ရှမ်းအမျိုးသမီးခေါင်းဆောင်

June 9, 2021

သီပေါ၊ ၀မ်လီ့ကျေးရွာ ရှမ်းအမျိုးသမီးခေါင်းဆောင်အပါအဝင် ၄ ဦးကို SSPP/SSA ကဖမ်းဆီး

ရှမ်းပြည်နယ်မြောက်ပိုင်း၊ သီပေါမြို့နယ်၊ ၀မ်လီ့ကျေးရွာနေ ရှမ်းအမျိုးသမီး ခေါင်းဆောင်အပါအ၀င် အမျိုးသမီး ၂ ဦးနဲ့ အမျိုးသား ၂ ဦးကို ရှမ်းပြည်တိုးတက်ရေးပါတီ-ရှမ်းပြည်တပ်မတော် (SSPP/SSA)တပ်ဖွဲ့က ဇွန်လ ၈ ရက်မနက်က လာရောက်ဖမ်းဆီးသွားကြောင်း မျက်မြင်သက်သေတွေက ပြောပါတယ်။

နယ်မြေခံ SSPP/SSA တပ်ဖွဲ့၀င်တွေက ကား ၄ စီးနဲ့ ရောက်လာပြီး တချိန်တည်း လာရောက်ဖမ်းဆီးခဲ့တာဖြစ်ပြီး ဖမ်းဆီးခံရတဲ့ ရွာသား ၄ ယောက်ဟာ  RCSS/SSA တပ်ဖွဲ့နဲ့ နီးစပ်သူတွေ ဖြစ်တယ်လို့လည်း ဆိုကြပါတယ်။ 

လတ်တလော SSPP/SSA တပ်ဖွဲ့နဲ့ RCSS/ SSA ရှမ်းလက်နက်ကိုင်တပ်ဖွဲ့နှစ်ဖွဲ့အကြား ပိုင်နက်နယ်‌‌မြေ အငြင်းပွားမှုနဲ့ ပတ်သက်ပြီးပစ်ခတ်တိုက်ခိုက်မှုတွေ ရှိနေကာ နှစ်ဖက်ဝန်းရံထောက်ခံသူတွေကို အပြန်အလှန်ဖမ်း‌ဆီးမှုတွေလည်း ရှိခဲ့ပါတယ်။

ဖမ်းဆီးခံရသူတွေ နေရပ်ပြန်ရောက်လာနိုင်သူ‌တွေရှိသလို အပြီးတိုင်နေအိမ်နဲ့ ခွဲခွာသွားရသူတွေလည်း ရှိပါတယ်။

SSPP/SSA နဲ့ RCSS/SSA တပ်တွေကြား လက်ရှိဖြစ်ပွားနေတဲ့ ကျေးသီးမြို့နယ် အတွင်းက တိုက်ပွဲ‌ကြောင့် ပြည်သူလူထု  ၁၀၀၀ လောက် စစ်ဘေးတိမ်းရှောင်နေရပါတယ်။

2 months Ago
Up