လက်လုပ်မိုင်းကွဲ

June 22, 2021

မန္တလေး၌ ပစ်ခတ်မှုဖြစ်ပြီးနောက် လက်လုပ်မိုင်းများကွဲ၊ စစ်တပ်က သံချပ်ကာကားများဖြင့်လှည့်နေ

မန္တလေးမြို့မှာ ဇွန်လ ၂၂ ရက် ဒီမနက် ၈ နာရီလောက်က အပြန်အလှန်ပစ်ခတ်မှုဖြစ်ပြီးနောက် နေရာတော်တော်များများမှာ လက်လုပ်မိုင်းတွေပေါက်ကွဲနေပြီး  စစ်တပ်က သံချပ်ကာ ကားတွေနဲ့ပါ လှည့်နေကြပါတယ်။

ချမ်းမြသာစည်မြို့နယ် ၅၄ လမ်း၊ ၁၁၁ လမ်း နဲ့ ၁၁၂ လမ်းဘက်မှာ ပစ်ခတ်မှုတွေဖြစ်ပြီး ရဲစခန်း အနီးနဲ့စစ်ကောင်စီတပ်တွေ ကင်းပုန်းချရာနေရာ အနီးတွေမှာ လက်လုပ်ဗုံးပေါက်ခဲ့တာဖြစ်ပါတယ်။

ပြည်ကြီးတံခွန် အဆင့်မြင့်ရဲစခန်းအနီး ၊ မဟာအောင်မြေမြို့နယ် အမှတ် (၉) ရဲစခန်း အနီးတို့မှာ လက်လုပ်ဗုံးပေါက်ကွဲခဲ့ပါတယ်။

ဒါ့အပြင် ပစ်ခတ်မှုတွေဖြစ်ပြီးနောက် စစ်ကောင်စီရဲ့ အကြမ်းဖက်လက်နက်ကိုင်တွေ သံချပ်ကာကားတွေနဲ့ပါ လှည့်လည်နေတဲ့အတွက်  လမ်းမတချို့မှာ ကားတာယာမီးရှို့တား ဆီးတာတွေ လုပ်ထားကြပါတယ်။

အာဏာသိမ်းစစ်ကောင်စီရဲ့ အကြမ်းဖက်လက်နက်ကိုင်တွေရဲ့ ပစ်ခတ်မှုကြောင့်လည်း အပြစ်မဲ့ အရပ်သားတွေ သေနတ်မှန်တာရှိတယ်လို့ သိရပါတယ်။

3 months Ago

April 30, 2021

မန္တလေးခရိုင်တရားရုံးအနီး တရားရေး ၀န်ထမ်းအိမ်ရာတွင် လက်လုပ်မိုင်းကွဲ

မန္တလေးမြို့ ချမ်းအေးသာစံမြို့နယ် ၆၄ လမ်း နဲ့ ၆၅ လမ်းကြား၊ ၃၃ လမ်းနဲ့ ၃၄ လမ်းကြားရှိ မန္တလေးခရိုင်တရားရုံးအနီးက တရားရေး ၀န်ထမ်းအိမ်ရာဝင်းအတွင်းမှာ ဧပြီ ၃၀ ရက်နေ့ မနက်ပိုင်းက လက်လုပ်မိုင်းပေါက်ကွဲမှု ဖြစ်ခဲ့ပါတယ်။

ဆိုင်ကယ်နဲ့ လာရောက်ပစ်သွားတာဖြစ်ပြီး ပေါက်ကွဲမှုကြောင့် ထိခိုက်ဒဏ်ရာရသူလည်း မရှိဘူးလို့ သိရပါတယ်။

မန္တလေးမြို့မှာ အခုရက်ပိုင်းအတွင်း လက်လုပ်မိုင်းကွဲတာ မကြာခဏ ဖြစ်နေပြီး ဧပြီ ၂၉ ရက်နေ့ကလည်း စည်ပင်ဝန်ထမ်းအိမ်ရာမှာ လက်လုပ်မိုင်းကွဲခဲ့ပါသေးတယ်။

5 months Ago
Up