လေပြင်း

April 4, 2021

မယ်လဒုက္ခသည်စခန်းတွင် လေပြင်းကြောင့် နေအိမ်အဆောက်အအုံများ ပျက်စီး

ထိုင်း-မြန်မာနယ်စပ် မယ်လဒုက္ခသည်စခန်းမှာ ဧပြီ ၃ ရက် ညနေ ၃ နာရီလောက်က မိုးသက်လေပြင်း ဝင်ရောက်တိုက်ခိုက်တဲ့အတွက် ဒုက္ခသည်တွေ ဟာယီနေထိုင်တဲ့ လူနေအိမ်အပါအဝင် စားရိက္ခာသိုလှောင်တဲ့ အဆောက်အအုံတွေ ပျက်စီးသွားခဲ့ပါတယ်။

“မနေ့က ညနေပိုင်းလောက်က မိုးသက်လေပြင်းတိုက်လို့ အဆောက်အအုံ တော်တော်များများပျက်စီးသွားတယ်။ တချိုအိမ်တွေဆို သစ်ပင်ပိလို့ ပြိုကျတာကော လေပြင်းလို့ပြိုကျတာကော ရှိတယ်” လို့ စခန်းမှာနေထိုင်တဲ့ အမျိုးသမီးတစ်ဦးကပြောပါတယ်။

လေပြင်းကြောင့် ပျက်စီးသွားတဲ့ အဆောက်အအုံတွေနဲ့ နေအိမ်တွေကို ကော်မတီတာဝန်ရှိသူတွေဆီ တင်ပြထားသလို ပြန်လည်ပြုပြင်ဖို့ အခက်အခဲတွေနဲ့ လိုအပ်ချက်တွေလည်း ရှိနေပါတယ်။

1 month Ago

October 1, 2020

မြစ်ကြီးနားတွင် လေပြင်းကြောင့် သစ်ပင်များကျိုးကျပြိုလဲ၊ ၁ ဦးဒဏ်ရာရ

စက်တင်ဘာ ၃၀ ရက်နေ့က မိုးသည်းထန်စွာရွာသွန်းပြီး လေပြင်းတိုက်ခတ်မှုကြောင့် ကချင်ပြည်နယ်၊ မြစ်ကြီးနားမြို့မှာ သစ်ပင်တွေ ကျိုးကျပြိုလဲတာတွေဖြစ်ခဲ့ပြီး ၁ ဦး ဒဏ်ရာရရှိခဲ့တယ်လို့ သိရပါတယ်။  သီတာရပ်ကွက်မှာ SURF အမျိုးအစား (အနက်ရောင်)ယာဉ်ပေါ် ကျွန်းပင်ကျိုးကျခဲ့သလို ဧရာရပ်ကွက် အောင်ဆန်းလမ်းနဲ့ ရုံကြီးလမ်းထောင့်အနီးရှိညောင်ပင် အမြစ်က ပြိုလဲကျပြီး အီလက်ထရောနစ်ပစ္စည်းအရောင်းဆိုင်ပေါ်ကို ပိမိခဲ့တယ်လို့ မီးသတ်တပ်ဖွဲ့က ထုတ်ပြန်ပါတယ်။ မြစ်ကြီးနားမြို့နယ်မီးသတ်စခန်းက သန္ဓေမီးသတ်တပ်ဖွဲ့ဝင်တွေက ရှင်းလင်းရေး လုပ်ငန်းတွေ ဆောင်ရွက်ခဲ့ပြီး သစ်ပင်လဲကျမှုကြောင့် အီလက်ထရောနစ်ပစ္စည်းအရောင်းဆိုင်က အမျိုးသမီး (၁) ဦး ထိခိုက်ဒဏ်ရာ (မစိုးရိမ်ရ) ရရှိခဲ့လို့ မြစ်ကြီးနားပြည်သူ့ဆေးရုံကို ပို့ဆောင်ပေးခဲ့ပါတယ်။
7 months Ago
More News
Up