ဝက်ဖို့ဒ်

November 21, 2021

နည်းပြတစ်ဦးတည်း အပြစ်မတင်သင့်ဘဲ ကစားသမားအားလုံးတာဝန်ရှိကြောင်း ဖာနန်ဒက်စ်ပြော

ဝက်ဖို့ဒ်အသင်းကို ရှုံးနိမ့်ခဲ့တာနဲ့ ပတ်သက်ပြီး နည်းပြအပေါ်မှာ အပြစ်မတင်သင့်ဘဲ အားလုံးမှာ တာဝန်ရှိကြောင်း ယူနိုက်တက်ကွင်းလယ်လူ ဖာနန်ဒက်စ်က ပြောပါတယ်။ 

မန်ယူနိုက် တက်အသင်းဟာ ဝက်ဖို့ဒ်နဲ့ အဝေးကွင်းပွဲစဉ်မှာ ၄ ဂိုး ၁ ဂိုးနဲ့ ဂိုးပြတ်ရူံးနိမ့်ခဲ့ပြီးနောက် အများစုက နည်းပြဆိုးလ်ရှားကို ဝေဖန်ပြစ်တင်ခဲ့ကြပါတယ်။ 

ကွင်းလယ်လူ ဖာနန်ဒက်စ်ကတော့ ရှုံးပွဲဟာ နည်းပြကြောင့်မဟုတ်ဘဲ ကစားသမားတွေအားလုံးမှာတာဝန်ရှိကြောင်း၊ အားလုံးက ပိုကောင်းဖို့ လိုအပ်နေကြောင်း ပြောပါတယ်။ 

“ဒီပွဲက အားလုံးရဲ့အမှားတွေကြောင့်ပါ။ နည်းပြတစ်ဦးတည်းကြောင့်မဟုတ်ပါဘူး။ ကစားသမားတစ်ယောက် နှစ်ယောက်ကြောင့်လည်း မဟုတ်ဘဲ အားလုံးကြောင့်ဖြစ်ပါတယ်။ ဘယ်သူကမှ ငါတော့ကောင်းအောင် ကစားခဲ့တယ်လို့ ပြောလို့မရပါဘူး” လို့ ဖာနန်ဒက်စ်က ပြောပါ တယ်။ 

ယူနိုက်တက်အသင်းအနေနဲ့ ပထမပိုင်းလောက်ပဲ အကောင်းဆုံးကစားခဲ့ပြီး ပရီးမီးယားလိဂ်လို ပြိုင်ပွဲမှာ အဲဒီလိုလုပ်လို့မရကြောင်း၊ ဝက်ဖို့ဒ်တိုက်စစ်က အရည်အချင်းရှိပြီး အခွင့်အရေးတွေ ပေးရင်တော့ ဂိုးတွေပေးလိုက်ရမှာဖြစ်ကြောင်းလည်း ဖာနန်ဒက်စ်က ပွဲအပြီး beIN Sports နဲ့ အင်တာဗျူးမှာ ပြောပါတယ်။ 

မန်ယူနိုက်တက် အသင်းဟာ ဒီရှုံးပွဲကြောင့် အမှတ်ပေးဇယားအဆင့် ၇ အထိ ကျဆင်းသွားခဲ့ပါတယ်။

2 months Ago

October 17, 2021

ဆာလက်ကို ကမ္ဘာ့အကောင်းဆုံးကစားသမားအဖြစ် ဘောလုံးကျွမ်းကျင်သူများ ချီးကျူး

လီဗာပူးတိုက်စစ်မှူး ဆာလက်ကို ကမ္ဘာ့အကောင်းဆုံးကစာသမားအဖြစ် ဘောလုံးကျွမ်းကျင်သူတွေက ချီးကျူးစကားဆိုပါတယ်။ 

ဆာလက်ဟာ ဝက်ဖို့ဒ်နဲ့ပွဲစဉ်မှာ အကောင်းဆုံး ခြေစွမ်းပြသနိုင်ခဲ့ပြီး နောက်ခံလူတွေကို လိမ်ခေါက်ကျော်ဖြတ်ပြီး အနိုင်ဂိုး ၁ ဂိုးလည်း သွင်းယူနိုင်ခဲ့တာပါ။ 

အဲဒီပွဲစဉ်ကို သုံးသပ်တင်ဆက်ခဲ့တဲ့ လီဗာပူးကစားသမားဟောင်း မက်ခ်မန်နာမန်နဲ့ ဂျိုကိုးတို့ကတော့ ဆာလက်ဟာ လက်ရှိအချိန်မှာ ကမ္ဘာ့အကောင်းဆုံးကစားသမားဖြစ်တယ်လို့ ချီးကျူးခဲ့ကြတာပါ။ 

“ဆာလက်က လက်ရှိအချိန်မှာ ကမ္ဘာ့အကောင်းဆုံးကစားသမားဖြစ်နေပါပြီ။ အမ်ဘာပေ၊ နေမာနဲ့ မက်ဆီတို့ရဲ့ခြေစွမ်းကိုလည်း ကျနော် ကြည့်ပြီးပါပြီ။ သူတို့ခြေစွမ်းက မလုံလောက်သေးပါဘူး။ လီဝန်ဒေါ့စကီးကလည်း ဂိုးတွေဆက်သွင်းနေပေမယ့် ဆာလက်လို လှပတဲ့ဂိုးသွင်းတက်တဲ့ တိုက်စစ်မှူးမဟုတ်ပါဘူး” လို့ ကစားသမားဟောင်း မက်ခ်မန်နာမန်က ချီးကျူးခဲ့တာပါ။ 

BT Sport ရဲ့ ဘောလုံးသုံးသပ်သူ ဂျိုကိုးကလည်း ဆာလက်ကို ချီးကျူးခဲ့ပြီး ကမ္ဘာ့အကောင်းဆုံးဆိုတဲ့စကားအပေါ် အငြင်းပွားကြမှာ ဖြစ်ပေမယ့် အင်္ဂလန်မှာ အကောင်းဆုံးကစာသမားဖြစ်တယ်ဆိုတာကတော့ သေချာတယ်လို့ ပြောပါတယ်။ 

3 months Ago
More News
Up