ဒေါင်းချတာလည်း ဖြစ်ပါတယ်။   လော့ဒေါင်းချထားရာ နေရာကို လာရောက်ကြည့်ရှုခဲ့တဲ့ ဟောင်ကောင်အုပ်ချုပ်ရေးမှူးချုပ် ကယ်ရီလမ်က "လော့ဒေါင်းဟာ အဲဒီမှာနေထိုင်သူတွေရဲ့ စိုးရိမ်မှုတွေကို ပြေပျောက်စေဖို့ ဖြစ်တယ်" လို့ ပြောဆိုခဲ့ပါတယ်။ 
4 months Ago

January 23, 2021

ဟောင်ကောင်ရှိ လူနေထူထပ်သည့်ခရိုင်ကို ပထမအကြိမ် လော့ဒေါင်းချ

ဟောင်ကောင်ဒေသက လူနေထူထပ်တဲ့ ခရိုင်တခုကို ပထမဆုံးအကြိမ် လော့ဒေါင်း ချသွားမယ်လို့ ဒေသမီဒီယာက ဇန်နဝါရီ  ၂၂ ရက်မှာ ဖော်ပြပါတယ်။  အရွယ်အစားသေးငယ်ပေမဲ့ လူနေထူတဲ့ ယာစီမုန်ခရိုင်ကို လော့ဒေါင်းချမယ်လို့ အမည်မဖော်ပြတဲ့ သတင်းရင်းမြစ်ကို ကိုးကားပြီး South China Morning Post က ဖော်ပြပါတယ်။  အဲဒီခရိုင်တွေမှာ  ဗိုင်းရပ်စ် အလွယ်တကူပျံ့နှံ့နိုင်တဲ့ ဟောင်းနွမ်းပြီး  အခန်းကျဉ်း တိုက်ခန်း အများအပြား ရှိပါတယ်။  ယာစီမုန်ခရိုင်မှာ နေထိုင်သူတွေဟာလည်း ဒီသတင်းကြားပြီး စိတ်မချမ်းမသာ ဖြစ်နေပါတယ်။  ပြီးခဲ့တဲ့ ဇန်နဝါရီ ၁၅ ရက်မှာ  ကျန်းမာရေးအာဏာပိုင်တွေက အရင်ဆုံး တိုက်တန်း ၄ ခုကို သီးခြားခွဲထုတ်ပြီး လူဝင်လူထွက်ကို ပိတ်ကာ တိုက်ခန်းနေသူအားလုံးကို ကွာရန်တင်း လုပ်ခဲ့ပါတယ်။  လူဦးရေ ၇ သန်းခွဲရှိတဲ့ ဟောင်ကောင်ဟာ တခြားကမ္ဘာ့မြို့ကြီးတွေနဲ့ နှိုင်းစာရင် ကိုရိုနာဗိုင်းရပ်စ် ကူးစက်သူ နည်းပါးပြီး  မနှစ်က စုစုပေါင်း ကူးစက်သူ အယောက် ၁၀,၀၀၀ အောက်နဲ့  အဲဒီထဲက ၁၆၂ ယောက် သေဆုံးခဲ့တယ်လို့ ရိုက်တာက ဆိုပါတယ်။ 
4 months Ago
More News
Up