လူမျိုးရေး

November 2, 2018

ကျား-မ၊ လူမျိုးရေး ခွဲခြားမှု မရှိရေး ဂူဂဲလ် ၀န်ထမ်းများ ဆန္ဒပြ

အာရှ၊ ဥရောပနဲ့ မြောက်အမေရိကတလွှားမှာရှိတဲ့ ဂူဂဲလ်ကော်ပိုရေးရှင်း ၀န်ထမ်းနဲ့ ကန်ထရိုက်တာတွေဟာ နိုဝင်ဘာ ၁ ရက်နေ့က လုပ်ငန်းခွင်အတွင်း ခေတ္တခဏ ဆန္ဒပြခဲ့ပါတယ်။ သူတို့ဟာ လုပ်ငန်းခွင်အတွင်း ကျား-မ ခွဲခြားမှု၊ လူမျိုးရေး ခွဲခြားမှုနဲ့ အထိန်းအကျောင်းမဲ့ အုပ်ချုပ်ရေးအာဏာ ကျင့်သုံးမှုတို့နဲ့ပတ်သက်ပြီး ဆန့်ကျင်ဆန္ဒပြကြတာပါ။ ကယ်လီဖိုးနီးယားပြည်နယ်ရှိ ဂူဂဲလ်ဌာနချုပ်မှာတေ့ာ ရာနဲ့ချီတဲ့ ၀န်ထမ်းတွေဟာ မြေကွက်လပ်မှာ စုဝေးခဲ့ကြတာပါ။ ဆန္ဒပြသူတဦးက “အပြုအမူဆိုးတဲ့လူကို ဆုငွေပေးစရာ မလိုဘူး” ဆိုတဲ့ စာသားကို ရွတ်ဖတ်ပြပါတယ်။ တခြားတဦးကလည်း “အမျိုးသမီး အခွင့်အရေးဟာ အလုပ်သမား အခွင့်အရေးဖြစ်တယ်”လို့ ပြောကြားပါတယ်။ လိင်ပိုင်းဆိုင်ရာ စော်ကားမှု စွပ်စွဲခံရတဲ့ ဂူဂဲလ်အကြီးတန်း ဒုဥက္ကဋ္ဌ အန်ဒီ-ရူဘင်ကို   ၂၀၁၄ ခုနှစ်မှာ ကော်ပိုရေးရှင်းက လုပ်သက်ပင်စင်ကြေး ဒေါ်လာသန်း ၉၀ ပေးခဲ့တယ်ဆိုပြီး နယူးယောက်တိုင်းမ်စ် သတင်းစာကဖော်ပြပြီးနောက်မှာ  ဒီဆန္ဒပြပွဲတွေ ပေါ်ပေါက်လာတာပါ။ ဆန္ဒပြပွဲတွေဟာ ကမ္ဘာအနှံ့ရှိ ဒါဇင်နဲ့ချီတဲ့ ဂူဂဲလ်ရုံးတွေကို ပျံ့နှံ့သွားခဲ့တယ်လို့ ဆန္ဒပြပွဲ စီစဉ်သူတွေကို ကိုးကားပြီး ရိုက်တာသတင်းမှာ ဖော်ပြထားပါတယ်။
3 years Ago

