ရွှေ့ပြောင်းနေထိုင်သူ

January 10, 2021

အမေရိကန်သွားမည့် ရွှေ့ပြောင်းနေထိုင်သူများကို ဟန်းတားရန် ဂွါတီမာလာနှင့် ဟွန်ဒူးရပ်စ် တပ်ချ ထား

အမေရိကန်နိုင်ငံဆီကို သွားမယ့် ရွှေ့ပြောင်းနေထိုင်သူတွေရဲ့ ယာဉ်တန်းသစ်တွေကို ဟန့်တားဖို့ ဂွါတီမာလာ နဲ့ ဟွန်ဒူးရပ်စ် နိုင်ငံတွေက စစ်သားတွေကို တပ်ချထားရပါတယ်။  နဂိုတည်းက ဆင်းရဲတဲ့ ဗဟိုအမေရိက ဒေသဟာ မနှစ်က နှောင်းပိုင်းမှာ ဝင်ရောက် တိုက်ခတ်ခဲ့တဲ့ ဟာရီကိန်း မုန်တိုင်း ၂ ရပ်အပြင် ကိုဗစ်-၁၉ ကပ်ရောဂါကြောင့် စီးပွားရေး ဆိုးဆိုးရွားရွား ကျဆင်းနေပြီး အငတ်ဘေး ဆိုက်လုနီးပါး ဖြစ်နေတာပါ။ ဒါကြောင့် ဒေသထဲက သန်းချီတဲ့ လူတွေဟာ မက်ဆီကိုနိုင်ငံကို ဖြတ်သန်းပြီး အမေရိကန်ကို သွားဖို့ ကြိုးစားတာတွေ ပိုတိုးလာနေပါတယ်။  ဂွါတီမာလာနိုင်ငံမြောက်ပိုင်း မက်ဆီကို နယ်စပ်မြို့ တာပါချူလာကတော့ လူသားချင်း စာနာမှုဆိုင်ရာ ပြည်ဝင်ခွင့်ပေးဖို့ အရာရှိတွေကို မေတ္တာရပ်ခံခဲ့တဲ့ ရွှေ့ပြောင်းနေထိုင်သူတွေ အောင်အောင်မြင်မြင် ဖြတ်ကျော် ဝင်ရောက်နိုင်ရေး ကဖျက်ယဖျက် လုပ်ခဲ့တာပါ။  ရွှေ့ပြောင်းနေထိုင်သူတွေကတော့ အဖြေပေးတာ လိုချင်တယ်လို့ ဟစ်အော်ခဲ့ကြပါတယ်။  မက်ဆီကန် စစ်သည်တွေကလည်း အဓိကရုဏ်းနှိမ်နင်းရေး ဝတ်စုံပြည့်ဝတ်ထားပြီး အနားမှာ ရပ်နေပါတယ်။  လမ်းပေါ်မှာ စုဝေးနေပြီး ယာဉ်ကြောကို ပိတ်ထားတဲ့ ရွှေ့ပြောင်းနေထိုင်သူတွေကို လူစုခွဲဖို့ လူဝင်မှု ကြီးကြပ်ရေး အရာရှိတွေက အမိန့်ပေးခဲ့ပါတယ်။  မနှစ်က အမေရိကန်သမ္မတ ဒေါ်နယ်ထရမ့်ဆီက ဖိအားတွေ တိုးလာချိန်မှာ မက်ဆီကို အစိုးရဟာ စစ်တပ်ပုံစံ အမျိုးသား အစောင့်ရဲတပ်ဖွဲ့ကို နိုင်ငံတောင်ပိုင်းနဲ့ မြောက်ပိုင်း နယ်စပ်တွေမှာ စောင့်ကြပ်ရင်း အထောက်အထားမဲ့ ရွှေ့ပြောင်းနေထိုင်သူတွေကို စည်းကမ်းနဲ့ အညီ ထိန်းသိမ်းဖို့ အခွင့်အာဏာပေးခဲ့ရပါတယ်။
4 months Ago

December 19, 2020

ရန်ကုန်တိုင်းအတွင်း ရွှေ့ပြောင်းနေထိုင်သူများ၏ လူမှုဘ၀အခြေအနေ အရေးပေါ်စစ်တမ်းကောက်

ရန်ကုန်တိုင်းအတွင်း ရွှေ့ပြောင်းနေထိုင် လုပ်ကိုင်သူအများဆုံး ရှိနိုင်တဲ့ မြို့နယ် ၁ဝ မြို့နယ် အတွင်းက ရွှေ့ပြောင်းနေထိုင်သူ အိမ်ထောင်စုပေါင်း ၅၀၀ နဲ့ စက်ရုံ အလုပ်ရုံပေါင်း ၂၀၀ က ရွှေ့ပြောင်းလုပ်သား ၂၀၀၀ ဦးရဲ့ လူနေမှုဘ၀ ရပ်တည်နေထိုင်ရေး အခြေအနေတွေကို အရေးပေါ်စစ်တမ်း ကောက်ခံနေပါတယ်။ ဒီစစ်တမ်းဟာ နယ်မြို့နယ်တွေကနေ ရန်ကုန်မြို့ကို ရွှေ့ပြောင်းနေထိုင်နေတဲ့ ရွှေ့ပြောင်းစာရင်းကို သိရှိဖို့နဲ့ ကိုဗစ်ကာလ လူနေမှုဘ၀အခြေအနေကို သိရှိနိုင်ဖို့ အချိန် ၃ ရက်အတွင်း အရေးပေါ်ကောက်ခံတာ ဖြစ်တယ်လို့ စစ်တမ်းကို ဦးဆောင်ကောက်ခံနေတဲ့ ရန်ကုန်တိုင်း အလုပ်သမားညွှန်ကြားရေးဦးစီးဌာနက သိရပါတယ်။ ဒီစစ်တမ်းကို mobile tablet စနစ် အသုံးပြုပြီး မေးခွန်းပေါင်း အခု ၃၀ ကျော်ကို မေးမြန်းကောက်ခံတာ ဖြစ်ပါတယ်။ ဒီလိုကောက်ခံမှုအရ အစိုးရကပေးတဲ့ ကိုဗစ်ထောက်ပံ့ငွေကြေးကို ရရှိခြင်း ရှိ၊ မရှိနဲ့ လက်ရှိ နေထိုင်မှု အခြေအနေတွေ၊ ပြန်လည်ရွှေ့ပြောင်းဖို့ ရှိ၊ မရှိနဲ့ အခြေတကျ နေထိုင်မယ့် အခြေအနေတွေ၊ အလုပ်လုပ်နေရင်း ရရှိတဲ့ အကျိုးခံစားခွင့်၊ လက်ရှိရရှိနေတဲ့ ကိုဗစ်ကာလ လုပ်ခလစာရရှိမှု အခြေအနေ ကွာဟချက် စတဲ့ မေးခွန်းအချက်အလက်တွေ ပါဝင်တယ်လို့ သိရပါတယ်။  သတင်း - ဇာခြည်
5 months Ago
More News
Up