လေတပ်

October 26, 2021

ထိုင်ဝမ် လေကြောင်းရန်ကာကွယ်ရေးဇုန်အတွင်း တရုတ်လေတပ် ကျူးကျော်ပျံသန်း

တရုတ်လေတပ်က ထိုင်ဝမ်လေကြောင်းရန် ကာကွယ်ရေးဇုန်ထဲကို လေးရက်ကြာ အင်အားအလုံးအရင်းနဲ့ ကျူးကျော် ပျံသန်းခဲ့လို့ တင်းမာမှုတွေ မြင့်တက်လာအပြီး အနောက်ဘက်ခြမ်းက မြို့တော်တွေနဲ့ ထိုင်ပေမြို့တော်တို့မှာ တပ်လှန့်သံ ဆူညံခဲ့ပါတယ်။

ထိုင်ပေမြို့တော်ကနေ လေယာဉ်နဲ့ တနာရီသာ ကွာဝေးတဲ့ ကင်မန်ကျွန်းပေါ်က ခရီးသွားလုပ်ငန်း ဌာဝန်ထမ်းကတော့ ကျွန်းဟာ ဘေးကင်းနေဆဲဖြစ်ပြီး ရေလက်ကြား ဖြတ်ကျော် တင်းမာမှုတွေကြောင့် ဒေသတွင်း စီးပွားရေးနဲ့ လူနေမှုဘဝအပေါ် ဘယ်လို သက်ရောက်မှုမှ မရှိသေးဘူးလို့ ပြောပါတယ်။

ဒါပေမဲ့ ကင်မန်ကျွန်းပေါ်မှာ တိုက်ပွဲပြင်းထန်ချိန်က စစ်သည်အင်အား တသိန်း ရှိခဲ့ပြီး ခုတော့ အင်အားအများကြီး လျှော့ချထားတဲ့ မြို့စောင့်တပ်သာ ကျန်ပါတယ်။

ထိုင်ဝမ်သား စစ်မှုထမ်းဟောင်း ချန်အင်းဝမ်ဟာ တရုတ်ကမ်းရိုးတန်းနဲ့ ၁ ဒသမ ၉ မိုင်သာ ဝေးပြီး ထိုင်ဝမ်က ထိန်းချုပ်ထားတဲ့ ကင်မန်ကျွန်းရဲ့ ကျောက်ဆောင် အစွန်အဖျားအထိ သွားပြီး ထိုင်ဝမ်ကျွန်းနဲ့ အင်မတန်နီးနီးကို ရောက်လာတဲ့ တရုတ်ငါးဖမ်းသင်္ဘောတွေကို သူ ဘယ်လို မီးကျည်နဲ့ ပစ်သလဲဆိုတာကို သရုပ်ပြခဲ့ပါတယ်။

ထိုင်ဝမ်နဲ့ တရုတ်ပြည်မကြီးကြား ကင်မန်ကျွန်းဟာ ၁၉၅၈ ခုနှစ်က စစ်အေးခေတ် အထွတ်အထိပ် ရောက်ချိန် အကြီးစားတိုက်ပွဲဖြစ်ခဲ့ရာ နေရာဖြစ်ပြီး ဆယ်စုနှစ်ချီကြာပြီးတဲ့နောက် စစ်ပွဲ အမှတ်တရတွေ မှေးမှိန်လာခဲ့ပါတယ်။

ကျောက်တုံးတွေအောက်မှာ တူးထားတဲ့ ကတုတ်ကျင်းတွေအတွင်း ကင်းပုန်းဝပ်နေတဲ့ စစ်သည်တွေ ရှိနေပါတယ်။ ထိုင်ဝမ်နဲ့မတူဘဲ ကင်မန်ကျွန်းသားတွေက သူတို့ကိုယ်သူတို့ တရုတ်တွေလို့ ပွင်ပွင့်လင်းလင်း ခေါ်ဝေါ်သုံးနှုန်းကြပါတယ်။

