လူကာကူ

June 26, 2021

ကမ္ဘာ့အဆင့် တိုက်စစ်မှူးအဖြစ် မသတ်မှတ်ခံရခြင်းအပေါ် လူကာကူ မကျေနပ်

ဟာရီကိန်းနဲ့ လီဝန်ဒေါစကီးတို့ ကမ္ဘာ့အဆင့်တိုက်စစ်မှူးအဖြစ် သတ်မှတ်ခံရခြင်း မရှိ တဲ့အပေါ်မှာ ဘယ်လ်ဂျီယံတိုက်စစ်မှူး လူကာကူက မကျေမနပ်ဖြစ်နေပါတယ်။

ဘယ်လ်ဂျီယံဟာ ယူရိုရှုံးထွက်အဆင့်မှာ ပေါ်တူဂီနဲ့ထိပ်တိုက်တွေ့ဆုံနေတာပါ။ 

သူ့အနေနဲ့ ကမ္ဘာ့အဆင့်တိုက်စစ်မှူး တစ်ဦးဖြစ်တယ်ဆိုတာ သက်သေပြခဲ့ပြီးဖြစ်တယ်လို့ လူကာကူက ပြောပါတယ်။ 

လူကာကူက လူတွေက ဟာရီကိန်း၊ လီဝမ်ဒေါစကီးနဲ့ ဘင်ဇီမာတို့အကြောင်းတွေကို ပြောလေ့ရှိပြီး ကမ္ဘာ့အဆင့် ကြေးစားသမားတွေ့လို့ သတ်မှတ်ပါတယ်။      

“ကျွန်တော့်ရဲ့ခြေစွမ်းကိုကျတော့ ပုံစံကောင်းရတယ်လို့ အမြဲပြောကြပါတယ်။ ကျနော်ဟာ ပုံစံကောင်းတစ်ခုထက်ပိုတယ်ဆိုတာ ပြီးခဲ့တဲ့ ၂ နှစ်အတွင်းမှာ ပြသခဲ့ပြီးပါပြီ” လို့ လူကာက ပြောပါတယ်။ 

လူကာကူဟာ ဘယ်လ်ဂျီယံအတွက် နောက်ဆုံး ၂၁ ပွဲမှာ ၂၃ ဂိုးအထိသွင်းယူထားပြီး ကမ္ဘာ့အဆင့် တိုက်စစ်မှုးအဖြစ် သက်သေပြဖို့  ယူရိုချန်ပီယံဆုဖလားကို ရယူသွားချင်တယ်လို့ လည်း လူကာကူက ပြောပါတယ်။ 

1 month Ago

January 27, 2021

မီလန်ဒါဘီပွဲစဉ်တွင် တိုက်စစ်မှူးလူကာကူနှင့် အီဗရာဟီမိုဗစ်တို့ ခိုက်ရန်ဖြစ်ပွား

မနေ့ညက ကစားသွားခဲ့တဲ့ ကိုပါအီတလီယာဖလား ကွာတားဖိုင်နယ်ပွဲ  မီလန်ဒါဘီပွဲစဉ်မှာ တိုက်စစ်မှူးတွေဖြစ်ကြတဲ့ လူကာကူနဲ့ အီဗရာဟီမိုဗစ်တို့ ခိုက်ရန်ဖြစ်ပွားခဲ့ပါတယ်။

အင်တာတိုက်စစ်မှူး လူကာကူနဲ့ အေစီတိုက်စစ်မှူး မိုဗစ်တို့ဟာ ပထမပိုင်းပြီးခါနီးမှာ အချင်းချင်း ခိုက်ရန်ဖြစ်ပွားခဲ့ကြတာဖြစ်ပါတယ်။ 

လူကာကူကို အေစီမီလန်အသင်းခေါင်းဆောင် ရိုမန်နိုလီက ခပ်ကြမ်းကြမ်း ဖျက်ထုတ်ခဲ့ရာကနေ စတင်ခဲ့တာပါ။ လူကာကူနဲ့ မိုဗစ်တို့ဟာ ခေါင်းချင်းဆိုင်ပြီး ထိပ်တိုက်တွန်းခဲ့ကြလို့ ၂ ဦးစလုံး အဝါကတ် ကိုယ်စီပြသခံခဲ့ရပါတယ်။

ပထမပိုင်းအပြီး အဝတ်လဲခန်းထဲဝင်ချိန်မှာ လူကာကူက မိုဗစ်ကို ဆဲဆိုခဲ့ပြီး မိုဗစ်ကလည်း အစောပိုင်းကတည်းက လူကာကူကို ဆဲဆိုထားခဲ့တယ်လို့ သိရပါတယ်။ 

ဒီပွဲမှာ အင်တာမီလန်က ၂ ဂိုး ၁ ဂိုးနဲ့ အနိုင်ရခဲ့ပါတယ်။ အေစီမီလန်အတွက် ဦးဆောင်ဂိုး စတင်သွင်းခဲ့တဲ့ မိုဗစ်ဟာ ဒုတိယပိုင်းပွဲချိန် ၅၈ မိနစ်မှာတော့ ကိုလာရော့ဗ်ကို ဖျက်ထုတ်ပုံကြမ်းခဲ့လို့ အဝါကတ်ပြခံခဲ့ရပြီး ၂ ဝါ ၁ နီနဲ့ ထုတ်ပယ်ခံခဲ့ရပါတယ်။

လူကာကူနဲ့ အီဗရာဟီမိုဗစ်တို့ဟာ မန်ယူနိုက်တက်အသင်းမှာ အတူကစားခဲ့ဖူးပြီး မီလန်ဒါဘီမှာ ပြန်လည်တွေ့ဆုံရာမှာတော့ ခိုက်ရန်ဖြစ်ပွားခဲ့ကြတာ ဖြစ်ပါတယ်။

6 months Ago
More News
Up