လူကုန်ကူးမှု

February 8, 2019

ဆိုင်ခန်းတွင်း ပိတ်လှောင်ခံထားရသည့် ဘင်္ဂလားဒေ့ရ်ှနိုင်ငံသား ၁၉၃ ဦး အင်ဒိုအာဏာပိုင်များ တွေ့ရှိ

အင်ဒိုနီးရှားနိုင်ငံ ဆူမားတြားကျွန်း မယ်ဒန်မြို့က ဈေးဆိုင်ခန်းတခုအတွင်း ဘင်္ဂလားဒေ့ရ်ှနိုင်ငံသား ၁၉၃ ဦးကို သော့ခတ်ပိတ်လှောင်ထားတာ တွေ့ရှိရတယ်လို့ အာဏာပိုင်တွေက ဖေဖော်ဝါရီ ၇ ရက်နေ့မှာ ပြောပါတယ်။ အဲဒီ ဘင်္ဂလားဒေ့ရှ် နိုင်ငံသားတွေကို လူကုန်ကူးသူတွေက မလေးရှားပို့ပေးမယ်လို့ သိမ်းသွင်းပြီး အခုလို ပိတ်လှောင်ထားခဲ့တာပါ။ သူတို့ဟာ အင်ဒိုနီးရှားနိုင်ငံကို ခရီးသွားဗီဇာနဲ့ ဝင်လာပြီး မလေးရှားမှာ အလုပ်သွားလုပ်ဖို့ ရည်ရွယ်တယ်လို့ လူဝင်မှုကြီးကြပ်ရေး အရာရှိတွေက ပြောပါတယ်။ အင်ဒိုနီးရှား အာဏာပိုင်တွေက သူတို့ကို ထိန်းသိမ်းရေးစခန်းတွေဆီ ခေါ်သွားပြီး ဘင်္ဂလားဒေ့ရ်ှကို ပြန်ပို့မယ်လို့ ဆိုပါတယ်။ သူတို့ကို ပိတ်လှောင်ထားရာ ဈေးဆိုင်ခန်းက သံသယဖြစ်ဖွယ် ဆူညံသံတွေကို အိမ်နီးချင်းတွေ ကြားပြီးနောက် သက်ဆိုင်ရာကို သတင်းပို့ခဲ့တာပါ။ သော့ခတ်ပိတ်လှောင်ခံရသူတဦးက သူတို့ဟာ ဈေးဆိုင်ခန်းအတွင်း ကျပ်ကျပ်တည်းတည်း နေရပြီး တချို့ဟာ မူးမေ့လဲခဲ့တယ်လို့ သတင်းထောက်တွေကို ပြောပါတယ်။
3 years Ago

January 9, 2019

တနှစ်တွင်း လူကုန်ကူးမှု ၂၀၀ကျော်ဖြစ်ပွား၊ တရုတ်မယားအဖြစ်ရောင်းစားခံရမှု အများဆုံးပါဝင်

မြန်မာတနိုင်ငံလုံးအတိုင်းအတာနဲ့ ၂၀၁၈ ခုနှစ်အတွင်းမှာ လူကုန်ကူးမှုပေါင်း ၂၀၇ မှုထိဖြစ်ပွားခဲ့ပြီး ရန်ကုန်တိုင်းဒေသကြီးမှာ အများဆုံးဖြစ်ပွားခဲ့တယ်လို့ လူကုန်ကူးမှု တားဆီးနှိမ်နင်းရေးရဲတပ်ဖွဲ့ရဲ့ စာရင်းတွေအရသိရပါတယ်။ ရန်ကုန်တိုင်းမှာ ၂၀၁၈ ခုနှစ် တနှစ်တာအတွင်း လူကုန်ကူးမှု ၅၆မှုဖြစ်ပွားခဲ့ပြီး လှိုင်သာယာ၊ တွံတေးနဲ့ ဒဂုံဆိပ်ကမ်းမြို့နယ်တွေမှာ အများဆုံးဖြစ်ပွားခဲ့ပါတယ်။ လူကုန်ကူးခံရမှုတွေထဲမှာ  တရုတ်မယားအဖြစ်လူကုန်ကူးခံရတဲ့အမှုက အများဆုံးဖြစ်ပြီး ဒုတိယကတော့ ပြည်တွင်းမှာ ပြည့်တန်ဆာအဖြစ် လူကုန်ကူးခံရတာဖြစ်ပါတယ်။ လူကုန်ကူးမှုဖြစ်ပွားရတဲ့ အကြောင်းအရင်းတွေကတော့ ဆင်းရဲနွမ်းပါးတာ၊ အလုပ်အကိုင် အခွင့်အလမ်းမရှိတာကြောင့် လူမှုရေးစီးပွားရေး မိသားစုဘ၀ရပ်တည်ဖို့ခက်ခဲတာနဲ့ အသိပညာဗဟုသုတနည်းပါးတာတွေကြောင့်ဖြစ်တယ်လို့ လူကုန်ကူးမှုတားဆီးနှိမ်နင်းရေး ရဲတပ်ဖွဲ့ကပြောပါတယ်။ လူကုန်ကူးမှုတားဆီးနှိမ်နင်းရေး ရဲတပ်ဖွဲ့ တာဝန်ရှိသူတဦးက “ရန်ကုန်တိုင်းဒေသကြီးမှာ အများဆုံး လူကုန်ကူးမှုဖြစ်ပွားရတဲ့အကြောင်းကတော့ ရန်ကုန်မှာက လူနေထူထပ်တယ်၊ နယ်မြို့ကသူတွေက ရန်ကုန်မှာလာရောက်အခြေချတယ်။ ပြီးတော့ အသိပညာဗဟုသုတ အားနည်းတော့ တရုတ်ပြည်ဘက်ကို အလုပ်လုပ်ရမယ်ဆိုပြီး လူကုန်ကူးခံရတယ်။ လူကုန်ကူးခံသူအများစုက ပညာအရည်အချင်းမှာအားနည်းတာတွေ့ရတယ်” လို့ ပြောပါတယ်။ မြန်မာတပြည်လုံးအတိုင်းအတာနဲ့ ဆိုရင် ပြီးခဲ့တဲ့နှစ်က ရန်ကုန်တိုင်းဒေသကြီးမှာ လူကုန်ကူးမှု ၅၆ မှု ၊ရှမ်းပြည်နယ်မှာ ၅၄ မှု ၊ မန္တလေးတိုင်းဒေသကြီးမှာ ၂၇ မှု၊ ကချင်ပြည်နယ်မှာ ၂၄ မှု၊ ဧရာဝတီတိုင်းဒေသကြီးမှာ ၁၅ မှုနဲ့  ပဲခူးတိုင်းဒေသကြီးမှာ ၁၀ မှုဖြစ်ပွားခဲ့တယ်လို့ ရဲတပ်ဖွဲ့စာရင်းအရ သိရပါတယ်။ ဒီအမှုတွေထဲမှာ အများဆုံးကတော့ တရုတ်မယား အဖြစ်ရောင်းစားခံရမှုနဲ့ အတင်းအကျပ်လက်ထပ်ယူတဲ့အမှုတွေဖြစ်ပြီး ပြည့်တန်ဆာအဖြစ်ရောင်းချတာက ၁၉ မှုနဲ့ အငှားကိုယ်ဝန်ဆောင်မှု ၄ မှု ပါဝင်ပါတယ်။
3 years Ago
More News
Up