လောင်းလုံးမြို့နယ်

June 13, 2021

ပုဒ်မ ၁၄‌၄ အမိန့်ထုတ်ထားသည့် လောင်းလုံးမြို့နယ်တွင် ပြည်သူများဆက်လက်ဆန္ဒပြ

တနင်္သာရီတိုင်းဒေသကြီး၊ လောင်းလုံးမြို့နယ်မှာ လူစုလူဝေးမလုပ်ဖို့ အမိန့်ထုတ်ထားတဲ့ကြားက ပြည်သူတွေဟာ ဇွန်လ ၁၃ ရက် ဒီနေ့ မနက်ပိုင်းမှာ အာဏာသိမ်း အကြမ်းဖက် စစ်ကောင်စီကို ဆန့်ကျင်တဲ့အနေနဲ့ ဆက်လက်ဆန္ဒထုတ်ဖော်ခဲ့ပါတယ်။

ဒီကနေ့ မနက်ပိုင်းမှာတော့ လောင်းလုံးမြို့နယ်ရဲ့ ညင်းမော်၊ မောင်းမကန်ကျေးရွာတွေအပြင် ကျေးရွာအများစု ဆန္ဒထုတ်ဖော်ခဲ့ကြတာ ဖြစ်ပါတယ်။

လောင်းလုံးမြို့နယ်ကို စစ်ကောင်စီ အုပ်ချုပ်ရေးမှူးက ဇွန်လ ၁၁ ရက်ကစပြီး လူငါးဦးထက် ပိုမစုရ၊ ည ၈ နာရီမှ မနက် ၄ နာရီအထိ နေအိမ် အပြင် မထွက်ရတဲ့ ညမထွက်ရအမိန့် ထုတ်ပြန်ထားသလို စုဝေးတာ၊ ဟောပြောတာ၊ ဆန္ဒပြစီတန်းလှည့်လည်တာတွေ မပြုဖို့လည်း ထုတ်ပြန်ထားတာပါ။

5 days Ago

May 31, 2021

လောင်းလုံးမြို့နယ်က စစ်အာဏာရှင်ဆန့်ကျင် သပိတ်စစ်ကြောင်းများ ဆက်လက် ဆန္ဒပြ

တနင်္သာရီတိုင်းဒေသကြီး၊ လောင်းလုံးမြို့နယ်မှာ ပြည်သူတွေဟာ အာဏာသိမ်း အကြမ်းဖက် စစ်ကောင်စီကို လက်မခံကြောင်း မေလ ၃‌၁ ရက်နေ့မှာ ငြိမ်းချမ်းစွာ ဆက်လက်ဆန္ဒပြခဲ့ကြပါတယ်။

ဒီကနေ့မှာတော့ လောင်းလုံးမြို့နယ်ရဲ့ စစ်ပြဲနဲ့ ညင်းမော်ကျေးရွာတွေအပြင် ကျေးရွာအများစုမှာ ဆန္ဒထုတ်ဖော်ခဲ့ကြတာ ဖြစ်ပါတယ်။ ဆန္ဒဖော်ထုတ်ခဲ့တဲ့ ပြည်သူတွေက အာဏာသိမ်း စစ်ကောင်စီကို ဘယ်တော့မှ အရှုံးပေးမှ မဟုတ်သလို စစ်ကျွန်ပညာရေးကို အမြစ်ပြုတ်တဲ့အထိ တော်လှန်ကြမယ်လို့ ပြောပါတယ်။

လောင်းလုံးမြို့နယ်က ပြည်သူတွေဟာ အာဏာသိမ်း အကြမ်းဖက်စစ်ကောင်စီကို လက်မခံကြောင်း သပိတ်မျိုးစုံ ပြုလုပ်ပြီး နေ့စဉ် ရက်ဆက် တော်လှန်နေတာ ဖြစ်ပါတယ်။

3 weeks Ago
More News
Up