လာလီဂါ

September 28, 2021

အာဆင်နယ်ပစ်မှတ် တိုက်စစ်မှူး အမ်နက်ဆီရီအတွက် ပေါင်သန်း ၄၀ ခန့် ဆီဗီလာ သတ်မှတ်

စပိန် လာလီဂါကလပ် ဆီဗီလာအသင်းဟာ အာဆင်နယ်က ခေါ်ယူလိုနေတဲ့တိုက်စစ်မှူး အမ်နက်ဆီရီ အတွက် စတာလင်ပေါင်သန်း ၄၀ နီးပါးစျေးနှုန်းသတ်မှတ်ထားပါတယ်။

အာဆင်နယ်အသင်းဟာ ရာသီအကုန်မှာ စာချုပ်သက်တမ်းကုန်ဆုံးမယ့် တိုက်စစ်မှူး လာကာဇက်နေရာကို အစားထိုးဖို့အတွက် ဆီဗီလာက မော်ရိုကိုတိုက်စစ်မှူး အမ်နက်ဆီရီကို ပစ်မှတ်ထားနေတာပါ။

အသက် ၂၄ နှစ်ရှိ တိုက်စစ်မှူးဟာ  မနှစ်က လီဟီနက်ဇ်အသင်းကနေ ပေါင် ၁၇ သန်းနဲ့ ဆီဗီလာအသင်းဆီပြောင်းရွှေ့လာခဲ့တာပါ။ 

ဆီဗီလာအတွက်စုစုပေါင်း ၈၅ ပွဲမှာ ၃၃ ဂိုးသွင်းယူထားတဲ့ အမ်နက်ဆီရီကို ဆီဗီလာအသင်းက ပေါင် ၃၈ သန်းခွဲသတ်မှတ်ထားတယ်လို့ စပိန်မီဒီယာ မန်ဒိုဒီပို့တီဗိုက ဖော်ပြခဲ့ပါတယ်။ 

၂၀၂၅ ခုနှစ်အထိ စာချုပ်သက်တမ်းကျန်ရှိနေသေးပြီး အာဆင်နယ်အသင်းအနေနဲ့ ဆီဗီလာရဲ့စျေးနှုန်းအပေါ် ဆွေးနွေးသွားရဖို့ရှိနေပါတယ်။ ပြင်သစ်တိုက်စစ်မှူး လာကာဇက်ကို တော့ ဘာစီလိုနာနဲ့ အက်သလက်တီကို မက်ဒရစ်အသင်းတွေကခေါ်ယူဖို့ စိတ်ဝင်စားခဲ့ဖူးပါတယ်။

2 months Ago

January 31, 2021

တစ်ယောက် ထုတ်ခံရပြီး အိမ်ကွင်း ရှုံးပွဲကြုံတွေ့ခဲ့သည့် ရီးရဲလ်မက်ဒရစ်

စနေနေ့မှာ ကစားခဲ့တဲ့ လီဗန်တေးနဲ့ ပွဲစဉ်မှာ ရှုံးနိမ့်ခဲ့တာကြောင့် ရီးရဲလ်မက်ဒရစ်အသင်းဟာ လာလီဂါ အမှတ်ပေးဇယားကို ဦးဆောင်နေတဲ့ အက်သလက်တီကိုအသင်းနဲ့ ၇ မှတ်အကွာ အနေအထားကို ရောက်ရှိသွားခဲ့ပါတယ်။

ဒီပွဲမှာ ရီးရဲလ်အသင်းဟာ ပွဲအစမှာကတည်းက တစ်ယောက်လျော့ခဲ့တာဖြစ်ပြီး ၂ ဂိုး ၁ ဂိုးနဲ့ ရှုံးနိမ့်ခဲ့တာ ဖြစ်ပါတယ်။ 

ရီးရဲလ် နောက်ခံလူ မီလီတိုဟာ ပွဲအစ ၉ မိနစ်မှာကတည်းက အထုတ်ခံခဲ့ရတာဖြစ်ပေမယ့် သူ အထုတ်ခံရပြီး မိနစ်အနည်းငယ်အကြာမှာ အဆန်စီယိုက အသင်းအတွက် ဦးဆောင်ဂိုးကို သွင်းယူပေးခဲ့ပါတယ်။