ဒေသခံတချို့ကတော့ ကွန်မြူနစ်တွေရဲ့ တိုက်ခိုက်မှုကနေ ရှောင်ဖို့ လေကြောင်းစီးနင်းမှုတွေကနေ ပုန်းကွယ်နေရတဲ့ အတိတ်ဟောင်းဆီ ပြန်မသွားချင်ကြတော့ဘူးလို့ ဆိုရင်တောင် မျိုးဆက်သစ်တွေက ဘယ်လိုတွေးမလဲ မသိဘူးလို့ ဒေသခံ လုပ်ငန်းရှင်တယောက်က ပြောပါတယ်။

ပြန်လည်ရင်ကြားစေ့ရေးနဲ့ ငြိမ်းချမ်းစွာ အတူယှဉ်တွဲနေထိုင်ရေးက အကောင်းဆုံးအဖြေ ဖြစ်လိမ့်မယ်လို့ ယုံကြည်ကြောင်းလည်း ပြောကြပါတယ်။

3 months Ago

September 1, 2021

လေယာဉ်ဗုံးကြဲလေ့ကျင့်ရန် လေတပ်က တစ်ရက်တည်း ဗုံးအလုံး ၁၀၀ ထုတ်ယူ

စစ်ကောင်စီ လေတပ်ဟာ လေယာဉ်ဗုံးကြဲ စစ်ရေးလေ့ကျင့်ဖို့အတွက် လေယာဉ်ကြဲဗုံး (50 KG Aircraft Bomb) အလုံး ၁၀၀ ကို ဩဂုတ် ၃၁ ရက်က ကာကွယ်ရေးပစ္စည်းစက်ရုံကနေ ထုတ်သွားခဲ့ပြီး ဘယ်နေ့မှာ စစ်ရေးလေ့ကျင့်မလဲဆိုတာ မသိရသေးပါဘူး။ 

ဒီဗွီဘီ သတင်းဌာနက လက်ခံရရှိထားတဲ့ စစ်ကောင်စီလေတပ်က ထုတ်ယူသွားတဲ့ စာရင်းစာရွက်ထဲမှာ 50 KG Aircraft Bomb ၁၀၀ အတွက် တစ်စုံစာအမျိုးအစား ၄ ခုကို ထုတ်သွားခဲ့တာလို့ ဖော်ပြထားတာ တွေ့ရပါတယ်။

“လေယာဉ်ကြဲဗုံးတွေ ရာချီပြီး ထုတ်နေတာဟာ အနာဂတ်စစ်ဆင်းရေးအတွက် ကြိုတင်ပြင်ဆင်နေတယ်လို့ ယူဆရမှာဖြစ်ပြီး  250 KG ဗုံးအမျိုးအစားဟာ စစ်ပွဲတွေမှာ အစုလိုက်ကြဲချတာဖြစ်ပြီး စခန်းကုန်းတွေမခံနိုင်ဘူး” လို့  CDM တပ်မတော်အရာရှိ ဗိုလ်ကြီးညီသုတက ပြောပါတယ်။

“စစ်ပညာသင်ထားတာဟာ ပြည်သူကိုဗုံးကြဲဖို့မဟုတ်ဘဲ ပြည်သူကို ပြန်သတ်ဖို့ပြင်ဆင်နေတာကြောင့် လုပ်သင့်မလုပ်သင့် လေယာဉ်မှူးတွေ စဉ်းစားဖို့သင့်တယ်” လို့ ဆိုပါတယ်။

ပုံမှန်အားဖြင့် စစ်ကောင်စီလေတပ်က တိုက်ပွဲတွေမှာ 250 KG၊ 500 KG Aircraft Bomb ကိုအသုံးပြုတာဖြစ်ပြီး 250 KG Aircraft Bomb ဟာ မီတာ ၄၀၀ မှ ၅၀၀ ထိ ပြင်းအားသက်ရောက်သလို မီတာ ၄၀၀ ဟာ ဘောလုံးကွင်း ၁ ကွင်းစာ အကျယ်နဲ့ ညီမျှပါတယ်။ အခုက လေ့ကျင့်ရေးအတွက် ထုတ်လုပ်တာဖြစ်တာကြောင့် ပြင်းအားလျော့ထားတာလို့ တပ်တွင်းသတင်းအရင်းအမြစ်တွေဆီက သိရပါတယ်။

5 months Ago
More News
Up