သမ္မတ ဦးသိန်းစိန်

July 18, 2015

သတင်းသမားများကို ပြည်သူသိရန် ခြိမ်းခြောက်ပြောသည့် နိုင်ငံတကာခေါင်းဆောင်များ စာရင်းတွင် ဦးသိန်းစိန် ပါဝင်

သတင်းသမားတွေကို အများပြည်သူသိအောင် ခြိမ်းခြောက်ပြောဆိုခဲ့တဲ့ နိုင်ငံတကာ ခေါင်းဆောင်တွေ စာရင်းထဲမှာ သမ္မတ ဦးသိန်းစိန်လည်း ပါဝင်ကြောင်း  နယ်စည်းမခြားသတင်းထောက်များအဖွဲ့ရဲ့ ဇူလိုင် ၁၇ ၇က်နေ့ ထုတ်ပြန်ချက်ထဲမှာ ဖော်ပြထားပါတယ်။ သမ္မတ ဦးသိန်းစိန်အစိုးရ တက်လာပြီးနောက်ပိုင်း စာပေ ကင်ပေတိုင်လို့ခေါ်တဲ့ စာပေစိစစ်ရေးနဲ့ မှတ်ပုံတင်ဌာနကို ဖျက်သိမ်းခဲ့ပေမယ့် ဒါဟာ သတင်းလွတ်လပ်ခွင့် အစစ်အမှန် မဟုတ်သေးကြောင်း၊ လက်ရှိသတင်းသမားတွေ တရားစွဲ၊ ဖမ်းဆီး၊ ထောင်ချတဲ့ ဖြစ်စဉ်တွေဟာ လွတ်လပ်စွာရေးသားခွင့်နဲ့ လွတ်လပ်စွာသတင်းရယူပိုင်ခွင့်မှာ စိုးရိမ်စရာရှိနေသေးကြောင်း မြန်မာ့မီဒီယာအသိုင်းအ၀ိုင်းက ဆိုထားပါတယ်။ ဒါကိုလည်း နယ်စည်းမခြားသတင်းထောက်များအဖွဲ့ရဲ့ ထုတ်ပြန်ချက်ထဲမှာ ထောက်ပြပြောဆိုထားပါတယ်။ မြန်မာနိုင်ငံမှာ သမ္မတ ဦးသိန်းစိန်အစိုးရလက်ထက် ပြီးခဲ့တဲ့ ၂၀၁၂ ခုနှစ်မှာတော့ ပြည်တွင်းပြည်ပ သတင်းသမားတွေစုပေါင်းပြီး မီဒီယာလွတ်လပ်ခွင့်အတွက် စတင်ဆန္ဒပြ တောင်းဆိုလာခဲ့တာဟာ ၂၀၁၅ ခုနှစ်ထိ ဖြစ်ကြောင်း သိရပါတယ်။ မြန်မာနိုင်ငံမှာတော့ လက်ရှိအချိန်အထိ ဖမ်းဆီးထောင်ချ၊ တရားစွဲခံထားရတဲ့ သတင်းသမား ၅၀ ကျော်ရှိနေပါတယ်။
6 years Ago

