သံသယရှိသူ ၂ ဦး

October 9, 2020

အိုင်အက်စ်စစ်သွေးကြွ သံသယရှိသူ ၂ ဦး အမေရိကန်တရားရုံး၌ တရားရင်ဆိုင်

အိုင်အက်စ်သွေးကြွလို့ သံသယရှိတဲ့ လူ ၂ ယောက်ဟာ အမေရိကန်နိုင်ငံ ဗာဂျီးနီးယားပြည်နယ် အလက်ဇန်းဒရီးယားမြို့ ပြည်ထောင်စုတရားရုံးမှာ အောက်တိုဘာ ၇ ရက်က ရုံးထုတ်စစ်ဆေးခဲ့ပါတယ်။  ဆီးရီးယားမှာ အမေရိကန် ဓားစာခံတွေကို ခေါင်းဖြတ်မှုတွေမှာ ပါဝင်တယ်ဆိုတဲ့ အမေရိကန်ရာဇဝတ်မှု စွဲချက်တွေအတွက် တရား ရင်ဆိုင်နေရတာပါ။  အလက်ဇန်းဒါး ကိုတေးနဲ့ အယ်လ်ရှဖိဒ်အယ်လ်ရှိတ်ခ်တို့ကို မနှစ်က အီရတ်နိုင်ငံမှာ အမေရိကန်စစ်တပ်က စောင့်ကြပ်ထားခဲ့ပြီး ခုတော့ ပြည်ထောင်စုထောက်လှမ်းရေးဗျူရို FBI ရဲ့ အချုပ်ခန်းထဲမှာ ရောက်နေပါပြီ။  သူတို့ဟာ ဗြိတိန်မှာကြီးတဲ့ ယူကေနိုင်ငံသားဖြစ်ပြီး ဗြိတိန်အစိုးရက သူတို့ရဲ့ နိုင်ငံသား ဖြစ်မှုကို ပယ်ဖျက်ပြီးပါပြီ။  သူတို့ဟာ ဗြိတိန်လေယူလေသိမ်းကြောင့် ဘီတယ်စ်လို့ သိကြတဲ့ အိုင်အက်စ်အဖွဲ့ အမာခံ ၄ ယောက်ထဲက ဖြစ်တယ်လို့ သံသယရှိ ခံထားရပါတယ်။  သူတို့အုပ်စုဟာ အမေရိကန်သတင်းထောက် ၂ ယောက်နဲ့ အကူညီပေးရေး လုပ်သား ၂ ယောက် အပါအဝင် အနောက်နိုင်ငံသား ဓားစာခံတွေကို ဖမ်းဆီးသတ်ဖြတ်ခဲ့သူတွေလို့ စွပ်စွဲခံ ထားရပါတယ်။  နိုင်ငံခြားသား ဓားစာခံတွေကို ခေါင်းဖြတ်နေပုံတွေကို ပြထားတဲ့ အိုင်အက်စ်အဖွဲ့ရဲ့ ရုပ်သံ တွေကို အင်တာနက်ပေါ် တင်ခဲ့ရာမှာ ပါဝင်ပတ်သက်မှုကြောင့် နာမည်ဆိုးနဲ့ ကျော်ကြားပါတယ်။  ခုခံ လျှောက်လဲသူ ၂ ယောက်ကို လူသေဆုံးသည်အထိ ပြန်ပေးဆွဲမှု လေးမှု၊ လူသတ်ဖို့ ရာဇဝတ်မှု မြောက်တဲ့ လျှိ့ဝှက်ပူးပေါင်းကြံစည်မှု လေးမှု၊ အကြမ်းဖက်ဝါဒကို ထောက်ခံမှု တွေနဲ့ စွဲဆိုထားပြီး ပြစ်မှု ထင်ရှားရင် ထောင်ဒဏ် တသက်တကျွန်း ပြစ်ဒဏ်ကို ရင်ဆိုင်ရနိုင်ပါတယ်။  သူတို့ ၂ ယောက်အတွက် ရှေ့နေမရှိဘူးလို့ အောက်တိုဘာ ၇ ရက်မနက်မှာ ဥပဒေ အာဏာတည်စေရေး အရာရှိတယောက်က ပြောပါတယ်။  
9 months Ago

July 4, 2020

၅ လောင်းပြိုင်လူသတ်မှု သံသယရှိသူ ၂ ဦးကို စစ်ဆေးနေဟု ကေအိုင်အိုပြော

ကချင်ပြည်နယ်၊ ဗန်းမော်ခရိုင်၊ မန်စီမြို့နယ်၊ ကေအိုင်အေ/ကေအိုင်အို ထိန်းချုပ်နယ်မြေအတွင်း မိသားစု ၅ ဦး အသတ်ခံရမှုနဲ့ ပတ်သက်ပြီး သံသယရှိသူ ၂ ဦးကို ဗန်းမော်ခရိုင် ကေအိုင်အို အုပ်ချုပ်ရေးရုံးမှာ ထိန်းသိမ်းထားပြီး စစ်ဆေးနေတာလို့ သိရပါတယ်။ ကေအိုင်အိုပြောခွင့်ရ ဗိုလ်မှူးကြီးနော်ဘိုက “ဇွန် ၃ ရက်နေ့မှာ သံသယရှိတဲ့ အမျိုးသား ၂ ယောက်ကို ဖမ်းပြီး စစ်ဆေးနေပါတယ်။ နောက်ထပ် အသေးစိတ်ကိုတော့ မသိရသေးပါဘူး။ သူတို့ရွာထဲကပါပဲ” လို့ ပြောပါတယ်။ မန်စီမြို့နယ်၊ အင်ဘာပါကျေးရွာအနီးရှိ ဂိုင်ဒေါ်ကျေးရွာမှာနေထိုင်တဲ့ မိသားစုဝင် ၅ ဦး ဇူလိုင် ၂ ရက် ညပိုင်းက အသတ်ခံခဲ့ရပြီး အသက် ၁၃ နှစ်အရွယ် ကလေးတစ်ဦး ထွက်ပြေးလွတ်မြောက်ခဲ့ပါတယ်။ အခုဖြစ်ပွားတဲ့ လူသတ်မှုဟာ တရုတ်ပြည်နယ်စပ် ဗန်းမော်နဲ့ မိုင် ၂၀ အကွာမှာရှိပြီး ကေအိုင်အေ/ကေအိုင်အို ထိန်းချုပ်နယ်မြေဖြစ်ကာ ရဲတပ်ဖွဲ့နဲ့ အထွေထွေအုပ်ချုပ်ရေးဦးစီးဌာန လက်လှမ်းမမီတဲ့ ဒေသမှာရှိတာကြောင့် ဖြစ်စဉ်ဖြစ်ပွားတာကိုသာသိပြီး အရေးယူဆောင်ရွက်ဖို့ အခက်ခဲရှိတယ်လို့ မန်စီမြို့နယ် ရဲတပ်ဖွဲ့မှူး ရဲမှူး ခင်မောင်ချိုက ပြောပါတယ်။ သေဆုံးသူတွေကို ဒိန်စီတိုက်နယ် တာဝန်ခံဘုန်းတော်ကြီး နဲ့ ပန်ခတ်တိုက်နယ် တာဝန်ခံဘုန်းတော်ကြီးတို့က ဦးဆောင်ပြီး ဓမ္မဆရာများသွားရောက်ဆုတောင်းပေးခဲ့ကာ ဇူလိုင် ၃ ရက်နေ့က မီးသင်္ဂြိုဟ်ပေးခဲ့ကြတယ်လို့ သိရပါတယ်။ မင်းခန့်ကိုကို
12 months Ago
Up