လိင်တူချစ်သူ

June 9, 2019

လိင်တူချစ်သူ အမျိုးသမီးနှစ်ဦးအား တိုက်ခိုက်ခဲ့သည့် လူငယ်ငါးဦးကို အာမခံဖြင့်ပြန်လွှတ်

လိင်တူချစ်သူ အမျိုးသမီးစုံတွဲတတွဲအား တိုက်ခိုက်ခဲ့တဲ့ ဆယ်ကျော်သက် လူငယ်ငါးဦးကို လန်ဒန်ရဲတပ်ဖွဲ့က ဇွန် ၈ ရက်မှာ အာမခံနဲ့ ပြန်လွှတ်ပေးခဲ့တယ်လို့ ဘန်ကောက်ပို့စ်သတင်းမှာ ဖော်ပြပါတယ်။ ဒီတိုက်ခိုက်မှုဟာ လန်ဒန်မြို့ရှိ ညဘတ်စ်ကားတစီးပေါ်မှာ ဖြစ်ပွားခဲ့တာဖြစ်ပြီး လိင်တူချစ်သူ အမျိုးသမီးနှစ်ဦးဟာ လူငယ်ငါးဦးကို နမ်းဖို့ ငြင်းဆန်ခဲ့တာကြောင့် အခုလို တိုက်ခိုက်ခဲ့တာလို့ သတင်းမှာဖော်ပြပါတယ်။ ပြီးခဲ့တဲ့သီတင်းပတ်မှာ ဖြစ်ပွားခဲ့တဲ့ ဖြစ်ရပ်အတွင်း သူတို့နှစ်ဦးဟာ ဓားပြတိုက်ခံခဲ့ရရုံမက သွေးအလိန်းလိန်းနဲ့ ကျန်ခဲ့ရတယ်လို့ တိုက်ခိုက်ခံခဲ့ရတဲ့ အသက် ၂၈ နှစ်အရွယ် မီလာနီရာ ဂေးမိုနက်က ပြောပါတယ်။ ဒီတိုက်ခိုက်မှုဟာ ရှက်စရာကောင်းတဲ့ ခွဲခြားဆက်ဆံမှု တခုဖြစ်တယ်လို့ လန်ဒန်ရဲတပ်ဖွဲ့က ထုတ်ြပန်ကြေညာခဲ့ပြီး ဒီတိုက်ခိုက်မှုမှာပါဝင်တယ်လို့ သံသယရှိတဲ့ အသက် ၁၅ နှစ်မှ ၁၈ နှစ် အရွယ် လူငယ်လေးဦးကိုလည်း ဖမ်းဆီးထားတယ်လို့ ဇွန်လ ၇ ရက်က ထုတ်ပြန်ပါတယ်။ ဓားပြမှုအတွက် သံသယရှိတဲ့ အသက် ၁၆ နှစ်အရွယ်လူ ငယ်တဦးကို ဇွန် ၈ ရက်မှာ ဖမ်းဆီးနိုင်ခဲ့ပြီလို့ မကြာသေးခင်က ထပ်မံကြေညာပါတယ်။ “ဒီလူငယ်ငါးဦးဟာ ဇူလိုင်လအစောပိုင်းအထိ အာမခံရရှိထားပါတယ်” လို့လည်း ရဲတပ်ဖွဲ့ရဲ့ထုတ်ပြန်ချက်မှာ ပါဝင်ပါတယ်။ “သူတို့က ကျမတို့အနားကို ရောက်လာပြီး ရန်လိုတဲ့စကားတွေ၊ ညစ်ပတ်တဲ့စကားတွေ စတင်ပြောဆိုပါတယ်။ အဲ့ဒီနောက်မှာ ကျမတို့ကို နမ်းခိုင်းပါတယ်။ ပြီးတော့ ကျမတို့ကို အကြွေစေ့တွေနဲ့ ပစ်ပေါက်ခဲ့ကြပါတယ်။ နောက်တော့ ကျမရဲ့ချစ်သူ ခရစ်က ဘတ်စ်ကား အလယ်ကို ရောက်ရှိသွားခဲ့ပြီး သူတို့က ဝိုင်းထိုးခဲ့ကြပါတယ်။ ကျမက ခရစ်ကိုကာကွယ်ပေးဖို့ သွားတော့ ကျမကိုပါ ဝိုင်းထိုးခဲ့ပါတယ်” လို့ တိုက်ခိုက်မှုနဲ့ ရင်ဆိုင်ခဲ့ရတဲ့ ဂေးမိုနက်က ပြောပါတယ်။ အဲဒီနောက်မှာ လူငယ်ငါးဦးဟာ ကားပေါ်ကပြေးဆင်းသွားခဲ့ကြပြီး မဆင်းခင်ဖုန်းတွေ၊ အိတ်တွေကိုလည်း လုယူသွားခဲ့ကြပါတယ်။ အမျိုးသမီးနှစ်ဦးဟာ ထိုးကြိတ်ခံခဲ့ရတာကြောင့် ဆေးရုံတက် ကုသမှုခံယူခဲ့ရတယ်လို့လည်း သိရပါတယ်။ ထွက်ပေါ်လာတဲ့ သတင်းတွေအရ ဂေးမိုနက်ဟာ ဥရုဂွေးနိုင်ငံသူဖြစ်တယ်လို့ သိရပြီး သူ့ချစ်သူခရစ်ကတော့ အမေရိကန်ကနေ ရောက်ရှိလာတာဖြစ်ပါတယ်။ မေလ ၃၀ ရက်မှာ ဖြစ်ပွားခဲ့တဲ့ ဒီတိုက်ခိုက်မှုကို ဗြိတိန်ဝန်ကြီးချုပ် ထရီဇာမေကလည်း ပြစ်တင်ရှုတ်ချခဲ့ပါတယ်။
2 years Ago

