ရဲတပ်ဖွဲ့ဝင်

November 22, 2021

ဗန်းမော်မြို့တွင် ရဲတပ်ဖွဲ့ဝင် ၁ ဦး ပစ်ခတ်ခံရ

ကချင်ပြည်နယ်၊ ဗန်းမော်မြို့ရှိ အထက ၁ နဲ့ အထက၂ ကျောင်းလမ်းဆုံအနီးမှာ နိုဝင်ဘာ ၂၂ရက် မနက် ၉ နာရီလေက်က ဆိုင်ကယ်မောင်းလာတဲ့ ရဲတယောက်ကို  ဆိုင်ကယ်စီးလူ ၂ ယောက်က ပစ်ခတ်ခဲ့ပါတယ်။

“သေနတ် ၇ ချက်လောက်ပစ်ဖောက်သွားတာ၊ အဲလမ်းဆုံက လူသွားလူလာများတယ်။ အဲဒီ ရဲတော်တော်ထိသွားတာ၊ သွေးတွေနဲ့၊ စစ်ကောင်စီနဲ့ ရဲတွေ လာတင်သွားကြတယ်။ အဲလမ်းဆုံက ကင်းတဲမှာ စစ်ကောင်စီနဲ့ ရဲတချို့ မကြာခဏလာစောင့်ကြတယ်”လို့ မြို့ခံတစ်ဦးကပြောပါတယ်။

ကျည်ဆန်ထိမှန်သွားတဲ့  ရဲတပ်ဖွဲ့ဝင်ရဲ့ ဒဏ်ရာ အခြေအနေကိုတော့ မသိရသေးဘဲ ရဲတွေနဲ့ စစ်တပ်က  မီးပွိုင့်တွေမှာ ဖြတ်သန်းသွာလာသူ မှန်သမျှကို စစ်ဆေးနေပါတယ်။

နိုဝင်ဘာလဆန်းပိုင်း ၁၄ ရက်နေ့ညပိုင်းကလည်း ဗန်းမော်မြို့ ရှိ ပရဟိတကန်နဲ့ စကခ ၂၁ ဂိတ်အနီး စစ်ကားတစ်စီး မိုင်းဆွဲတိုက်ခိုက်ခံရတာကြောင့် စစ်ကောင်စီဝင်တချို့ ထိခိုက်ဒဏ်ရာရရှိခဲ့ပါတယ်။

7 days Ago

November 16, 2021

ဗြိတိန်တော်ဝင်မျိုးနွယ် ၁ ဦး သေဆုံးမှုအတွက် ကင်ညာ ရဲတပ်ဖွဲ့ဝင် ၄ ဦးကို ထောင်ဒဏ်ချမှတ်

ဗြိတိန်တော်ဝင်မျိုးနွယ်တယောက်ရဲ့ သားသေဆုံးမှုအတွက် ကင်ညာနိုင်ငံက ရဲတပ်ဖွဲ့ဝင် ၄ ယောက်ကို ကင်ညာတရားရုံးချုပ်က နိုဝင်ဘာ ၁၅ ရက်မှာ ထောင်ဒဏ် ချမှတ်လိုက်ပါတယ်။

ဗြိတိန်တော်ဝင်မျိုးနွယ်ဟာ ၂၀၁၂ ခုနှစ်က ကင်ညာနိုင်ငံ ဒီယာနီကမ်းခြေမြို့က ရဲအချုပ်ခန်းထဲမှာ သေဆုံးခဲ့တာပါ။

အရှေ့အာဖရိကနိုင်ငံက ရဲတွေရဲ့ ရက်စက်မှုကို ထင်ရှားစေတဲ့ ဒီအမှုအတွက် တရားသူကြီး အဲရစ်ခ် အိုဂိုလာက မွမ်ဘာဆာ ကမ်းရိုးတန်းမြို့မှာ စီရင်ချက်ချခဲ့ပါတယ်။ ရဲ ၄ ယောက်လုံးဟာ စီရင်ချက်ကို ကြေညာပြီးချိန်မှာ ခေါင်းငိုက်စိုက်ကျနေခဲ့ပြီး တယောက်ကတော့ တိတ်တိတ် ငိုခဲ့တယ်လို့ ရိုက်တာသတင်းဌာနက ဖော်ပြပါတယ်။

