ရော်နယ်ဒင်ဟို

August 25, 2020

ပတ်စ်ပို့အတုကိုင်ဆောင်မှုဖြင့် ဖမ်းဆီးခံထားရသည့် ရော်နယ်ဒင်ဟို ပြန်လည်လွတ်မြောက်

ပါရာဂွေးနိုင်ငံမှာ အစ်ကိုဖြစ်သူ ရောဘတ်တိုအက်စစ်နဲ့အတူ ၅ လကြာ ထိန်းသိမ်းခံထားရတဲ့ ရော်နယ်ဒင်ဟိုဟာ ဘရာဇီးနိုင်ငံကို ပြန်ခွင့်ရရှိခဲ့ပြီဖြစ်ပါတယ်။ ဒီညီအစ်ကိုနှစ်ယောက်ဟာ နိုင်ငံတွင်း ဝင်ရောက်ဖို့ ပတ်စ်ပို့အတုတွေ အသုံးပြုခဲ့တာကြောင့် မတ်လအစောပိုင်းမှာ အဖမ်းခံခဲ့ရတာပါ။  ပေါင် ၁ ဒသမ ၃ သန်း အာမခံကြောင့် သူတို့နှစ်ဦးဟာ ဧပြီလမှာ ထောင်က လွတ်မြောက်ခဲ့ပြီး အက်စ်ယူနီစီယွန်မှာရှိတဲ့ ဟိုတယ်တစ်ခုမှာ အကျယ်ချုပ်နဲ့ နေထိုင်ခဲ့ရပါတယ်။ သူတို့နှစ်ဦးဟာ ထောင် ၅ နှစ်အထိ ချမှတ်နိုင်တဲ့ တရားစွဲဆိုမှုနဲ့ ရင်ဆိုင်ခဲ့ရတာ ဖြစ်ပါတယ်။ ဒင်ဟိုတို့ညီအစ်ကိုနှစ်ယောက်ဟာ သဘောတူညီမှုရဲ့ အစိတ်အပိုင်းအဖြစ် ပတ်စ်ပို့အတုတွေနဲ့ ပါရာ‌ဂွေးနိုင်ငံတွင်း ဝင်ရောက်ခဲ့ရာမှာ အပြစ်ရှိကြောင်း တွေ့ရှိခဲ့ရပြီး ဒင်ဟိုက ဒေါ်လာ ၉၀,၀၀၀ ဒဏ်ကြေးပေးဆောင်ခဲ့ရသလို  သူ့အစ်ကိုကတော့ ဒေါ်လာ ၁၁၀,၀၀၀ ဒဏ်ရိုက်ခံခဲ့ရပါတယ်။ အစ်ကိုဖြစ်သူ အက်စစ်က ပါရာဂွေးနိုင်ငံရဲ့ ရာဇဝတ်မှုမှတ်တမ်းမှာ ထည့်သွင်းခံရမှာ ဖြစ်ပေမယ့် ရော်နယ်ဒင်ဟိုကိုတော့ ထည့်သွင်းမှာ မဟုတ်ပါဘူး။ အစ်ကိုဖြစ်သူဟာ ၂ နှစ်တိတိ ဘရာဇီးနိုင်ငံကနေ ထွက်ခွာခွင့်ပိတ်ပင်ခံရပြီး တာဝန်ရှိသူတွေကို အမြဲတမ်းသတင်းပို့နေရမှာ ဖြစ်ပေမဲ့ ရော်နယ်ဒင်ဟိုကတော့ ဘယ်လောက်ကြာကြာ နိုင်ငံခြားကို သွားမယ်လို့ တာဝန်ရှိသူတွေကို အကြောင်းကြားရုံနဲ့ နိုင်ငံခြားထွက်ခွာခွင့်ရရှိမှာ ဖြစ်ပါတယ်။ ရော်နယ်ဒင်ဟိုတို့ ညီအစ်ကို နှစ်ဦးဟာ ပရိုမိုးရှင်းအခမ်းအနားတွေကို တက်ရောက်ရေးအတွက် ပါရဂွေးကို ဝင်ရောက်ဖို့ ပတ်စ်ပို့အတုတွေ ပြုလုပ်ခဲ့ခြင်းအတွက် အစောပိုင်းမှာ ထိန်းသိမ်းခံခဲ့ရတာဖြစ်ပါတယ်။ သူတို့နှစ်ဦးဟာ ပါရာဂွေး ဂေါ့ဖ်ကလပ်မှာရှိတဲ့ Resort Yacht မှာဖမ်းဆီးခံခဲ့ရတာဖြစ်ပြီး နိုင်ငံရဲ့ လုံခြုံရေး အတင်းကျပ်ဆုံး Agrupacion Especializada ထောင်မှာလည်း ၃၂ ရက်ကြာ နေထိုင်ခဲ့ရပါတယ်။  အဖမ်းခံရချိန်မှာ တရားမဝင်ပတ်စ်ပို့ ကိုင်ဆောင်ထားမှန်း မသိခဲ့ဘူးလို့လည်း ရော်နယ်ဒင်ဟိုက အင်တာဗျူးအစီအစဉ်တစ်ခုမှာ ပြောပါတယ်။
9 months Ago

