သြစတြေးလျ

April 23, 2021

တရုတ်နှင့် BRI စီမံကိန်း သဘောတူချက် သြစတြေးလျ ဖျက်သိမ်း

သြစတြေးလျအစိုးရဟာ ဗစ်တိုးရီးယားပြည်နယ်နဲ့ တရုတ်နိုင်ငံအကြား ပူးပေါင်းဆောင်ရွက်နေတဲ့ ရပ်ဝန်းနဲ့ ပိုးလမ်းမစီမံကိန်း (BRI)  စီမံကိန်းအတွက် သဘောတူညီချက် ၂ ရပ်ကို ဧပြီ ၂၁ ရက်က ဖျက်သိမ်းလိုက်ပါတယ်။

ဒါကြောင့် တရုတ်နဲ့ သြစတြေးလျ နှစ်နိုင်ငံကြား တင်းမာနေတဲ့ အပြန်အလှန် ဆက်ဆံရေး ပိုဆိုးသွားမယ်လို့ သြစတြေးလျနိုင်ငံဆိုင်ရာတရုတ်သံရုံးက သတိပေးခဲ့သလို အမေရိကန် သမ္မတ အိမ်ဖြူတော်ကလည်း ဒီဖြစ်စဉ်ကို ချိန်ဆရင်း ဒီကိစ္စနဲ့ ပတ်သက်တဲ့ မေးခွန်းကို ရှောင်ဖယ် ဖြေကြားခဲ့တယ်လို့ ရိုက်တာသတင်းဌာနက ဖော်ပြပါတယ်။

အမေရိကန်အစိုးရဟာ သြစတြေးလျနဲ့ စကားပြောလို့ ဘယ်လိုအချက်အလက်ကို ပေးသည်ဖြစ်စေ အစိုးရတွေကြားမှာ သီးခြားရပ်တည်မယ့် အလားအလာ အများဆုံး ရှိလိမ့်မယ် ထင်တယ်လို့ အိမ်ဖြူတော်ပြန်ကြားရေး အရာရှိ ဂျန်ဆာကီက ပြောပါတယ်။

သြစတြေးလျ နိုင်ငံခြားရေးဝန်ကြီး မာရိစ်ပိန်းကတော့  သူဟာ ၂၀၁၈ နဲ့ ၂၀၁၉ မှာ တရုတ်သမ္မတ ရှီကျင့်ဖျင်နဲ့ လက်မှတ်ရေးထိုးထားတဲ့ ကုန်သွယ်ရေးနဲ့ အခြေခံအဆောက်အဦ အစီအစဉ်မှာ ပူးပေါင်းဆောင်ရွက်ရေး တရုတ်နဲ့ ဗစ်တိုးရီးယား ပြည်နယ်ကြား သဘောတူညီချက် လေးရပ်ကို ဖျက်သိမ်းဖို့ ဆုံးဖြတ်ခဲ့တယ်လို့ ပြောပါတယ်။

ဒီလို နောက်ကျမှ ဖျက်သိမ်းလိုက်တဲ့အပေါ် အလွန်စိတ်မချမ်းမသာ ဖြစ်ရပြီး ယတိပြတ် ဆန့်ကျင်တယ်လို့  သြစတြေးလျနိုင်ငံဆိုင်ရာ တရုတ်သံရုံးက ပြောပါတယ်။

3 weeks Ago

February 9, 2021

စီးပွားရေးပညာရှင် ပါမောက္ခရှောင်တားနားကို ပြန်လွှတ်ပေးရန် မြန်မာကို သြစတြေးလျတိုက်တွန်း

မြန်မာနိုင်ငံအတွင်း စစ်အာဏာသိမ်းမှုအပြီး ဖမ်းဆီးထိန်းသိမ်းခံထားရတဲ့  ဒေါ်အောင်ဆန်းစုကြည်ရဲ့ စီးပွားရေးအကြံပေး သြစတြေးလျနိုင်ငံသား ရှောင်တားနားကို  မြန်မာ အာဏာပိုင်တွေက ချက်ချင်းလွှတ်ပေးဖို့ သြစတြေးလျနိုင်ငံခြားရေးဝန်ကြီး မာရိစ်ပိန်းက ဖေဖော်ဝါရီ ၈ရက်မှာ ပြောပါတယ်။

ပါမောက္ခရှောင်တားနား အဖမ်းခံထားရတယ်ဆိုတဲ့ သတင်းတွေကြောင့် သြစတြေးလျ အစိုးရက နက်နက် နဲနဲ စိုးရိမ်မိတယ်လို့လည်းပြောပါတယ်။

 ရှောင်တားနားဟာ ဆစ်ဒနီမြို့ မက်ကွာရီတက္ကသိုလ်က စီးပွားရေး ပါမောက္ခလည်း ဖြစ်ပြီး ဒေါ်အောင်ဆန်းစုကြည်ရဲ့ စီးပွားရေး မူဝါဒတွေအတွက် ကာလကြာရှည် အကြံပေးခဲ့သူဖြစ်ပြီး သူ အဖမ်းခံရတယ်လို့ ရိုက်တာ သတင်းဌာနကို ဖေဖော်ဝါရီ ၆ရက်က ပြောခဲ့ပါတယ်။

ဒါပေမဲ့ ဘယ်မှာ ဖမ်းဆီးခံထားရသလဲဆိုတာကိုမသိသေးသလို စနေနေ့က စလို့ သူ့ကို ဆက်သွယ်လို့ မရတော့ပါဘူး။ သူဟာ ဒေါ်အောင်ဆန်းစုကြည်ခေါင်းဆောင်တဲ့ ရွေးကောက်ခံ အစိုးရအာဏာသိမ်းခံရအပြီး အဖမ်းခံရတဲ့ ပထမဆုံး နိုင်ငံခြားသား ဖြစ်လာပါတယ်။

ဖမ်းဆီးထိန်းသိမ်းမှုနဲ့ ပတ်သက်ပြီး ရှောင်တားနားနဲ့ အဆက်အသွယ် ရှိခဲ့တဲ့  မြန်မာ သံအမတ်ကြီးကို သြစတြေးလျ အစိုးရက ဆင့်ခေါ်ခဲ့တယ်လို့လဲ မာရိစ်ပိန်းက ပြောပါတယ်။ 

ဒေါ်အောင်ဆန်းစုကြည်အပါအဝင် အစိုးရထိပ်ပိုင်းခေါင်းဆောင်တွေကို ဖမ်းဆီးပြီး စစ်တပ်က အာဏာသိမ်းတာနဲ့ ပတ်သက်ပြီး မြန်မာနိုင်ငံတဝန်းမှာ  သိန်းသန်းချီတဲ့ ပြည်သူတွေဟာ  ပြည်လုံးကျွတ် ကန့်ကွက် ဆန္ဒပြနေကြပါတယ်။

ကိုးကား/ ဓာတ်ပုံ - ရိုက်တာ

3 months Ago
More News
Up