သာစည်

July 3, 2021

သာစည်တွင် ကိုဗစ်ရောဂါကြောင့် အသက် ၇၀ ကျော်အဘွားအိုတစ်ဦး သေဆုံး

မန္တလေးတိုင်း၊ သာစည်မြို့နယ် တမာကုန်းရွာနေ အသက် ၇၀ ကျော် အဘွားအိုတစ်ဦး ဇူလိူင် ၃ ရက်နေ့က ကိုဗစ်-၁၉ ကြောင့် သေဆုံးပြီး ဝမ်းတွင်းမြို့က ဘဏ်ဝန်ထမ်းအမျိုးသားတစ်ဦးနဲ့ ၂ လအရွယ် သမီး ကူးစက်ခံခဲ့ရတယ်လို့ ပရဟိတအကျိုးဆောင်တစ်ဦးက ပြောပါတယ်။

“သာစည်မှာ ဘိလပ်မြေစက်ရုံဝန်ထမ်းတွေနဲ့ တရားစခန်းတစ်ခုက ကူးစက်ဖြစ်ပွားတာက ၇၃ ဦးအထိရှိသွားပြီ။ ကူးစက်မှုနှုန်း သိပ်မြန်တယ်။ ကိုဗစ်စည်းမျဉ်းတွေကို လိုက်နာပေးကြပါ။” 

မိတ္ထီလာဆေးရုံ သီးသန့်ဆောင်မှာ ကိုဗစ်လူနာ ၁၈ ဦး၊ မလှိူင်ဆေးရုံမှာ ၁၄ ဦးနဲ့ ဝမ်းတွင်းဆေးရုံမှာတော့ ၁၆ ဦးအနက် ၃ ဦး ပျောက်ကင်းသွားပြီဖြစ်ပြီး သာစည်ဆေးရုံမှာတော့ ကိုဗစ်လူနာ ၇၃ ဦး ရှိနေပါတယ်။

မိတ္ထီလာခရိုင် ၄ မြို့နယ်မှာ ဇွန်လ ၈ ရက်က ကိုဗစ်-၁၉ စတင်တွေ့ရှိခဲ့ပြီး တစ်လအတွင်း ကိုဗစ်ရောဂါဖြစ်ပွားသူ ၁၂၁ ဦးအထိ ဖြစ်လာပါတယ်။ ထိစပ်သူတွေကိုတော့ သက်ဆိုင်ရာမြို့နယ် အားကစားခန်းမတွေမှာ ထားရှိတယ်လို့ သိရပါတယ်။

4 weeks Ago

June 30, 2021

သာစည်တွင် ဘိလပ်မြေစက်ရုံဝန်ထမ်း ၅ ဦး ကိုဗစ်ကူးစက်ခံရ၊ မိတ္ထီလာခရိုင်တွင် အတည်ပြုလူနာ ၃၃ ဦး ရှိလာ

မန္တလေးတိုင်း၊ သာစည်မြို့နယ်၊ ပြည်ညောင်ရွာမှာ ဇွန် ၂၉ ရက်ညနေက ကိုယ်အပူချိန်မြင့်မားနေတဲ့ ဘိလပ်မြေစက်ရုံဝန်ထမ်း  ၅ ဦးကို RDT test kit နဲ့ စစ်ဆေးရာ ကိုဗစ်-၁၉ ရောဂါပိုး တွေ့ရှိခဲ့တယ်လို့ ဒေသခံတဦးက ပြောပါတယ်။

"စက်ရုံမှာ ကိုယ်အပူချိန်တိုင်းတော့ အပူချိန်မြင့်နေလို့ သာစည်မြို့နယ်ဆေးရုံမှာ စစ်ခိုင်းတာ ကိုဗစ်-၁၉ positive အဖြေထွက်တယ်။ ဆေးရုံသီးသန့်အဆောင်မှာပဲ ဆေးကုနေတယ်။" 

သာစည်မြို့နယ် ပြည်ညောင်ရွာရှိ ဘိလပ်မြေစက်ရုံက အငယ်တန်းစာရေး ဝန်ထမ်းအမျိုးသမီး ၃ ဦး၊ အမျိုးသား ၁ ဦးနဲ့ လက်ထောက်အင်ဂျင်နီယာ အမျိုးသား ၁ ဦး ပေါင်း ၅ ဦးမှာ ကိုဗစ်ပိုးတွေ့ခဲ့တာလို့ သိရပါတယ်။

မိတ္ထီလာခရိုင်ထဲမှာ ကိုဗစ်အတည်ပြုလူနာ သာစည်က ၇ ဦး၊ မိတ္ထီလာ ၁၁ ဦး၊ မလှိူင် ၉ ဦး၊ ဝမ်းတွင်း ၆ ဦး၊ စုစုပေါင်း ၃၃ ဦးရှိပြီလို့ သိရပါတယ်။

1 month Ago
More News
Up