လိုက်ပစ်ဇ်

January 31, 2021

လိုက်ပစ်ဇ်နောက်ခံလူ အူပါမီကာနိုကို ခေါ်ယူရန် နီးစပ်နေပြီဟု ဘိုင်ယန်မြူးနစ်အတည်ပြု

လိုက်ပစ်ဇ်နောက်ခံလူ ဒါးယော့အူပါမီကာနိုကို ခေါ်ယူဖို့အတွက် ဆွေးနွေးပွဲတွေမှာ ရလဒ်ကောင်းတွေ ရှိခဲ့တယ်လို့ ဘိုင်ယန်မြူးနစ်အသင်းက အတည်ပြုပါတယ်။ 

ကစားသမားရဲ့ အေးဂျင့်အဖွဲ့ဟာ ဘိုင်ယန်မြူးနစ် ရုံးခန်းကို စနေနေ့မှာ သွားရောက်ခဲ့တယ်လို့ Bild သတင်းမှာ ဖော်ပြခဲ့ပြီး ဘိုင်ယန်ဘက်ကလည်း အလားအလာကောင်းတွေ အများကြီးပိုင်ဆိုင်ထားတဲ့ နောက်ခံလူနဲ့ပတ်သက်လို့ အမှန်အတိုင်းဝန်ခံခဲ့ပါတယ်။ 

အသင်းဥက္ကဋ္ဌ ရူမင်နင်းဂစ်က “ဟုတ်ပါတယ်။ ကျနော်တို့ သူ့ကိုခေါ်ဖို့ကြိုးစားသွားမှာပါ။ ဒါပေမဲ့ အဘက်ဘက်အတွက် အဆင်ပြေအောင် ဆောင်ရွက်သွားမှာဖြစ်ပြီး ကစားသမားဟာ အနည်းဆုံး ဒီရာသီကုန်တဲ့အထိ လိုက်ပစ်ဇ်အသင်းမှာ ဆက်ရှိနေပါမယ်” လို့ ပြောပတယ်။

လီဗာပူး၊ ယူနိုက်တက်နဲ့ ချဲလ်ဆီးအပါအဝင် အူပါမီကာနိုကို ခေါ်ယူဖို့ စိတ်ဝင်စားနေတဲ့ အသင်းများစွာရှိနေပြီး ဘိုင်ယန်မြူးနစ်က လက်ဦးမှုရရှိအောင်ဆောင်ရွက်နိုင်ခဲ့တာဖြစ်ပါတယ်။ 

ကစားသမားရဲ့အေးဂျင့်နဲ့ တွေ့ဆုံရာမှာလည်း ကောင်းမွန်တဲ့ ဆွေးနွေးပွဲ ဖြစ်ခဲ့တယ်လို့ အတည်ပြုပါတယ်။ 

ဒီနောက်ခံလူကို  စိတ်ဝင်စားနေတယ်လို့ ဘိုင်ယန်အားကစားဒါရိုက်တာက ဝန်ခံသွားခဲ့ပြီး ကောင်းမွန်တဲ့ ဆွေးနွေးပွဲတွေရှိခဲ့တာကြောင့် ဘယ်လိုဆက်ဖြစ်မလဲ စောင့်ကြည့်ရမယ်လို့ ပြောပါတယ်။

ရူမင်နင်းဂစ်ရဲ့အဆိုအရ ကစားသမားဟာ လိုက်ပစ်ဇ်မှာ နွေရာသီအထိ ဆက်ရှိမှာဖြစ်ပေမယ့် လက်ရှိဥရောပချန်ပီယံဟာ သူ့ကို ၂၀၂၁-၂၂ ရာသီအတွင်း ခေါ်ယူသွားနိုင်ဖို့ ကြိုးစားလာနိုင်ပါတယ်။ 

လိုက်ပစ်ဇ်နဲ့အူပါ မီကာနိုတို့ရဲ့ စာချုပ်ဟာ ၂၀၂၃ မှာ ကုန်ဆုံးမှာဖြစ်တာကြောင့် လိုက်ပစ်ဖ်အနေနဲ့ သူ့ကို လာမယ့်နွေဈေးကွက်မှာ ရောင်းရင်ရောင်း၊ မရောင်းရင် အလွတ်နဲ့ထွက်ခွာခွင့်ပြုရမယ့် အခြေအနေမှာရှိနေပါတယ်။ 

