ဝါရှင်တန်

October 6, 2021

ကိုဗစ်ကြောင့် သေဆုံးသူ ၇ သိန်းပြည့်အထိမ်းအမှတ် ဝါရှင်တန်တွင် ခေါင်းလောင်း အကြိမ် ၇၀၀ တီးခတ်

ကိုရိုနာဗိုင်းရပ်စ် ကူးစက်ကပ်ဘေးအတွင်း သေဆုံးသူ အမေရိကန်နိုင်ငံသား အယောက် ၇ သိန်း ပြည့်တဲ့ အထိမ်းအမှတ်အဖြစ် အမေရိကန်ရဲ့ မြို့တော် ဝါရှင်တန်ဒီစီက နိုင်ငံတော်ဆိုင်ရာ ခရစ်ယာန် ဘုရားကျောင်းတော်ကြီးမှာ အောက်တိုဘာ ၅ ရက်က ခေါင်းလောင်း အကြိမ်ရေ ၇၀၀ တီးခတ်ခဲ့ပါတယ်။

၂၀၂၀ မတ်လကစပြီး တကမ္ဘာလုံးကို ပျံ့နှံ့ကူးစက်ခဲ့လို့ စုစုပေါင်း လူဦးရေ ၄ ဒသမ ၈ သန်းကျော် သေဆုံးခဲ့တဲ့ ကိုဗစ်-၁၉ ကပ်ရောဂါရဲ့ မိုင်တိုင်ကို သတိပေးလိုက်တာလည်း ဖြစ်ပါတယ်။

သေဆုံးသူတွေကို အောက်မေ့သတိရတဲ့အနေနဲ့ ဘုရားကျောင်းပရဝဏ်ထဲက လူတွေ အတော်များများက မတ်တတ်ရပ်ရင်း ငြိမ်သက်နေခဲ့ကြပါတယ်။

အောက်တိုဘာ ၄ ရက်နေ့ထိ ရထားတဲ့ စာရင်းအရ အမေရိကန်မှာ ကိုဗစ်-၁၉ ကပ်ရောဂါကြောင့် သေဆုံးသူဦးရေ စုစုပေါင်း ၇၀၂,၃၆၀ ရှိပြီလို့ ရောဂါ ထိန်းချုပ်ဟန့်တားရေးဌာနက ပြောပါတယ်။

ဇွန်လက အမေရိကန်မှာ ကိုဗစ်-၁၉ ကပ်ရောဂါကူးစက်ခံ သေဆုံးသူဦးရေ ၆ သိန်း ပြည့်ခဲ့လို့ နိုင်ငံတော်ဆိုင်ရာ ခရစ်ယာန် ဘုရားကျောင်းတော်ကြီးမှာ ခေါင်းလောင်းတွေ အကြိမ်ရေ ၆၀၀ တီးခတ်ခဲ့ပါတယ်။

2 months Ago

September 17, 2021

သြစတြေးလျ-အမေရိကန်ဝန်ကြီးအဆင့် ဆွေးနွေးပွဲ ဝါရှင်တန်တွင် ပြုလုပ်

သြစတြေးလျ-အမေရိကန် ဝန်ကြီးအဆင့် (AUSMIN) ညှိနှိုင်းဆွေးနွေးမှုတွေကို ဝါရှင်တန်ရှိ အမေရိကန်သံရုံးမှာ စက်တင်ဘာ ၁၆  ရက်က ပြုလုပ်ခဲ့ကြပါတယ်။ 

အမေရိကန်၊ သြစတြေးလျနဲ့ ဗြိတိန်တို့ဟာ AUKUS လို့ခေါ်တဲ့ လုံခြုံရေး သဘော တူညီချက် အသစ်ကို လုပ်ဆောင်ခဲ့ပြီးနောက်မှာ အစည်းအဝေး ကျင်းပခဲ့တာဖြစ်ပါတယ်။

 AUKUS ဟာ အထူးသဖြင့် အငြင်းပွားနေတဲ့ တောင်တရုတ်ပင်လယ်ထဲမှာ သူ့ရဲ့ ဒေသတွင်းလွှမ်းမိုးမှုကို တန်ပြန်ဖို့လို့ တရုတ်က ရှုမြင်ဖွယ်ရှိနေပါတယ်။ 

အစီအစဉ်အရ အမေရိကန်နဲ့ဗြိတိန်တို့ဟာ သြစတြေးလျကို နျူကလီးယားစွမ်းအင်သုံး ရေငုပ်သင်္ဘောတွေ နေရာချထားဖို့ နည်းပညာနဲ့စွမ်းရည်တွေ ပံ့ပိုးပေးမှာဖြစ်ပါတယ်။

သြစတြေးလျနဲ့ ကိုယ်ပိုင်ရေငုပ်သင်္ဘော သဘောတူညီချက် ဆုံးရှုံးခဲ့တဲ့ ပြင်သစ်က အစီအစဉ်တွေဟာ ရက်စက်ပြီး မခန့်မှန်းနိုင်ဘူးလို့ ပြောပါတယ်။

အမေရိကန်နဲ့သူ့ရဲ့မဟာမိတ်တွေဟာ တရုတ်ရဲ့ကြီးထွားလာတဲ့ အာဏာပါဝါနဲ့ သြဇာလွှမ်းမိုးမှုကို ဆန့်ကျင်တွန်းလှန်ဖို့ အထူးသဖြင့် တရုတ်ရဲ့စစ်ရေးတည်ဆောက်မှု၊ ထိုင်ဝမ် အပေါ်ဖိအားပေးမှုနဲ့ အငြင်းပွားနေတဲ့ တောင်တရုတ်ပင်လယ်အတွင်း နေရာဖြန့်ကျက် ချထားမှုတို့ကို ဆန့်ကျင်ဖို့ နည်းလမ်းတွေ ရှာဖွေနေတာပါ။ 

အမေရိကန်၊ ဗြိတိန်နဲ့ သြစတြေးလျတို့အကြား အင်ဒို-ပစိဖိတ်လုံခြုံရေး မဟာမိတ် အသစ်ဖွဲ့မှုကို တရုတ်က စက်တင်ဘာ ၁၆ ရက်နေ့မှာ ပြစ်တင်ရှုတ်ချလိုက်ပြီး ဒီလိုပူးပေါင်း လုပ်ဆောင်မှုတွေဟာ တတိယနိုင်ငံတွေကို ပစ်မှတ်မထားသင့်ကြောင်းနဲ့ ဒေသတွင်းမှာ လက်နက်အပြိုင်အဆိုင် ပြင်းထန်လာမယ်လို့ သတိပေးပြောကြားသွားပါတယ်။ 

3 months Ago
More News
Up