ချေ့ဂ်ဟာ ထောင်ဒဏ် ၁၅ နှစ် ပြစ်ဒဏ် ချမှတ်ခံရပြီး ထောင်ဒဏ် ၅ နှစ်ကို ဆိုင်းငံ့ထားပါတယ်။ မန်ယိရိကတော့ ထောင်ဒဏ် ၁၂ နှစ် ကျခံရပြီး ထောင်ဒဏ် ၆ နှစ်ကို ဆိုင်းငံ့ထားပါတယ်။ ဘူလူမာကတော့ ထောင်ဒဏ် ၉ နှစ် ချမှတ်ခံရပြီး ၅ နှစ်ကို ဆိုင်းငံ့ထားပါတယ်။ ပမ်ဘာကတော့ ထောင်ဒဏ် ၁၂ နှစ် ကျခံရပြီး ၆ နှစ်ကို ဆိုင်းငံ့ထားပါတယ်။

ကင်ညာနိုင်ငံ မွမ်ဘာဆာမြို့နားက ဒီယာနီမြို့မှာ ညဘက် လည်ပတ်ရင်း ဆေးခြောက်ရှူမှုနဲ့ ရဲတွေ ဖမ်းဆီးတာ ခံရအပြီး အသက် ၂၈ နှစ်အရွယ် မွန်ဆွန်ကို ရဲအချုပ်ခန်းထဲမှာ သေဆုံးလျက်သား တွေ့ရတာပါ။

သူဟာ ၁၂ ယောက်မြောက် ဘာရွန်မွန်ဆွန်ရဲ့ သားဖြစ်ပြီး အရှေ့အင်္ဂလန်ရဲ့ လင်ကွန်းရှိုင်းယား မိသားစု အမွေခံလည်း ဖြစ်ပါတယ်။

တရားစီရင်ချက်ကို ကြေညာချိန်မှာ သေဆုံးသူရဲ့ ဖခင်လည်း တရားရုံး ခန်းမထဲမှာ ရှိနေခဲ့တယ်လို့ ရိုက်တာက ဖော်ပြပါတယ်။

ကင်ညာအစိုးရရဲ့ မှုခင်းဆေးပညာရှင်က ရေးသားတဲ့ အစီရင်ခံစာ ၂ စောင်ထဲမှာ မွန်ဆွန်ဟာ ခေါင်းကို ပြင်းပြင်းထန်ထန် ထိုးနှက်ခံရအပြီး သေဆုံးတာလို့ ဖော်ပြထားပါတယ်။ ဖြစ်ရပ်ကို ဖုံးကွယ်ဖို့ ကြိုးစားပြီး မျက်မြင်သက်သေတွေကို ခြိမ်းခြောက်ခဲ့ကြောင်းလည်း သေမှုသေခင်း စုံစမ်းစစ်ဆေးချက်က တွေ့ရှိခဲ့ပါတယ်။

လူ့အခွင့်အရေးအုပ်စုတွေနဲ့ အရပ်သားတွေကို ဥပဒေပြင်ပ သတ်ဖြတ်မှုနဲ့ ရက်စက်မှု စွဲချက်တွေကို ကင်ညာရဲတွေ မကြာခဏ ရင်ဆိုင်နေရတာပါ။

ဒါပေမဲ့ အရာရှိတွေ တရားစွဲ အပြစ်ပေးခံရတာကတော့ မရှိသလောက် နည်းတယ်လို့ ရိုက်တာက ပြောပါတယ်။

ရဲတွေရဲ့ မှားယွင်းလုပ်ဆောင်ချက်တွေကို စုံစမ်းစစ်ဆေးဖို့ လွတ်လပ်တဲ့ ရဲကြီးကြပ်ရေး အာဏာပိုင်အဖွဲ့ကို ၂၀၁၁ ခုနှစ်မှာ ဖွဲ့စည်း တည်ထောင်ခဲ့ပြီး အမေရိကန်ဒေါ်လာ သန်းချီ ရန်ပုံငွေ ရခဲ့ပါတယ်။

အဲဒီနောက်မှာ ရဲတွေကို မကျေနပ်တဲ့ တိုင်ကြားချက် ထောင်ချီ လက်ခံရရှိခဲ့ပေမဲ့ ရဲအရာရှိတွေကို ပြစ်ဒဏ်ပေးတဲ့အမှု ၁၃ မှုသာ ရှိခဲ့ပါတယ်။

2 weeks Ago
More News
Up