ဝုဗ်အသင်း

October 4, 2020

ဝုဗ်တိုက်စစ်မှူး ဟီမီနက်ဇ် ဝုဗ်အသင်းနှင့် ၂၀၂၄ ခုနှစ်အထိ စာချုပ်သက်တမ်းတိုး

တိုက်စစ်မှူး ရာအူးလ် ဟီမီနက်ဇ်ဟာ ဝုဗ်အသင်းနဲ့အတူ ၂၀၁၄ နွေရာသီအထိ စာချုပ်သက်တမ်းတိုးမြှင့်လိုက်ပြီး အပြောင်းအရွှေ့သတင်းတွေကို အဆုံးသတ်စေခဲ့ပါတယ်။  မက္ကဆီကိုတိုက်စစ်မှူးဟာ ဝုဗ်အသင်းမှာ ပြသခဲ့တဲ့ ခြေစွမ်းကြောင့် ဥရောပထိပ်သီး အသင်းကြီးတစ်သင်းသင်းကို ရောက်ရှိတော့မယ်ဆိုတဲ့ ကောလာဟလတွေကိုဖြစ်စေခဲ့ပါတယ်။  မန်ချက်စတာယူနိုက်တက်နဲ့ ဂျူဗင်တပ်စ်အသင်းတို့ဟာ သူ့ကိုခေါ်ယူဖို့ စိတ်ဝင်စားနေတယ်လို့ သတင်းကြီးခဲ့ပါတယ်။  ဒါပေမယ့် ဝုဗ်အသင်းရဲ့ တစ်နှစ်တာ အကောင်းဆုံးကစားသမားဆုရှင်က ဝုဗ်အသင်းမှာပဲ ဆက်နေသွားဖို့ ဆုံးဖြတ်ခဲ့တာဖြစ်ပါတယ်။  ဟီမီနက်ဇ်ဟာ ဝုဗ်အသင်းအတွက် ၁၀၃ ပွဲကစားပြီး ၄၆ ဂိုး သွင်းယူပေးထားနိုင်သူဖြစ်ပါတယ်။ စာချုပ် သစ်ချုပ်ဆိုပြီးနောက် ဟီမီနက်ဇ်က “ဒီလိုမျိုးအသင်းကောင်းတစ်သင်းမှာ ဆက်ရှိနေရတာ ကျနော်ဝမ်းသာ ပါတယ်။ ဒီလိုကစားဖို့၊ ဒီလိုနေထိုင်ဖို့ ကျနော်ကလေးဘဝကတည်းက မက်ခဲ့ရတဲ့အိပ်မက်ပါ။ ဒါ့ကြောင့် ကျနော်ဒီမှာဆက်ရှိနေတာပါ။ ဝုဗ်အသင်းဟာ ကျနော့်ကို ယုံကြည်မှုတွေနဲ့အတူ တိုက်စစ်အတွက် အရေးပါတဲ့ ကစားသမားတစ်ဦး ဖြစ်ခွင့်ပေးခဲ့ပါတယ်။ ဒါဟာ ကျနော်ဥရောပကို ရောက်လာကတည်းက လိုချင်နေတဲ့ အရာလည်း ဖြစ်ပါတယ်။ စာချုပ်သစ်ချုပ်ဆိုဖို့ ကျနော်အကြာကြီး စဉ်းစားစရာမလိုခဲ့ပါဘူး။ ကျနော့်ဘက်ကလည်း ဒါကိုစောင့်မျှော်နေတဲ့အတွက် yes လို့ပဲ ပြောခဲ့တာပါ” လို့ အသင်းဝက်ဘ်ဆိုဒ်မှာ ပြောခဲ့ပါတယ်။  အသင်းအတွက်အကောင်းဆုံးတွေ စွမ်းဆောင်ပေးနေပြီး ထိပ်ဆုံး ၆ သင်းအဆင့်ကို ရောက်ရှိနိုင်တယ်လို့ ဟီမီနက်ဇ်က ပြောပါတယ်။ “ကျနော်တို့ ထိပ်ဆုံး ၆ သင်းအဆင့်ကိုရောက်ရှီနိုင်ပါတယ်။ ဒါပေမယ့် ကျနော်တို့ဒီအကြောင်းကို  ပြောနေရုံနဲ့မရပါဘူ‌ေ၊ ကွင်းထဲမှာပါ သက်သေပြရပါမယ်။ အဆင့် ၆ အတွင်းဝင်ပြီး ဥရောပပြိုင်ပွဲတွေကို သွားရောက်ယှဉ်ပြိုင်ရမှာ တကယ်ကိုကောင်းပါတယ်။ ဒါဟာ ကျနော်တို့လိုချင်တဲ့အရာဖြစ်ပြီး ဒီအတွက်လည်း  ကျနော်တို့ ကြိုးပမ်းနေပါတယ်” လို့ ပြောပါတယ်။  ဝုဗ်အသင်းဟာ ဖူလ်ဟမ်အသင်းကို အိမ်ကွင်းမှာ ဒီနေ့ မြန်မာစံတော်ချန် ည ၇ နာရီခွဲ လက်ခံကစားသွားရမှာဖြစ်ပါတယ်။ 
7 months Ago