May 11, 2020

အခွင့်အရေးရခဲ့မယ်ဆိုရင် ရော်နယ်ဒင်ဟိုကိုထမ်းပြီး ကပြဂုဏ်ပြုချင်ပါတယ် - ဂါနာအခေါင်းထမ်း အကသမား

အခွင့်အရေးတစ်ခုသာရခဲ့မယ်ဆိုရင် ရော်နယ်ဒင်ဟိုကို ထမ်းပြီး ကပြဂုဏ်ပြုချင်ပါတယ် လို့နာမည်ကျော် ဂါနာအခေါင်းထမ်းအကသမား ဘင်ဂျမင် အီဒိုးက ပြောပါတယ်။  တူညီဝတ်စုံတွေနဲ့အတူ  အခေါင်းထမ်းပြီးကနေတဲ့ အီဒိုးနဲ့ သူ့ရဲ့လုပ်ဖော်ကိုင်ဖက်တွေရဲ့ ဗွီဒီယိုဖိုင်ဟာ မကြာသေးခင် ကမ္ဘာကျော်သွား ခဲ့ပြီး နာမည်ကျော်မီးမ်တွေအဖြစ်လည်း အသုံးပြုခံခံခဲ့ရပါတယ်။  အီဒိုးဟာ Nana Otafrija Pallbearing and Waiting Service လုပ်ငန်းကို ၂၀၀၇ ခုနှစ်က  ဂါနာနိုင်ငံ အက်ရာမြို့မှာ စတင်ခဲ့ပါတယ်။ သေဆုံးသူရဲ့အလောင်းကို ဂီတ၊ အကတို့နဲ့အတူ လိုက်ပါပို့ဆောင်ပေးခြင်း  နဲ့ အသုဘအခမ်းအနားရဲ့ ဝမ်းနည်းပူဆွေးမှုတွေကို လျော့ချပေးဖို့ ရည်ရွယ်ပြီး ဒီလိုစတင်ခဲ့တာပဲဖြစ်ပါတယ်။  တချို့အသုဘရှင်တွေက ထပ်ပြီးမငိုချင်တော့ပါဘူးလို့ အီဒိုးက Foot Mercato သတင်းနဲ့တွေ့ဆုံစဉ်မှာ သူ့လုပ်ငန်းအကြောင်းကိုရှင်းပြပါတယ်။  “တချို့ကကျတော့ အရမ်းကိုငိုကြွေးပူဆွေးကြပါတယ်။ သူတို့ဘာ သာငိုချင်ချင်၊ မငိုချင်ချင် ကျနော်က သူတို့ရဲ့ပူဆွေးမှုတွေကို လျော့နည်းသွားစေချင်ပါတယ်။ ပြီးတော့ သူတို့ကိုပျော်ရွှင်စေပြီး ကျနော်တို့ရဲ့ ဝန်ဆောင်မှုအတွက် ကျေးဇူးတင်နေမှာကို လိုချင်ပါတယ်။”  ချဲလ်ဆီးနဲ့ ဘာစီလိုနာပရိတ်သတ်တဦးက ဘယ်ဘောလုံးသမား  အတွက်ဝန်ဆောင်မှုပေးချင်လဲလို့ အရွှမ်းဖောက်မေးမြန်းရာမှာ အီဒိုးက “ကျနော်ဘောလုံးသမားအားလုံးကို အသက်ရှည်ရှည်နေစေဖို့ ဆုတောင်းပေးပါတယ်။ ဒါပေမယ့် အခွင့်အရေးသာရမယ်ဆိုရင် ကျနော် ရော်နယ်‌ဒင်ဟိုကို ပုခုံးပေါ်ထမ်းပြီး ကပြဂုဏ်ပြုချင်ပါတယ်။ ဒင်ဟိုပြီးရင် မာရာဒိုနာပါ။ ပြီးတော့ မက်ဆီပေါ့။ ရော်နယ်ဒင်ဟိုဟာ ကျနော် အမြဲတမ်းအထင်ကြီးလေးစားရတဲ့ ကစားသမားတဦးဖြစ်ပါတယ်” လို့ ပြန်လည် ဖြေကြားခဲ့ပါတယ်။ 
1 year Ago
More News
Up