May 1, 2019

အမျိုးသမီး လိင်တူချစ်သူ ၂ ဦးကြား ထူးခြားဆန်းပြားသည့် အချစ်အကြောင်းရုပ်ရှင် - Tell It to the Bees (နမူနာ)

ဟောလိဝုဒ် အချစ်ဒရာမာရုပ်ရှင် ပရိသတ်တွေ အကြိုက်တွေ့ကြမယ့် Tell It to the Bees ရုပ်ရှင်ကို လာမယ့် မေလ ၃ ရက်နေ့ ရုံတင်ပြသတော့မှာ ဖြစ်ပါတယ်။ ဗြိတိန် အမျိုးသမီး စာရေးဆရာမ Fiona Shaw ရဲ့ ဝတ္ထုကို အမျိုးသမီး ရုပ်ရှင်ဒါရိုက်တာ Annabel Jankel က ရုပ်ရှင်အဖြစ် အသက်သွင်း ပုံဖော်ရိုက်ကူးပေးထားတာ ဖြစ်ပါတယ်။ ဒီရုပ်ရှင်ကားကတော့ ၁၉၅၀ ပြည့်လွန်ကာလကို အခြေတည် ရိုက်ကူးထားပြီး အမျိုးသမီး လိင်တူချစ်သူ ၂ ယောက်ကြားက ချစ်ခြင်းမေတ္တာကို ပုံစံတမျိုးနဲ့ ရှုစားကြရမှာ ဖြစ်ပါတယ်။ သားတယောက်မိခင်ဖြစ်တဲ့ Lyndia ဟာ အိမ်ထောင်ရေး အဆင်မပြေတဲ့ အမျိုးသမီးတယောက်ဖြစ်ပြီး နယ်မြို့လေးတမြို့ကို ပြောင်းရွှေ့လာခဲ့ပါတယ်။ အဲဒီမြို့မှာ သားဖြစ်သူကတဆင့် အမျိုးသမီးဆရာဝန် Jean နဲ့ သိကျွမ်းမိခဲ့ရာကနေ သူတို့ ၂ ယောက် သံယောဇဉ်တွယ်မိပြီး ချစ်ကြိုက်မိသွားခဲ့ကြတယ်။ ဒီလိုအခြေအနေမှာ ကျဉ်းမြောင်းတဲ့ ရှေးရိုးဆန်တဲ့ မြို့ငယ်လေးမှာ သမားရိုးကျမဟုတ်တဲ့ အမျိုးသမီးချင်း ချစ်ကြိုက်နေကြတဲ့ ဒီသတင်းက တစထက်တစ ပျံ့နှံ့သွားခဲ့ပြီး အစဉ်အလာကို ချိုးဖောက်သူတွေအဖြစ် အားလုံးရဲ့ ဝိုင်းကြဉ်မှုတွေ ခံရချိန်မှာ ဘာတွေဆက်ဖြစ်လာမလဲ။ ဒီဒဏ်တွေကိုရော လူမမယ်ကလေးဖြစ်တဲ့ သားငယ်လေးက ဘယ်လိုရင်ဆိုင်ရမလဲ ဆိုတာတွေကို စိတ်ဝင်စားစရာ ဇာတ်လမ်းတပုဒ်အနေနဲ့ ရှုစားကြရမှာ ဖြစ်ပါတယ်။ ဒီကားထဲမှာတော့ ဟောလိဝုဒ်သရုပ်ဆောင် မင်းသမီး ၂ ဦးဖြစ်တဲ့ Anna Paquin နဲ့ Holliday Grainger တို့က ခေါင်းဆောင်ပါဝင်ထားကြပြီး တခြားသရုပ်ဆောင်တွေဖြစ်ကြတဲ့  Gregor Selkirk၊ Kate Dickie တို့လည်း ပါဝင်ထားကြတာပါ။ ဒီရုပ်ရှင်ကားကို နာမည်ကြီး ရုပ်ရှင်ပွဲတော်တခုဖြစ်တဲ့ Toronto International Film Festival မှာ ပြီးခဲ့တဲ့နှစ် စက်တင်ဘာလက ပြသခဲ့ပြီး ချီးကျူးမှုတွေလည်း ရရှိထားတဲ့ ရုပ်ရှင်ကားတကား ဖြစ်ပါတယ်။ ကြာမြင့်ချိန် ၁၀၆ မိနစ်ရှိတဲ့ ဒီကားထဲမှာ ပါဝင်တဲ့ တချို့ဇာတ်ဝင်ခန်း မြင်ကွင်းတွေ၊ ပြကွင်းပြကွက်တွေ၊ ပြောစကား ဒိုင်ယာလော့ခ်တွေက အသက် ၁၇ နှစ်အောက် ကလေးငယ်တွေ ကြည့်ဖို့ မသင့်တော်တာမို့ ဒီကားကို ကြည့်မယ်ဆိုရင်တော့ မိဘအုပ်ထိန်းသူ ခွင့်ပြုချက်နဲ့မှ ကြည့်ရှုသင့်တဲ့ TV-MA အဆင့် သတ်မှတ်ထားပါတယ်။
2 years Ago
More News
Up