မော်ရာလက်စ်က လီဗန်တေးအတွက် ချေပဂိုးသွင်းယူပေးခဲ့ပြီး ပွဲပြီးခါနီး ၁၂ မိနစ်အလိုမှာ မာတီကလီ ဗန်တေးအတွက် အနိုင်ဂိုးကို သွင်းယူပေးခဲ့ပါတယ်။ 

လက်ရှိအချိန်မှာ လာလီဂါအမှတ်ပေးဇယားကို တီကိုအသင်းက ဦးဆောင်နေပြီး ရီးရဲလ်ဟာ တီကိုထက် ၂ ပွဲပိုကစားထားပါတယ်။ 

ကိုရိုနာဗိုင်းရပ်စ် ကူးစက်ခံရမှုကြောင့် အလာဗတ်စ်အသင်းကို ၄ ဂိုး ၁ ဂိုးနဲ့ နိုင်ခဲ့တဲ့ပွဲကို လွဲချော်ခဲ့ရသူ ရီးရဲလ်အသင်း နည်းပြဇီဒန်းဟာ လီဗန်တေးနဲ့ပွဲမှာ ပြန်လည်ကြီးကြပ်နိုင်ခဲ့ပြီ ဖြစ်ပါတယ်။

အသင်းခေါင်းဆောင် နောက်ခံလူ ရာမို့စ် ဒဏ်ရာပြဿနာရှိနေတာကြောင့် လီဗန်တေးနဲ့ပွဲမှာ ဇီဒန်းဟာ ဗာရာနီနဲ့ မီလီတိုတို့ကို အသုံးပြုခဲ့ပေမယ့် ဒီအတွဲဟာ ကွင်းထဲမှာ ၁၀ မိနစ်လောက်သာ တွဲဖက်ကစားခဲ့ရပါတယ်။

ပင်နယ်တီဧရိယာပြင်ပမှာ ပြိုင်ဘက်ကစားသမားတစ်ဦးကို ကစားပုံကြမ်းခဲ့တာကြောင့် မီလီတိုဟာ ကနဦး အဝါကတ်သာပြခံခဲ့ရပေမယ့် VAR ပြန်လည်ကြည့်ရှုပြီးချိန်မှာတော့ ဂိုးသွင်းနိုင်မယ့် အခွင့်အရေးကို တားဆီးခဲ့တဲ့အတွက် တိုက်ရိုက်အနီကတ်ပြခံခဲ့ရပါတယ်။ 

အနီကတ်ပြခံရပြီးပြီးချင်း အဆန်စီယိုက ဂိုးသွင်းခဲ့တာကြောင့် ရီးရဲလ်အသင်းဟာ အနိုင်ရရှိသွားမယ်လို့ ယူဆခဲ့ကြပေမယ့် မာတီရဲ့ပင်နယ်တီကို ကော်တွိုက်ကာ ကွယ်နိုင်ခဲ့လို့သာ ၃ ဂိုးမဖြစ်ခဲ့တာပါ။ 

ဒါဟာ ရီးရဲလ်အသင်းအတွက် လာလီဂါနောက်ဆုံး ၁၀ ပွဲအတွင်း ပထမ ဆုံးရှုံးပွဲလည်း ဖြစ်ပါတယ်။ 

ရီးရဲလ်အသင်းဟာ ကိုပါဒယ်လ်ရေးပြိုင်ပွဲမှာ တတိယတန်းကလပ် အယ်လ်ကိုယာနိုကို ရှုံးနိမ့်ကာ ပြိုင်ပွဲကနေ ထွက်ခွာခဲ့ရပြီးဖြစ်တာကြောင့် ဒီနေ့အရှုံးက နည်းပြဇီဒန်းအတွက် ဖိအားတွေကို ထပ်များစေခဲ့ပြီ ဖြစ်ပါတယ်။

10 months Ago
More News
Up