လာအို

July 31, 2021

လာအိုနိုင်ငံရောက် မြန်မာရွှေ့ပြောင်းလုပ်သားများ နေရပ်ပြန်ခွင့်မရဘဲ အခက်တွေ့နေ

ရွှေတြိဂံဒေသ လာအိုနိုင်ငံကနေ  နေရပ်ပြန်လိုတဲ့ မြန်မာအလုပ်သမားတွေကို မြန်မာအာဏာပိုင်တွေက ပြန်လည်ခေါ်ယူနေပေမယ့် လာအိုဘက်က ကိုဗစ်အကြောင်းပြပြီး အပြည့်အဝပြန် ခွင့်မပေးလို့  ရွေ့ပြောင်းမြန်မာအလုပ်သမားတွေ အခက်တွေ့နေကြပါတယ်။

ထိုင်း၊ မြန်မာ၊ လာအို ရွှေတြိဂံဧရိယာအတွင်းက လာအိုနိုင်ငံအပိုင် China Town ကာစီနိုစီးပွားရေးဇုန်မှာ အလုပ်လုပ်ကိုင်နေတဲ့ ရွှေ့ပြောင်းမြန်မာအလုပ်သမားတွေဟာ ကိုဗစ်-၁၉ ကြောင့် လုပ်ငန်းခွင်တွေပိတ်ထားရပြီး ၃ လလောက် အလုပ်လက်မဲ့ အခက်အခဲတွေဖြစ်နေကြတာပါ။

အခုအခါ မြန်မာအာဏာပိုင်တွေအနေနဲ့ အခက်အခဲတွေ့နေပြီး နေရပ်ပြန်လိုတဲ့ မြန်မာအလုပ်သမားတွေကို ဇူလိုင် ၃၀ ရက်နေ့က ပထမအသုတ်အနေနဲ့ လူဦးရေ ၁၀၀ ပြန်လည်ခေါ်ယူဖို့ ပြင်ဆင်ထားပေမယ့် ကိုဗစ်ကူးစက်ခံသံသယရှိသူ အယောက်  ၃၀ ဝန်းကျင်သာ ပြန်လည်လွှဲပြောင်းပေးခဲ့ပါတယ်။

လာအိုနိုင်ငံအတွင်းက မြန်မာတွေစုဝေးနေထိုင်နေတဲ့ ရခိုင်ရွာက လူတစ်ဦးက  “သူတို့အကြောင်းပြတာကတော့ ရောဂါကူးခံထားရတယ်လို့ပြောတာပဲ။ ဒါပေမဲ့ အဲ့လူတွေက လူကောင်းကြီးတွေပါ ဘာရောဂါလက္ခဏာမှလဲ မပြပါဘူး၊ အဓိကတော့ သူတို့ကို ကိုဗစ်စစ်ခ ယွမ်ငွေ ၂၀၀ အပြင် နေထိုင်စားရိတ်တို့၊ အိမ်ထောင်စုလုပ်ခတို့ကို သက်ဆိုင်ရာ လုပ်ငန်းရှင်တွေနားက ငွေပြန်ညစ်ဖို့ မပို့တာလို့ မြန်မာအများစုက ယုံကြည်နေကြတယ်၊ လာအိုဘက်မှာလဲ အစားအသောက်အတော်ဒုက္ခရောက်နေပြီ တချို့က ငတ်တဲ့အထိတောင် ဖြစ်တာတွေရှိတယ်။” လို့ ပြောပါတယ်။

လာအိုနိုင်ငံအတွင်း မြန်မာတွေမှာ ရောဂါကူးစက်ခံရတာတွေရှိနေပေမယ့် ရောဂါပြင်းထန်တဲ့ လက္ခာဏာမတွေ့ရဘူးလို့ ဆိုပါတယ်၊ အများစုက ဆေးဝါးရရှိဖို့ မလွယ်ကူတဲ့အတွက် ဒီအတိုင်းပြန်လည်ပျောက်ကင်းသွားကြပြီး တရုတ်နိုင်ငံသားတွေနေတဲ့ ဟိုတယ်တွေထဲမှာတော့ အသက်သေဆုံးတာတွေရှိခဲ့တယ်လို့ သတင်းတွေထွက်နေပါတယ်။

အခုအခါမှာတော့ ကာစီနိုဇုန်ဖြစ်တဲ့ China Town အပါအဝင် မြန်မာတွေနေထိုင်တဲ့ ရခိုင်ရွာကိုလည်း Lock Down ချထားလို့  အစားအသောက်အတွက် အခက်အခဲဖြစ်နေကြတယ်လို့ဆိုပါတယ်။