အသက် ၂၂ နှစ် အရွယ်သာရှိသေးတဲ့ ပြင်သစ်လက်ရွေးစင် အူပါမီကာနိုဟာ အလားအလားကောင်းတွေ အများကြီးရှိတဲ့အခြေအနေကြောင့် လိုက်ပစ်ဇ်အသင်းဘက်က သူ့ကိုအလွတ်ပြောင်းရွှေ့ကြေးနဲ့ ထွက်ခွာခွင့်မပေးမှာတော့ သေချာသလောက်ရှိပါတယ်။ 

လိုက်ပစ်ဇ်အသင်းဟာ အခုချိန်အထိ သူတို့ကစားသမားကို ဆက်ထိန်းထားဖို့ အကောင်း ဆုံးခြေအနေမှာ ရှိနေသေးပေမယ့် သူ့ရဲ့စာချုပ်ဖျက်သိမ်းကြေးဟာ ပေါင် ၃၈ သန်းသာရှိပါတယ်။

လက်ရှိအချိန်အထိ ကစားသမားဟာ လိုက်ပစ်ဇ်အသင်းအတွက် ဘွန်ဒက်လီဂါချန်ပီယံဆု ဆွတ်ခူးနိုင် ရေးကိုသာ အာရုံစိုက်နေပြီး လိုက်ပစ်ဇ်ဟာ လက်ရှိချန်ပီယံဘိုင်ယန်အသင်းကို ၇ မှတ်ဖြတ်ထားနိုင်ပါတယ်။ 

ဘိုင်ယန်မြူးနစ်အသင်းဟာ သူတို့ရဲ့နောက်ခံလူတစ်ဦးဖြစ်တဲ့ ဒေးဗစ်အလာဘာ နွေဈေးကွက်မှာ အလွတ်ပြောင်းရွှေ့ကြေးနဲ့ ထွက်ခွာတော့မှာဖြစ်တာကြောင့် သူ့နေရာမှာ အစားထိုးဖို့ အူပါမီကာနိုကို ခေါ်ယူလိုနေတာပါ။

