လူသားချင်းစာနာမှုအရ ၅ ရက်ကြာ အပစ်ရပ်စဲမည်ဟု ဆော်ဒီကြေညာ

June 10, 2015

ယီမင်သမ္မတဟောင်း၏သားဌာနချုပ် ဗုံးကြဲတိုက်ခိုက်ခံရ

ဆော်ဒီအာရေဗျ ဦးဆောင်တဲ့ လေကြောင်းတိုက်ခိုက်မှုတွေအတွင်း တိုက်လေယာဉ်တစီးက ယီမင်မြို့တော် စာနာမှာရှိတဲ့  သမ္မတဟောင်း အလီအဗ်ဒူ ဆာလေးရဲ့သား အာမဒ် အလီဆာလေးရဲ့ နိုင်ငံရေးဌာနချုပ်ကို ဇွန် ၈ ရက်နေ့မှာ ဗုံးကြဲခဲ့ပါတယ်။ တိုက်ခိုက်မှုအတွင်း လူနေအိမ်တချို့လည်း ပျက်စီးပြီး ကလေးတွေ အပါအဝင် အရပ်သားတွေ အတော်များများ ဒဏ်ရာရတယ်လို့ ဒေသခံတွေက ပြောပါတယ်။ လူအများအပြားကို ဆေးရုံတင်ထားရတယ်၊ ဒီရန်လိုမှုကို ရှုတ်ချတယ်လို့ ဒေသခံတဦးက ပြောပါတယ်။ တိုက်ခိုက်ခံရတဲ့ ဌာနချုပ်ဟာ သမ္မတဟောင်း ဆာလေးရဲ့အထွေထွေ ပြည်သူ့ကွန်ဂရက်စ်ပါတီ အမြဲတမ်း အခြေစိုက်စခန်းလည်း ဖြစ်သလို ဟူသီသူပုန်တွေနဲ့အတူ လတ်တလော တိုက်ခိုက်နေတဲ့ သူ့သား အာမဒ်ရဲ့ အမိန့်ပေးဌာနလည်း ဖြစ်ပါတယ်။ အရင်နေ့ကလည်း စာနာမြို့လယ်က ယီမင်စစ်တပ်ရဲ့ အဓိကဌာနချုပ်ကို ဆော်ဒီဂျက်လေယာဉ်တွေက လေကြောင်းတိုက်ခိုက်ခဲ့လို့ အနည်းဆုံး လူ ၄၄ ယောက် သေဆုံးပြီး ၁၀၀ ကျော် ဒဏ်ရာရခဲ့တယ်၊ အနားက လူနေအိမ်တွေလည်း ပျက်စီးခဲ့တယ်လို့ ဟူသီတွေ ထိန်းချုပ်ထားတဲ့ အစိုးရသတင်းဌာန စာဘာက အစီရင်ခံပါတယ်။ ပြည်ပြေး ယီမင်သမ္မတဟောင်း အဘ်ဒယ် ရာဘူ မန်ဆူးလ် ဟာဒီကို ရာထူးပြန်အပ်နိုင်ဖို့ ဆော်ဒီခေါင်းဆောင်တဲ့ တပ်တွေက ယီမင်နိုင်ငံတွင်းက ဟူသီသူပုန်တွေကို မတ်လ ၂၆ ရက်နေ့တည်းက တိုက်နေခဲ့တာပါ။ တိုက်ပွဲတွေ ဆက်ဖြစ်နေပေမယ့် ဇွန် ၁၄ ရက်နေ့ ဂျီနီဗာမှာ ကျင်းပမယ့် ငြိမ်းချမ်းရေး ဆွေးနွေးပွဲကို ပြည်ပြေးအစိုးရရော ဟူသီသူပုန်တွေပါ တက်ဖို့ သဘောတူထားပါတယ်။ ပြည်ပြေးသမ္မတနဲ့ အစိုးရကို လက်ခံထားတဲ့ ဆော်ဒီအာရေဗျကတော့ ဘယ်ဆွေးနွေးပွဲမဆို ဟူသီတွေနဲ့ သမ္မတဟောင်းကို သစ္စာခံတဲ့ တပ်တွေက လက်နက်ကြီးတွေ ပြန်အပ်ပြီး အညံ့ခံရမယ်ဆိုတဲ့ ဆုံးဖြတ်ချက်ကို ဗဟိုထားရမယ်လို့ အခိုင်အမာ ပြောပါတယ်။ ဟူသီတွေကတော့ ဆွေးနွေးပွဲအားလုံးကို ကန့်သတ်ချက် မပါဘဲ ဆွေးနွေးရမယ်လို့ ပြောထားပါတယ်။
6 years Ago

