သရက်

June 18, 2021

သရက်မြို့ ဗုံးပေါက်ကွဲမှုကြောင့် ဒေသခံ ၃၀ ခန့်ကို စစ်တပ်က ဖမ်းဆီး

မကွေးတိုင်း၊ သရက်မြို့မှာ ဇွန်လ ၁၇ ရက်က ကလေးအထူးကုဆရာဝန် ဒေါက်တာဝတ်ရည်ခိုင်ငြိမ်းအေးနဲ့ မြို့နယ်စည်ပင်သာယာအမှုဆောင်အရာရှိ ဦးမျိုးဝင်းတို့ရဲ့ နေအိမ်တွေမှာ ဗုံးပေါက်ကွဲခဲ့တာကြောင့် သရက်မြို့ခံ ပြည်သူ ၃၀ နီးပါးကို စစ်တပ်က ဖမ်းဆီးသွားတယ်လို့ ဒေသခံတွေဆီက သိရပါတယ်။

ဖမ်းဆီးခံရသူတွေကတော့ ကိုမျိုးသန့်၊ ကိုသီဟ(လက်သမား)၊ အငယ်ကောင် (Morich ယာဉ်လိုင်းစပယ်ယာ)၊ ကိုဝဏ္ဏတို့ သားအဖနှစ်ဦးနဲ့  အမျိုးသမီးတဦးအပါအဝင် ၂၈ ယောက် ဖြစ်ပါတယ်။

ဖမ်းဆီးခံရသူအများစုက တောင်မင်းတဲရပ်ကွက်ကဖြစ်ပြီး ဒီကနေ့ မနက် ၃ နရီကျော်လောက်မှာ ဖမ်းဆီးခံရတာဖြစ်တယ်လို့ သရက် ဒေသခံတစ်ဦးက ပြောပါတယ်။ 

“ဒေါက်တာဝတ်ရည်ခိုင်ငြိမ်းအေးရဲ့ အဖေ ဦးထွန်းထွန်းက သူနဲ့မတည့်တဲ့လူတွေကို လိုက်ဖမ်းခိုင်းတာ။ အဲဒီအထဲက တယောက်ကတော့ ဗုံးပေါက်တာကို ရိသဲ့သဲ့ လုပ်ရေးတဲ့ Post ကို ဖေ့စ်ဘွတ်ခ်ပေါ်တင်လို့ ဖမ်းသွားတယ်လို့ ပြောတယ်။ အများစုကတော့ လူလတ်ပိုင်းနဲ့ လူငယ်တွေ တောင်မင်းတဲရပ်ကွက်က များပါတယ်"။

ဖမ်းဆီးခံရသူတွေထဲက ၁၁ ဦးကိုတော့ စစ်ဆေးပြီး ဒီကနေ့ မနက်ပိုင်းမှာ ပြန်လွှတ်ပေးလိုက်ပြီလို့ သတင်းထွက်နေပေမဲ့ သရက်ဒေသခံတွေကတော့ အတည်မပြုနိုင်သေးဘူးလို့ ပြောပါတယ်။

3 months Ago

June 17, 2021

သရက်မြို့တွင် ဗုံး ၂ လုံး ဆက်တိုက်ပေါက်ကွဲ

မကွေးတိုင်းဒေသကြီး၊ သရက်မြို့က ကလေးအထူးကုဆရာဝန်ကြီးရဲ့ နေအိမ်နဲ့  စည်ပင် အမှုဆောင် အရာရှိနေအိမ်တို့မှာ  ဇွန်လ ၁၇ ရက် မနက်ပိုင်းက ဗုံး ၂ လုံးဆက်တိုက်ပေါက်ကွဲခဲ့တယ်လို့ ဒေသခံတွေဆီကနေ သိရပါတယ်။

သရက်မြို့၊ တောင်မင်းတည်းရပ်ကွက်၊ အောင်မင်္ဂလာကျောင်းလမ်းနဲ့ သိမ်ကြီးလမ်းထောင့် ​မှာရှိတဲ့ ကလေးအထူးကုဆရာဝန်ကြီးရဲ့အိမ်မှာ ဒီကနေ့မနက် ၅ နာရီ ၄၀ မိနစ်လောက်ကနေ အိမ်ဝင်းမြောက်ဘက်မှာ ရပ်ထားတဲ့ ကားအောက်မှာ ဗုံးတစ်လုံးပေါက်ကွဲခဲ့တာဖြစ်တယ်လို့ မြို့ခံတစ်ယောက်က ပြောပါတယ်။

အဲဒီပေါက်ကွဲမှုဖြစ်ပြီး ၁၀ မိနစ်လောက်အကြာမှာ မြောက်မင်းတည်းရပ်ကွက်၊ လမ်းမတော်လမ်းက စည်ပင်အမှုဆောင်အရာရှိရဲ့ နေအိမ် ဆင်ဝင်အောက်မှာလည်း  ဗုံးတစ်လုံး ထပ်မံ ပေါက်ကွဲခဲ့တယ်လို့ ဆိုပါတယ်။

အဲဒီပေါက်ကွဲမှုတွေကြောင့် ကလေးအထူးကုဆရာဝန်ကြီးရဲ့ကားမှာ အနည်းငယ်ပျက်စီးသွားခဲ့ပေမဲ့ လူတွေထိခိုက်ဒဏ်ရာရရှိတာမရှိဘူးလို့ ပြောပါတယ်။

အဲဒီပေါက်ကွဲမှုကြောင့် အကြမ်းဖက်စစ်ကောင်စီတပ်ဖွဲ့တွေက မြို့ဝင်၊ မြို့ထွက်တွေမှာ ဆိုင်ကယ်နဲ့ ကားတွေကိုရပ်ခိုင်းကာ ရှာဖွေနေသလို နေအိမ်တချို့ကိုလည်း ဝင်ရောက်ရှာဖွေနေတယ်လို့ ဒေသခံတွေဆီကနေ သိရပါတယ်။

3 months Ago
More News
Up