မြန်မာတွေကိုတော့ လာအိုကာစီနိုဇုန်ကနေ အစားအသောက်အတွက် ဆန်၊ ဆီ၊ ဆားဝေငှတာရှိပေမယ့် တခြားအစားအသောက်နဲ့ ဆေးဝါးတော့ အပြည့်အဝ မပေးဘူးလို့ သိရပါတယ်။

China Town ကာစီနိုဧရိယာကို တရုတ်စီးပွားရေးလုပ်ငန်းရှင်တွေက နှစ် ၁၀၀ စာချုပ်နဲ့ ငှါးရမ်းလုပ်ကိုင်နေတာဖြစ်ပြီး ရွေ့ပြောင်းမြန်မာအလုပ်သမား သောင်းနဲ့ချီ သွားရောက်အလုပ်လုပ်ကိုင်နေကြပါတယ်။

4 mins Ago

December 25, 2020

ကိုဗစ်-၁၉ ကူးစက်ပျံ့နှံ့ကြောင့် ထိုင်းပင်လယ်စာတင်သွင်းမှု လာအိုယာယီပိတ်ပင်

စမွတ်စာခွန်းပင်လယ်စာဈေးမှာ ကိုဗစ်-၁၉ ကူးစက်ပျံ့နှံ့မှုတွေ ရှိနေတာကြောင့် ထိုင်းနိုင်ငံက ပင်လယ်စာတွေ တင်ပို့မှုကို လာအိုက ယာယီပိတ်ပင်လိုက်ပါတယ်။ နိုင်ငံတွင်း ကိုဗစ်-၁၉ ကူးစက်ပျံ့နှံ့မှုကို ကာကွယ်နိုင်ဖို့အတွက် လာအိုနိုင်ငံ စက်မှုလက်မှုနဲ့ ကူးသန်းရောင်းဝယ်ရေးဝန်ကြီးဌာနက ဒီဇင်ဘာ ၂၃ ရက်က ခုလိုဆုံးဖြတ်လိုက်တာလို့ သည်နေးရှင်းသတင်းမှာ ဖော်ပြပါတယ်။  လတ်တလောမှာတော့ ဒီယာယီဆုံးဖြတ်ချက်အရ ထိုင်း-လာအို ၂ နိုင်ငံကြား ကူး သန်းရောင်းဝယ်မှု ပြုလုပ်နေတဲ့ ထုတ်ကုန်တွေကို ဘေးအန္တရာယ်ကင်းရှင်းပြီး ရောဂါပိုး ကင်းစင်မှသာ ဆက်လက်ပြီး လုပ်ဆောင်နိုင်မယ်လို့ ဆိုပါတယ်။ လာအိုနိုင်ငံအနေနဲ့ ထိုင်းနိုင်ငံမှာ လက်ရှိဖြစ်ပွားနေတဲ့ ကိုဗစ်-၁၉ ကူးစက်ပျံ့နှံ့မှု အန္တရာယ်ကြောင့် နိုင်ငံတွင်း ဆက်လက်ကူးစက်ပျံ့နှံ့လာနိုင်ချေရှိတာကို ကာကွယ်နိုင်ဖို့ ပြီးခဲ့တဲ့ ဒီဇင်ဘာ ၂၂ ရက်ကတည်းက အသိပညာပေးမြှင့်တင်မှုတွေ လုပ်ဆောင်တာတွေ၊ ကွာရန်တင်းစင်တာတွေ အသင့်ပြင်ဆင်ထားတာမျိုးတွေလည်း လုပ်ဆောင်ထားခဲ့တာပါ။ လက်ရှိအချိန်ထိ လာအိုနိုင်ငံမှာ ကိုဗစ်-၁၉ ရောဂါကူးစက်ခံရသူအရေအတွက်ဟာ ၄၁ ယောက်သာရှိနေပြီး သေဆုံးသူ လုံး၀ မရှိသေးပါဘူး။ ထိုင်းနိုင်ငံကတော့ လတ်တလောမှာ ရောဂါကူးစက်ခံရသူအရေအတွက်ဟာ ၅,၈၂၉ ယောက်အထိ တိုးလာနေခဲ့ပြီး သေဆုံးသူ အယောက် ၆၀ ရှိနေတာ ဖြစ်ပါတယ်။
7 months Ago
More News
Up