သေနတ်ဖြင့်ပစ်ခံရ

September 27, 2021

ချမ်းမြသာစည်မြို့နယ်တွင် အကွက်မှူးတစ်ဦး သေနတ်ဖြင့် ပစ်ခတ်ခံရ

မန္တလေးမြို့ ချမ်းမြသာစည်မြို့နယ် ကန်သာယာရပ်ကွက်၊ ၅၉ လမ်း နဲ့ ၁၁၄ လမ်း အနီးမှာ စက်တင်ဘာလ ၂၆ ရက် ညနေ ၆ နာရီခွဲအချိန်လောက် အကွက်မှူးတစ်ဦး သေနတ်နဲ့ ပစ်ခံခဲ့ရတယ်လို့ သိရပါတယ်။

ကန်သာယာရပ်ကွက်က အကွက်မှူး ဦးကျော်ကျော်မင်းဟာ ဆေးခန်းကအပြန်မှာ သေနတ်နဲ့ ပစ်ခံရတာဖြစ်ပြီး စိုးရိမ်ဒဏ်ရာရရှိကာ မန္တလေးဆေးရုံကြီးကို တင်ပို့လိုက်ရတယ်လို့ သိရပါတယ်။

ကန်သာယာရပ်ကွက်နေပြည်သူတစ်ဦးက “အခု ပစ်ခံရတဲ့ အကွက်မှူးက စစ်ကောင်စီ သတင်းပေးဆိုပြီး ရပ်ကွက်ထဲ သိရတယ်။ အခုပစ်ခံရတော့ ဆေးရုံတင်တာ ဆေးရုံမှာ သေတယ်ဆိုပြီး ကြားတယ်။” လို့ ပြောပါတယ်။

ကန်သာယာရပ်ကွက်က အကွက်မှူး ဦးကျော်ကျော်မင်း သေနတ်နဲ့ပစ်ခံရပြီးအကြာခင်မှာ ၁၁၄ လမ်းတစ်လျှောက် အိမ်စီးကားတွေ အရပ်ဝတ်တွေနဲ့ စစ်ကောင်စီတပ်သားတွေ စစ်ဆေးနေတာတွေ လုပ်ခဲ့တယ်လို့ သိရပါတယ်။

2 months Ago

September 22, 2021

မုံရွာမြို့ မီးပွိုင့်တာဝန်ကျယာဉ်ထိန်းရဲ ၁ ဦးသေနတ်ဖြင့်ပစ်ခံရ

မုံရွာမြို့၊ ကားလေးကွင်းအနားရှိ ပြည်ထောင်စုလမ်းနဲ့ မြို့ပတ်လမ်းထောင့် မီးပွိုင့်မှာ တာဝန်ကျ ယာဉ်ထိန်းရဲတစ်ဦးကို စက်တင်ဘာ ၂၂ ရက် မနက် ၁၁ ခွဲကျော်လောက်က  ပတ်ခတ်မှုဖြစ်ပွားခဲ့တယ်လို့  အနီးနားနေ  ပြည်သူတွေထံက သိရပါတယ်။

“အမည်မသိလူတစ်ဦးက ယာဉ်ထိန်းရဲကိုပစ်သွားတာ။ ရုတ်တရက်ကြီး ပစ်တာဆိုတော့ ရုတ်ရုတ်သဲသဲဖြစ်သွားတယ်။ လမ်းသွားလမ်းလာအကုန်လုံးကြောက်ပြီး ထွက်ပြေးကြတယ်။ ဘယ်သူမှ မကြည့်ရဲကြဘူး” လို့ မျက်မြင်သက်သေတစ်ဦးက ပြောပါတယ်။

ပစ်ခတ်ခံရတဲ့ယာဉ်ထိန်းကတော့ သေသလား၊ ရှင်သလားအတည်ပြုလို့ မရသေးပါဘူး။ ပစ်ခတ်မှုဖြစ်ပွားပြီးနောက် အဆိုပါမီးပွိုင့်မှာ စစ်ကောင်စီတပ်တွေ ကင်းပုန်းဝပ် စစ်ဆေးနေကာ  လူနာတင်ကားတစ်စီးလည်း ရောက်ရှိနေပါတယ်။

2 months Ago
More News
Up