May 23, 2015

ဆော်ဒီနိုင်ငံ ဗလီတလုံးတွင် အသေခံဗုံးကွဲ၊ လူ ၂၀ ခန့်သေဆုံး

ဆော်ဒီအာရေဗျနိုင်ငံ အရှေ့ပိုင်းက ရှီးယိုက်ဗလီတလုံးမှာ သောကြာဝတ်ပြုပွဲအတွင်း အသေခံဖောက်ခွဲမှုတရပ် ဖြစ်ပွားခဲ့လို့ လူအယောက် ၂၀ လောက် သေဆုံးပြီး ၅၀ ကျော် ဒဏ်ရာရတယ်လို့ ဒေသခံတွေနဲ့ ဆေးရုံအရာရှိတဦးက ပြောပါတယ်။ ဒီတိုက်ခိုက်မှုကို ဘယ်သူလုပ်တယ်ဆိုတဲ့ တာဝန်ခံမှုတော့ မရှိသးပါဘူး။ နိုဝင်ဘာလတုန်းကလည်း နိုင်ငံတွင်း ရှီးယိုက်လူနည်းစုတွေ အများစုနေထိုင်ရာ နိုင်ငံ အရှေ့ပိုင်းမှာ သေနတ်သမားတွေက ရှီးယိုက် ဘာသာရေး နှစ်ပတ်လည်ပွဲတခုကို တိုက်ခိုက်ခဲ့လို့ အနည်းဆုံး လူ ၈ ဦး သေဆုံးခဲ့ပါသေးတယ်။ အယ်လ်ကာဒီးယားရွာရဲ့ အိုင်မန်အလီ ဗလီထဲမှာ လူအယောက် ၁၅၀ ကျော် ဝတ်ပြု ဆုတောင်းနေတုန်း ပေါက်ကွဲမှုကြီး ဖြစ်ခဲ့တယ်လို့ မျက်မြင်သက်တဦးက ပြောပါတယ်။ ဆော်ဒီပြည်ထဲရေး ဝန်ကြီးဌာန ပြောခွင့်ရကတော့ တိုက်ခိုက်မှုကို အကြမ်း ဖက်ဝါဒလှုပ်ရှားမှု ဖြစ်ကြောင်း၊ ဗုံးခွဲသမားဟာ ဗလီထဲမှာ သူ့အဝတ်တွေအောက်မှာ ဝှက်ထားတဲ့ အသေခံတိုက်ခိုက်ရေး ခါးပတ်ကို စနက်တံဖြုတ် ဖောက်ခွဲခဲ့လို့ လူတချို့ သေဆုံးခဲ့ပြီး တချို့ဒဏ်ရာရခဲ့တယ်လို့ ပြောပါတယ်။ ဒီတိုက်ခိုက်မှုဟာ ပင်လယ်ကွေ့ဒေသအတွင်း ဆွန်နီနဲ့ ရှီးယိုက် မွတ်စလင်တို့ကြား ဆက်ဆံရေးကို ထိခိုက်စေနိုင်တာပါ။ ဆွန်နီမွတ်စလင် ဆော်ဒီခေါင်းဆောင်တဲ့ ညွန့်ပေါင်းတပ်တွေက ဒေသတွင်း အင်အားကြီး ရှီးယိုက်မွတ်စလင် အီရန်က ကျောထောက် နောက်ခံ ပေးထားတဲ့ ယီမင်နိုင်ငံတွင်းက ဟူသီသူပုန်တွေကို လေကြောင်းတိုက်ခိုက်မှုတွေ လုပ်ခဲ့တဲ့ သီတင်းပတ်တွေအတွင်း တင်းမာမှုတွေ ပိုမြင့်လာနေပါတယ်။
6 years Ago
Up