March 22, 2016

မြန်မာနိုင်ငံတွင် လူမျိုးရေး၊ ဘာသာရေးခွဲခြားမှု အခြေအနေ အဆိုးဆုံးရောက်

မြန်မာနိုင်ငံရဲ့ လူမျိုးရေး၊ ဘာသာရေး ခွဲခြားမှု အခြေအနေတွေဟာ ကုလသမဂ္ဂရဲ့ စာရင်းတွေအရ လက်ရှိအချိန်အထိ အဆိုးဆုံးအခြေအနေကို ရောက်နေတယ်လို့ လူ့အခွင့်အရေး လှုပ်ရှားသူတဦးက ပြောပါတယ်။ ရန်ကုန်မြို့ အင်းလျားလိတ်ဟိုတယ်မှာ မတ်လ ၂၁ ရက်နေ့က ကျင်းပတဲ့ အပြည်ပြည်ဆိုင်ရာ လူမျိုးရေးခွဲခြားမှုများ  ကင်းစင်ရေးနေ့ အခမ်းအနားမှာ လူ့အခွင့်အရေးလှုပ်ရှားသူ တဦးဖြစ်တဲ့ Equality Myanmar အဖွဲ့က ဒါရိုက်တာ ဦးအောင်မျိုးမင်းက ပြောဆိုသွားတာပါ။ “ကုလသမဂ္ဂရဲ့ လူ့အခွင့်အရေးကောင်စီ၊ ကုလသမဂ္ဂမှာ လူ့အခွင့်အရေးနဲ့ ပတ်သက်လို့ တာဝန်အရှိဆုံး လူ့အခွင့်အရေးကောင်စီမှာ သုံးသပ်ဖို့ ရှိပါတယ်။ နောက်တခုကတော့ စပါယ်ရှယ်ပရိုစီဂျာလို့ ခေါ်ပါတယ်။ စပါယ်ရှယ်ပရိုစီဂျာ ဖြစ်ဖို့အတွက်ကတော့ တော်ရုံတန်ရုံနိုင်ငံ ဖြစ်လို့မရပါဘူး။ လူ့အခွင့်အရေးကို ဆိုးဆိုးဝါးဝါး ကမ္ဘာကသိအောင် ချိုးဖောက်သော နိုင်ငံမျိုးမှ ဒီစာရင်းဝင်တာ ဖြစ်ပါတယ်။ အဲ့ဒါကိုတော့ စပါယ်ရှယ်ပရိုစီဂျာ အရလို့ ကျနော်တို့ ခေါ်ပါတယ်။” မြန်မာနိုင်ငံရဲ့ လူ့အခွင့်အရေး ချိုးဖောက်ခံရမှု ဖြစ်စဉ်တွေဟာ ဦးနေဝင်းရဲ့ မဆလအစိုးရ လက်ထက်မှာ စတင်ခဲ့တာလို့ ခရစ်ယာန်ဘာသာရေး ခေါင်းဆောင်တဦးဖြစ်တဲ့ ကာဒီနယ် ချားလ်စ်မောင်ဘိုိက ပြောပါတယ်။ ရန်ကုန်နိုင်ငံရေးသိပ္ပံကျောင်း ဥက္ကဋ္ဌ ဦးမြတ်ကိုကတော့ ၂၀၀၈ ဖွဲ့စည်းပုံအခြေခံဥပဒေ ကိုယ်တိုင်က လူမျိုးရေး၊ ဘာသာရေး ခွဲခြားမှု လက္ခဏာတွေ ရှိနေတယ်လို့ သုံးသပ်ပါတယ်။ “ဒီ ကွန်စတီကျူးရှင်းဟာ တကယ်ပဲ လူမျိုးရေးခွဲခြားမှုမရှိတဲ့ ကွန်စတီကျူးရှင်း ဖြစ်ခဲ့မယ်ဆိုရင် လူမျိုးရေး၊ ဘာသာရေး ခွဲခြားမှု အရိပ်အယောင်တွေပါတဲ့ ဥပဒေတွေ ဘာဖြစ်လို့ ဆက်လက်ပြီးတော့ ထွက်ပေါ်လာရတာလဲ၊ ၂၀၁၂ နောက်ပိုင်းမှာ၊ ဒီဥပဒေတွေ၊ တည့်ပြောရရင် မျိုးစောင့်ဥပဒေလိုဆိုတဲ့ ဟာမျိုးတွေက လူမျိုးရေး၊ ဘာသာရေးကို ခွဲခြားဆက်ဆံတဲ့ ဥပဒေတွေဆိုတာ ကျနော်တို့ ရိပ်မိကြမှာပါ။” ဦးသိန်းစိန်ရဲ့ အရပ်သားအစိုးရလက်ထက်မှာ နိုင်ငံအနှံ့အပြား ပဋိပက္ခတွေ ဖြစ်ခဲ့တဲ့အတွက် ကုလသမဂ္ဂရဲ့ ဝေဖန်ပြစ်တင်မှုကို ခံခဲ့ရတာပါ။ အပြည်ပြည်ဆိုင်ရာ လူမျိုးရေးခွဲခြားမှုများ ကင်းစင်ရေးနေ့ အခမ်းအနားကို မြန်မာနိုင်ငံမှာ ပထမဆုံးအကြိမ်အဖြစ် ကျင်းပခဲ့တာဖြစ်ပြီး ဘာသာရေးခေါင်းဆောင်တွေ၊ လူ့အခွင့်အရေး လှုပ်ရှားသူတွေနဲ့ အရပ်ဘက်အဖွဲ့အစည်းတွေ တက်ရောက်ခဲ့ကြပါတယ်။
5 years Ago
Up