ရေးမြို့နယ်

May 9, 2021

ရေးမြို့နယ်တွင် ကိုယ်ဝန်ဆောင် ကျန်းမာရေးစောင့်ရှောက်မှုများ လိုအပ်နေ

မွန်ပြည်နယ် ရေးမြို့နယ်က ကိုယ်ဝန်ဆောင် အမျိုးသမီးတွေဟာ ဆေးရုံဆေးခန်းတွေမှာ ကိုယ်ဝန်ဆောင် ကာကွယ်ဆေးထိုးဖို့နဲ့ ဆေးခန်းပြဖို့ ဆရာဝန်တွေ မရှိခဲ့တာကြောင့်  ကျန်းမာရေး စစ်ဆေးပြသဖို့ အခက်အခဲဖြစ်နေတယ်လို့ ကိုယ်ဝန်ဆောင် အမျိုးသမီးတွေက ပြောပါတယ်။

ကိုယ်ဝန်ဆောင် အမျိုးသမီးတွေထဲမှ ငွေကြေးတတ်နိုင်တဲ့သူတွေကတော့ မော်လမြိုင်နဲ့ ရန်ကုန်ဘက်ကို ဆေးခန်းသွားရောက်ပြသနိုင်တာကြောင့် အခက်အခဲမရှိပေမဲ့ ဆင်းရဲနွမ်းပါးတဲ့အပြင် ဝေးလံခေါင်ဖျားဒေသနေ ကိုယ်ဝန်ဆောင် အမျိုးသမီးတွေကတော့ ဆေးခန်းပြဖို့  အခက်အခဲတွေ ရှိတယ်လို့  ကိုယ်ဝန်ဆောင်အမျိုးသမီးတစ်ဦးက ပြောပါတယ်။

CDM မှာ ပါဝင်လှုပ်ရှားခဲ့ကြတဲ့ ဆရာဝန်တွေနဲ့ ကျန်းမာရေးဝန်ထမ်းကို  စစ်ကောင်စီဘက်က ဖိအားပေးပြီး ဆေးရုံ၊ ဆေးခန်းတွေမှာ ပြန်လည်တာဝန်ထမ်းဆောင်ကြဖို့ ထုတ်ပြန်ထားပေမဲ့ အများစုဟာ ဖမ်းဆီးခံရမှာ ကြောက်တာကြောင့် ထွက်ပြေးတိမ်းရှောင်နေကြပါတယ်။ 

ရေးမြို့နယ်မှာ ပြည်သူ့ဆေးရုံတွေ ပြန်လည်ဖွင့်လှစ်လာခဲ့ပေမဲ့  ဆရာဝန်တွေ မရှိတာကြောင့် လူနာကုသရေးပိုင်းမှာ လုံလောက်မှု မရှိကြဘူးလို့  ဆိုပါတယ်။

7 days Ago

April 8, 2021

ရေးမြို့နယ်ရှိ ကေအန်ယူတပ်စခန်းကို စစ်တပ်က လက်နက်ကြီးဖြင့်ပစ်ခတ်တိုက်ခိုက်

မွန်ပြည်နယ် ရေးမြို့နယ်မှာ ဧပြီ ၈ ရက် မနက် ၉ နာရီလောက်က မာန်အောင် ကျေးရွာချောင်းဖျားဒေသရှိ ကေအန်ယူတပ်စခန်းအနီးသို့ စစ်တပ်ဘက်က လက်နက်ကြီးနဲ့ ပစ်ခတ်ခဲ့တယ်လို့ ဒေသခံမီဒီယာတွေမှာ ဖော်ပြပါတယ်။

လက်နက်ကြီး ပစ်ခတ်မှုက ၄ကြိမ်မြောက်မှာ  မာန်အောင်ကျောက်မိုင်း ဘုန်းကြီးကျောင်း အပေါ်က တောင်ကုန်းတခုကို ထိမှန်ခဲ့တယ်လို့ဆိုပါတယ်။

အခုအဆက်သွယ်ရတဲ့အချိန်ထိ ကေအန်ယူတပ်စခန်းမှာ ကျည်ထိမှန်တာရှိသလို ကျေးရွာ လူနေအိမ်တချို့ပါ ကျည်ထိမှန်ခဲ့ပေမယ့် ထိခိုက်ဒဏ်ရာရသူတွေမရှိဘူးလို့ ဒေသခံတွေရဲ့ပြောကြားချက်အရ သိရပါတယ်။

စစ်ကောင်စီဘက်နဲ့ ကေအန်ယူဘက်တို့ နှစ်ဘက်စလုံး အင်အားသုံး စစ်ရေး ပြင်းထန်လာခဲ့မှာကို စိုးရိမ်လို့ ဒေသခံတွေက ကျေးရွာကနေ ထွက်ပြေးတိမ်းရှောင်နေရပါတယ်။

အခုဆိုရင် တိုက်ပွဲဖြစ်ခဲ့တာ အခုရက်ပိုင်းက ၂ ရက်ဆက်တိုက် ဖြစ်ပွားနေခဲ့သလို အရပ်သား ၁ ဦးလည်း သေဆုံးခဲ့ပြီး ၁ ဦး ကျည်ထိမှန် ဒဏ်ရာရရှိခဲ့ပါတယ်။

1 month Ago
More News
Up