July 6, 2015

ထားဝယ်အထူးစီးပွားရေးဇုန် စီမံကိန်း ဆက်လုပ်ရန် ၃ နိုင်ငံ သဘောတူ

ရှေ့မတိုးနိုင်ဖြစ်နေတဲ့ ထားဝယ်အထူးစီးပွားရေးဇုန် စီမံကိန်းကို ဆက်လက် အကောင်အထည်ဖော်ရေး ပူးပေါင်းလုပ်ဆောင်ရန် မြန်မာ-ဂျပန်-ထိုင်း ၃ နိုင်ငံ ခေါင်းဆောင်တွေ ဂျပန်နိုင်ငံ တိုကျိုမြို့မှာ သဘောတူ လက်မှတ်ထိုးလိုက်ပါတယ်။ ဂျပန်နိုင်ငံမှာ ကျင်းပတဲ့ ဂျပန်-မဲခေါင် ထိပ်သီးအစည်းအဝေး အပြင်ဘက်မှာ မြန်မာသမ္မတ ဦးသိန်းစိန်၊ ဂျပန်ဝန်ကြီးချုပ် ရှင်ဇိုအာဘေးနဲ့ ထိုင်းဝန်ကြီးချုပ် ပရာယွတ် ချန်အိုချာတို့ တွေ့ဆုံဆွေးနွေးပြီး ထားဝယ် အထူးစီးပွားရေးဇုန် ဖွံ့ဖိုးတိုးတက်ရေးဆိုင်ရာ သဘောတူညီမှု မူကြမ်းကို ဇူလိုင် ၄ ရက်နေ့က သဘောတူ လက်မှတ်ရေးထိုးခဲ့တယ်လို့ ဘန်ကောက်ပို့စ် သတင်းမှာ ဖော်ပြပါတယ်။ သဘောတူညီမှု အသေးစိတ်ကို ထုတ်ဖော်ပြောကြားခြင်း မရှိသေးပေမယ့် ၂၀၀ စတုရန်း ကီလိုမီတာ အကျယ်အ၀န်းရှိတဲ့ ဒီစီမံကိန်းဟာ ကမ္ဘာ့ကုန်စည် ကူးသန်းရောင်းဝယ်ရေး စင်တာသစ်တခု ဖြစ်လာမယ်လို့ ထိုင်းဝန်ကြီးချုပ် ပရာယွတ် ချန်အိုချာက ပြောပါတယ်။ “ဒီသဘောတူလက်မှတ်ရေးထိုးမှုဟာ အာဆီယံ စီးပွားရေး အသိုက်အ၀န်း အကောင်အထည်ဖော်မှုအဖြစ် ဂျပန်နိုင်ငံနဲ့ အာဆီယံနိုင်ငံတွေကြား၊ ထိုင်းနိုင်ငံနဲ့ ဂျပန်နိုင်ငံကြား ပိုမိုအားကောင်းတဲ့ စီးပွားရေး ဖွံ့ဖြိုးတိုးတက်မှု ဖြစ်လာမယ်လို့ ယုံကြည်ပါတယ်။” လို့ ပြောပါတယ်။ အမေရိကန်ဒေါ်လာ ဘီလီယံ ၅၀ လောက် ရင်းနှီးမြှုပ်နှံလုပ်ကိုင်မယ့် ထားဝယ် အထူးစီးပွားရေးဇုန် စီမံကိန်းဟာ မဲခေါင်ဒေသ ကုန်သွယ်မှုရဲ့ အဓိက အချက်အချာနေရာ ဖြစ်လာမှာဖြစ်ပြီး အာဖရိကနိုင်ငံ၊ အိန္ဒိယနိုင်ငံ၊ အရှေ့အလယ်ပိုင်းနိုင်ငံတွေနဲ့ ကုန်သွယ်မှုပြုရာမှာ ထိုင်းနိုင်ငံ၊ ကမ္ဘောဒီးယားနိုင်ငံနဲ့ ဗီယက်နမ်နိုင်ငံ တောင်ပိုင်းကတဆင့် မြန်မာနိုင်ငံတွင်း ချိတ်ဆက် လုပ်ဆောင်နိုင်မယ်လို့ ဘန်ကောက်ပို့စ်သတင်းက ဆိုပါတယ်။ မြန်မာသမ္မတ ဦးသိန်းစိန်ကလည်း ဇူလိုင် ၃ ရက်နေ့က ကျင်းပခဲ့တဲ့ မဲခေါင်ဒေသ ၅ နိုင်ငံ စီးပွားရေးဖိုရမ် မိန့်ခွန်းပြောကြားရာမှာ ထားဝယ်အထူးစီးပွားရေးဇုန် ထူထောင်ရေးအတွက် ဘဏ္ဍာရေးနဲ့ နည်းပညာ အကူအညီတွေ ပေးဖို့ ဂျပန်နိုင်ငံရဲ့ ကမ်းလှမ်းချက်ကို ကြိုဆိုတဲ့အကြောင်းနဲ့ လက်ရှိ ဒီစီမံကိန်းနဲ့ ပတ်သက်ပြီး ကာလတို အလုပ်အကိုင်တွေ ဖန်တီးပေးတာ၊ ဒေသခံတွေကို စီမံကိန်း အကျိုးကျေးဇူးတွေ အသိပေးတာတွေနဲ့ အခုနှစ်မှာ ဆောက်လုပ်ရေး လုပ်ငန်းတွေကို စတင်ဆောင်ရွက်နေပြီလို့ ပြောပါတယ်။ ဆောက်လုပ်ရေးလုပ်ငန်းတွေထဲမှာ ၂၇ စတုရန်းကီလိုမီတာ အကျယ်အဝန်းရှိတဲ့ စက်မှု ကုန်ထုတ်ရပ်ကွက်၊ ထိုင်းနိုင်ငံနဲ့ ဆက်သွယ်တဲ့ ကားလမ်း၊ အလုပ်သမားတွေ နေထိုင်ရန် မြို့နယ်၊ LNG ဓာတ်ငွေ့တင်ပို့ရေး၊ ဆိပ်ကမ်း၊ လျှပ်စစ်ဓာတ်အားပေးစက်ရုံ၊ ဆိပ်ကမ်းနဲ့ ရေလှောင်ဆည်တွေ ပါဝင်မယ်လို့ ဆိုပါတယ်။ ဂျပန်နိုင်ငံ အနေနဲ့ မြန်မာ၊ ထိုင်း၊ ကမ္ဘောဒီးယား၊ လာအိုနဲ့၊ ဗီယက်နမ် မဲခေါင်ဒေသ ၅ နိုင်ငံ ဖွံ့ဖြိုးတိုးတက်ရေးအတွက် လာမယ့် ၃ နှစ်အတွင်းမှာ အမေရိကန် ဒေါ်လာ ၆ ဒသမ ၁ ဘီလီယံ တန်ဖိုးရှိ ဂျပန်ယန်းငွေ ၇၅၀ ဘီလီယံ  ထောက်ပံ့ကူညီပေးသွားမယ်လို့ ဂျပန်ဝန်ကြီးချုပ် ရှင်ဇိုအာဘေးက ထိပ်သီးအစည်းအဝေးမှာ  တရားဝင် ကတိပြုထားပါတယ်။
6 years Ago
More News
Up