3 months Ago

November 5, 2020

လိုက်ပစ်ဇ်ကို ရှုံးနိမ့်ခဲ့ပေမဲ့ နည်းပြရာထူးအတွက် မစိုးရိမ်ဟု တူချယ်ပြော

နိုဝင်ဘာ ၄ ရက်က ကစားခဲ့တဲ့ချန်ပီယံလိဂ်ပွဲမှာ လိုက်ပစ်ဇ်အသင်းကို ၂ ဂိုး ၁ ဂိုးနဲ့ ရှုံးခဲ့ပေမဲ့ ပီအက်စ်ဂျီနည်းပြ တူချယ်ကတော့ သူ့အနာဂတ်နဲ့ပတ်သက်ပြီး စိုးရိမ်မှု မရှိဘူးလို့ ပြောပါတယ်။   ပီအက်စ်ဂျီအသင်းဟာ ချန်ပီယံလိဂ်အဖွင့်ပွဲမှာ ယူနိုက်တက်အသင်းကို ၂ ဂိုး ၁ ဂိုးနဲ့ရှုံးခဲ့ပြီး အဲ့ဒီအချိန်ကတည်းက ဂျာမနီနည်းပြနဲ့ပတ်သက်တဲ့ မေးခွန်းတွေပေါ်ထွက်ခဲ့ပါတယ်။  လိုက်ပစ်ဇ်နဲ့ပွဲမှာလည်း ပီအက်စ်ဂျီဟာ ကစားသမား ၂ ဦး အထုတ်ခံခဲ့ရပြီး ပင်နယ်တီ ၁ လုံး လွဲချော်ခဲ့တာကြောင့် ဒီမေးခွန်းတွေဟာ ပိုပြီးအသံကျယ် လာခဲ့ပါတယ်။  ဒါပေမဲ့ တူချယ်ကတော့ သူ့ရဲ့ ရာထူးနဲ့ပတ်သက်ပြီး မေးခွန်းထုတ်မှုတွေဟာ မကြာခဏ ဆိုသလို ကြုံတွေ့နေရတဲ့အရာဖြစ်တာကြောင့် အသင်းရဲ့ စွမ်းရည်ကိုမြှင့်တင်ဖို့သာ အာရုံ စိုက်ဆောင်ရွက်နေတယ်လို့ တူချယ်က ပြောပါတယ်။  “ပြင်သစ်မီဒီယာတွေက ကျနော့်ရာထူးနဲ့ပတ်သက်ပြီး မေးခွန်းထုတ်လေ့ရှိသလို၊ အန္တရာယ်ရှိနေပြီလို့လည်း ပြောပါတယ်။ ဒါဟာ ကျနော် အသင်းကို ရောက်စကတည်းက အခြေအနေပါ။ ဘာ့ကြောင့်လဲတော့ မသိပါဘူး။ ဒီအသင်းမှာ မီဒီယာသမားတွေနဲ့ ပတ်ဝတ်ဝန်းကျင်က ပိုပြီး အခရာကျပါတယ်” လို့ တူချယ်ကပြောပါတယ်။  “ဒီအခြေအနေက ကျနော့်အလုပ်ကို မပြောင်းလဲနိုင်ဘူးဆိုတာ လက်ခံနိုင်ရပါမယ်။ ဒါဟာ ပဲရစ်မြို့က နည်းပြ တစ်ယောက်ရဲ့ဘဝပါ။ ဘယ်တော့မှ လုံလောက်သွားတယ်ဆိုတာ မရှိပါဘူး။ အားကစားဆိုတာ အမြဲတမ်းမလွယ်ကူပါဘူး။ ကျနော်တို့ မျှော်လင့်ထားတဲ့ ပွဲတိုင်းအနိုင်ရဖို့ တင်မဟုတ်ပါဘူး။ ကစားပွဲထဲက ဘယ်အခြေအနေမှာရှိနေတယ်ဆိုတာလည်း သိရပါမယ်။ ဒီနေ့ပွဲ ကတော့ နိုင်ဖို့ဖြစ်နိုင်သလို၊ သရေကျဖို့လည်း ဖြစ်နိုင်ပါတယ်။ လာမယ့် လိုက်ပစ်ဇ်နဲ့ပွဲမှာအနိုင်ရ မယ်ဆိုရင် အခြေအနေတွေက အားလုံးဆန့်ကျင်ဘက်ဖြစ်သွားပါလိမ့်မယ်” လို့ တူချယ်က ပြောပါတယ်  ပီအက်စ်ဂျီအသင်းဟာ ဒီပွဲမှာ နေမာ၊ အမ်ဘတ်ပီနဲ့ အီကာဒိုတို့လို တိုက်စစ်မှူးတွေ မပါဝင်ခဲ့ပေမဲ့ ဦးဆောင်ဂိုး ရရှိခဲ့ပါတယ်။  အူပါမီကာနိုရဲ့နောက်ပြန်ပေးမှုကို မွိုက်ကိန်းက လုယူပြီး ဒီမာရီက အဆုံးသတ်သွားခဲ့တာ ဖြစ်ပါတယ်။  ဂိုးရပြီးနောက် ၁၀ မိနစ်အကြာမှာ ဒီမာရီယာဟာ ပင်နယ်တီကန်သွင်းခွင့် ရရှိခဲ့ပေမဲ့ လိုက်ပစ်ဇ်ဂိုးသမား ကကွယ်နိုင်လိုက်ပါတယ်။  အဲ့ဒီနောက်မှာ လိုက်ပစ်ဇ်အသင်းက ၂ ဂိုး ရရှိခဲ့တာဖြစ်ပြီး ပီအက်စ်ဂျီအသင်းရဲ့ ကွင်းလယ်လူ ဂူရီနဲ့နောက်ခံလူ ကမ်ပန်ဘီတို့ အထုတ်ခံခဲ့ရတာကြောင့် ပီအက်စ်ဂျီ အသင်းဟာ လိုအပ်နေတဲ့ ချေပဂိုးနဲ့အနိုင်ဂိုးတွေကို သွင်းယူနိုင်ဖို့ ရုန်းကန်ခဲ့ရတာဖြစ်ပါတယ်။ 
6 months Ago
More News
Up