သိမ်းယူ

April 27, 2021

ထိုင်း-မြန်မာနယ်စပ် အကြမ်းဖက်စစ်ကောင်စီစခန်းကို ကေအန်အယ်လ်အေ သိမ်းယူ

ထိုင်း-မြန်မာနယ်စပ် သော်လယ်ထာ (မဲ့စန်လက်) စစ်ကောင်စီတပ်စခန်းကို ဒီနေ့မနက် အစောပိုင်းမှာ ကရင်အမျိုးသားစည်းအရုံး၊ ကရင်အမျိုးသားလွတ်မြောက်ရေးတပ်မတော် (ကေအန်ယူ/ကေအန်အယ်လ်အေ) တပ်မဟာ ၅ က တက်ရောက်သိမ်းယူခဲ့တယ်လို့ သိရပါတယ်။

နယ်စပ်ဘက်ကို မြန်မာစစ်သားတွေ ထွက်ပြေးလာခဲ့ပြီး ကေအန်အယ်လ်အေကလည်း လိုက်လံပစ်ခတ်ခဲ့တယ်လို့ မျက်မြင်တွေ့ရှိတဲ့ ဒေသခံရွာသားတစ်ဦးက ပြောပါတယ်။ 

ထိုင်းဘက်ခြမ်းက ရွာသားတဦး သေနတ်ထိမှန်သေဆုံးသွားခဲ့ပြီး ထိုင်းစစ်တပ်ကလည်း ဒီမနက်ရောက်ရှိလာကာ နေရာယူထားတယ်လို့ ထိုင်းနိုင်ငံဘက်ခြမ်းမှာနေတဲ့ ဒေသခံရွာသားတစ်ဦးက ပြောပါတယ်။

“မနက် ၅ နာရီလောက်က မိုးမလင်ခင် မနက်အစောပိုင်းလောက်က စပြီးပစ်နေကြတာ။ အသံတွေ ဆူညံနေတာပဲ။ မိုးလင်းတော့ ဗမာစစ်သားတွေ ထိုင်ဘက်ကမ်း ထွက်ပြေးလာတာ မြင်ရတယ်။ စခန်းတွေလည်း မီးလောင်နေတာ တွေ့ရတယ်။ ထိုင်းဘက်မှာနေတဲ့ ရွာသားတစ်ဦးတော့ သေနတ်မှန်လို့ သေသွားတယ်။ ထိုင်းစစ်တပ်ကလည်း အခုမနက်မှာ ထိုင်းဘက်ခြမ်း စောလယ်ထရွာကို ရောက်လာတယ်။ ထိုင်းရွာသားတွေကို ရွှေ့ပြောင်းပေးနေတယ်။ ထိုင်းစစ်တပ်လုံခြုံရေးယူ ပြင်ဆင်ထားတာလည်း တွေ့တယ်။”

အခု သိမ်းယူခဲ့တဲ့ စစ်ကောင်စီရဲ့ သော်လယ်ထာစခန်းဟာ ပြီးခဲ့တဲ့လက ထိုင်းဘက်ခြမ်းကနေ ရိက္ခာတွေ ပို့ပေးဖို့ ကြိုးစားခဲ့ဖူးတဲ့ စခန်းလည်း ဖြစ်ပါတယ်။

ပြီးခဲ့သည့် မတ်လ ၂၇ ရက်နေ့တုန်းကလည်း ထိုင်း-မြန်မာနယ်စပ်ရှိ ထီးမူထာ စစ်ကောင်စီ စခန်း တစ်ခုကိုလည်း ကေအန်အယ်လ်အေ တပ်မဟာ ၅ က တက်ရောက်သိမ်းယူခဲ့ပြီး ဖြစ်ပါတယ်။

3 months Ago

June 21, 2020

သီးနှံပြည်ပတင်ပို့သည့် Vicentin ကို သိမ်းယူမည့်သမ္မတအဆို အာဂျင်တီးနားပြသူများ ဆန္ဒပြ

အာဂျင်တီးနားနိုင်ငံ မြို့တော် ဗျူးနော့အေးရီးစီမှာ ရာနဲ့ချီတဲ့ လူတွေ ဇွန်လ ၂၀က ချီတက်ရင်း စိုက်ပျိုးသီးနှံ ပြည်ပတင်ပို့တဲ့ Vicentin ကို သိမ်းယူရေး သမ္မတရဲ့အဆိုပြုချက်ကို ဆန့်ကျင်ပယ်ချ ဆန္ဒပြခဲ့ကြပါတယ်။  ယာဉ်ကြောကန့်သတ်ချက်တွေကို အာခံရင်း ရာချီတဲ့ကားတွေဟာ ဗျူးနော့စ်အေးရီးစ်ရဲ့ အဓိက မြို့လယ်ရိပ်သာလမ်းကို ပိတ်ဆို့ထားကြပါတယ်။  အာဂျင်တီးနားရဲ့ ပဲပုပ်စေ့ ထုတ်ကုန်တွေနဲ့ ပဲပုပ်ဆီတွေ ပြည်ပတင်ပို့ရာမှာ ထိပ်တန်းဖြစ်သူ သက်တမ်း ၁၀၀ နီးပါးရှိတဲ့ Vicentin အား ကယ်ဖို့ အစီအစဉ်တရပ်ကို သမ္မတက ဇွန်လ ၈ ရက်မှာ ကြေညာခဲ့တာပါ။  ဥရောပကနေ အရှေ့တောင် အာရှထိ ဝက်ပေါက်တွေနဲ့ ကြက်ဘဲတွေ ဝဖြိုးအောင် သုံးတဲ့ တိရစ္ဆာန်အစားအစာ ပဲပုပ်ကို ဖြန့်ဖြူးရာမှာ အာဂျင်တီးနားဟာ ကမ္ဘာ့ထိပ်တန်း တနိုင်ငံပါ။ Vicentin  ဟာ မနှစ်က အကြွေးယူပြီး လုပ်ငန်းတိုးချဲ့ရာက ပြိုလဲခဲ့တာပါ။ စန်တာဖေးပြည်နယ်က ပဲပုပ်စေ့ ကြိတ်ခွဲစက်ရုံ ရေနိုဗာမှာ ရင်းနှီးမြှုပ်နှံငွေ ၃၃ ရာခိုင်နှုန်း ရှိထားပါတယ်။ 
1 year Ago
Up