September 24, 2020

ဘာစီလိုနာနောက်ခံလူ ဆီမီဒိုကို ပေါင် ၂၈ သန်းဖြင့် ဝုဗ်အသင်းခေါ်ယူ

ပရီးမီးယားလိဂ်ကလပ် ဝုဗ်အသင်းဟာ ဘာစီလိုနာအသင်းရဲ့နောက်ခံလူ နယ်လ်ဆင်ဆီမီဒို ကို ပေါင် ၂၈ သန်းနဲ့အပြီးသတ်ခေါ်ယူနိုင်ခဲ့ပါတယ်။ ဒီအပြောင်းအရွှေ့ဟာ အပိုဆုကြေးတွေနဲ့ပါ ပေါင်းထည့်မယ်ဆိုရင် ပေါင် ၃၇ သန်းလောက်အထိ မြင့်တက်သွားဖို့ရှိနေပြီး ဆီမီဒိုအသင်းကနေ ထွက်ခွာတော့မှာ ဖြစ်ကြောင်းလည်း ဘာစီလိုနာဘက်က တရားဝင်ကြေညာခဲ့ပါတယ်။  “ဆီမီဒိုအတွက် ဘာစီလိုနာအသင်းနဲ့ ဝုဗ်အသင်းတို့ကြားမှာ သဘောတူညီချက်ရရှိခဲ့ပြီ ဖြစ်ပါတယ်။ အင်္ဂလန်အသင်းဟာ အပြောင်းအရွှေ့အတွက် ယူရိုသန်း ၃၀ ဆုကြေး ၁၀ သန်းပေး ချေရမှာ ဖြစ်ပါတယ်” လို့ ရေးသားထားပါတယ်။  ဝုဗ်အသင်းဘက်ကလည်း ဒီအပြောင်းအရွေ့ကို အတည်ပြုထုတ်ပြန်ထားပြီး နောက်ခံလူကို ၃ နှစ်စာချုပ်နဲ့ခေါ်ယူနိုင်ခဲ့တဲ့အတွက် ဝမ်းသာမိတယ်လို့ အသင်းဥက္ကဋ္ဌ ရှက်ရှီက ပြောပါတယ်။   “ကျနော်တို့အနေနဲ့ ကမ္ဘာ့အဆင်းကစားသမား တဦးကို ကမ္ဘာ့အဆင့်ကလပ် အသင်းတခုဆီကနေ ခေါ်ယူဖို့ အမြဲတမ်းအခွင့်အရေး မရှိနိုင်ပါဘူး။ ဒါ့ကြောင့် ဆီမီဒိုရဲ့အပြောင်းအရွေ့ဟာ ကျနော်တို့အတွက် တိုးတက်မှုတွေ ဆက်ရှိနေဆဲဖြစ်တာကို ပြသနေပါတယ်။”  အသက် ၂၆ နှစ်အရွယ်ပေါ်တူဂီကစားသမား ဆီမီဒိုဟာ ဘာစီလိုနာအသင်းကို ဘင်ဖီကာ အသင်းကနေ ၂၀၁၇ ခုနှစ်မှာ ပေါင် ၂၉ သန်းနဲ့ရောက်ရှိလာခဲ့သူဖြစ်ပြီး အသင်းအတွက် ၁၀၂ ပွဲကစား၊ ၂ ဂိုးသွင်းကာ ၁၁ ကြိမ်ဖန်တီးနိုင်ခဲ့ပါတယ်။  သူဟာ ဘာစီလိုနာအသင်းနဲ့အတူ လာလီဂါဖလား ၂ လုံးအပါအဝင် အရေးပါတဲ့ ဆုဖလား ၄ လုံး ဆွတ်ခူးနိုင်ခဲ့သူ ဖြစ်ပါတယ်။  ဆီမီဒိုဟာ ဒီနွေရာသီ ဝုဗ်အသင်းခေါ်ယူထားတဲ့ ၅ ဦး မြောက်ကစားသမားဖြစ်ပြီး သူ့  မတိုင်ခင် ဖေဘီယိုဆေးလ်ဗား၊ ဟိုဗာ၊ ဗန်တင်ဟာနဲ့ ဖာနန်ဒိုမာဆယ်တို့ကိုလည်း ခေါ်ယူထား ပါတယ်။  နူနိုဆန်းတို့စ်ရဲ့ ဝုဗ်အသင်းဟာ ဒီနှစ်မှာ ဥရောပဝင်ခွင့်ထပ်မံရရှိအောင် ဆောင်ရွက်ဖို့ ပစ်မှတ်ထားပါတယ်။  ကစားသမားသစ်ဆီမီဒိုဟာ စက်တင်ဘာ ၂၇ ရက်နေ့ ကစားမယ့် ဝက်စ်ဟမ်း အသင်းနဲ့ပွဲစဉ်မှာ အသင်းသစ်အတွက် ပွဲဦးထွက်ကစားခွင့်ရရှိမယ်လို့ ယူဆရပါတယ်။ 
7 months Ago
More News
Up