ရေဦး

January 21, 2022

ရေဦးမြို့နယ် ရွာမိဿရွာအနီးတိုက်ပွဲတွင် ပြည်သူ့ကာကွယ်ရေးတပ်ဖွဲ့ဝင်အချို့ ကျဆုံး

စစ်ကိုင်းတိုင်း ရေဦးမြို့နယ် ရွာမိဿရွာအနီး ဇန်နဝါရီ ၂၁ ရက် မနက်က ဖြစ်ပွားခဲ့တဲ့ စစ်ကောင်စီတပ်နဲ့ ပြည်သူ့ကာကွယ်ရေးတပ်ဖွဲ့တို့ရဲ့ တိုက်ပွဲမှာ ပြည်သူ့ကာကွယ်ရေးတပ်ဖွဲ့ဝင်အချို့ ကျဆုံးခဲ့တယ်လို့ ဒေသခံတွေထံကသိရပါတယ်။

စစ်တပ်ဘက်က မူးပေါင်ပေါ်မှ ဆွဲချရသည်အထိဖြစ်ခဲ့ပြီး  ပကဖ/ PDF များလည်း ကျဆုံးခဲ့ရတာကြောင့် ဝမ်းနည်းကြေကွဲရပါတယ်လို့ ရေဦးမြို့နယ်ပြည်သူ့ကာကွယ်ရေးတပ်ဖွဲ့ရဲ့ လူမှုကွန်ရက်စာမျက်နှာမှာ ရေးသားဖော်ပြပါတယ်။

‌တိုက်ပွဲမှာ ဇန်နဝါရီ ၂၁ ရက် မနက် ၇ နာရီလောက်က ဖြစ်ပွားခဲ့တာဖြစ်ပြီး တိုက်ပွဲအတွင်း PDF အဖွဲ့ဝင် ကျား ၇ ယောက် ကျဆုံးခဲ့ပြီး လက်လုပ်စိန်ပြောင်း ၁ လက်၊ လက်လုပ်သေနတ် ၃ လက်၊ ဆိုင်ကယ် ၉ စီး သိမ်းဆည်းခံရတယ်လို့ people media မှာ ဖော်ပြထားပါတယ်။

ဇန်နဝါရီ ၂၀ ရက်ကလည်း ရေဦးမြို့နယ် ချမ်းသာကျေးရွာအုပ်စု၊ ထန်းပင်ကုန်းကျေးရွာအနီး စစ်ကောင်စီတပ်ကို တော်လှန်ရေးတပ်ပေါင်းစုက မိုင်းဆွဲတိုက်ခိုက်ခဲ့တာကြောင့် စစ်ကောင်စီ တပ်သား အများပြား ထိခိုက်ကျဆုံးခဲ့တယ်လို့ သိရပါတယ်။

စစ်ကောင်စီတပ်တွေဟာ ရေးဦးမြို့နယ်ကကျေးရွာတွေမှာ ပြည်သူတွေကို ဖမ်းဆီးသတ်ဖြတ်တာ၊ နေအိမ်တွေကိုမီးရှို့ဖျက်ဆီးတာ၊ ပစ္စည်းတွေကို ယူဆောင်တာတွေပြုလုပ်နေတာကြောင့် ဒေသခံ ထောင်ချီ ထွက်‌ပြေးနေရတယ်လို့  သိရပါတယ်။

7 days Ago

January 20, 2022

ရေဦးမြို့နယ် လက်လံတံတားအနီးက ဈေးဆိုင်ခန်းများကို စစ်ကောင်စီက မီးရှို့ဖျက်ဆီး

စစ်ကိုင်းတိုင်းဒေသကြီး၊ ရေဦးမြို့နယ်က လက်လံတံတားအနီးကို ဇန်နဝါရီ ၁၉ ရက်နေ့ ည ၇နာရီခွဲအချိန်လောက်က စစ်ကောင်စီ ကား ၄ စီး ရောက်ရှိလာပြီး  ဆိုင်ခန်းတွေကို မီးရှို့ဖျက်ဆီးခဲ့တယ်လို့ YUG မြို့ပြပြောက်ကျားတပ်ဖွဲ့က သိရပါတယ်။

ရေဦးမြို့လက်လံ တံတားဘက်ကို စစ်ကား အသေး ၄ စီးရောက်ရှိလာပြီး လက်လံတံတားအရှေ့ဘက်က ဆိုင်တစ်ဆိုင်ကို မီးရှို့ဖျက်ဆီးပြီး ရေဦး တမာတောလလမ်းကို ည ၉ နာရီလေလာက်မှာ ကားနှစ်စီး နဲ့ ဆက်လက်ထွက်ခွားတယ်လို့ မြို့ခံတွေကပြောပါတယ်။

စစ်ကောင်စီက မီးရှို့ခဲ့တဲ့ ဈေးဆိုင်တစ်ဆိုင်ကနေ တခြားဆိုင်ခန်း ဈေးဆိုင်တန်းတွေကိုပါ မီး ကူးလောင်သွားပြီး ဇန်နဝါရီ ၁၉ ရက်နေ့ ည ၁၀ နာရီကျော်အချိန်မှာတော့ ဈေးဆိုင်တန်းအားလုံးနီးပါး လောင်းကျွမ်းခဲ့ပြီး ၂ ခန်းသာ ကျန်ရှိတော့တယ်လို့ မြို့ခံတွေက ပြောပါတယ်။

မီးသတ်က မီးကိုလာရောက်မငြှိမ်းသတ်တာကြောင့် ပုညကုသလ လူမှုကူညီရေးအသင်းက တတ်နိုင်သလောက် ငြှိမ်းသတ်ခဲ့ပေမယ့် ဈေးဆိုင်တန်းတွေ အကုန်နီးပါးလောင်ကျွမ်းနေတယ်လို့ ဒေသခံတွေက ပြောပါတယ်။

“လက်လံနားက တူးမြောင်းအတက်ဘက်က လမ်းဘေးနေရာတွေပါ ဆိုင်ခန်းဆိုင်တန်းတွေ အကုန်မီးလောင်နေပြီ၊ လူမှုကူညီရေးအသင်းတွေကလည်း သူတို့တတ်နိုင်သလောက်တော့ လာငြှိမ်းပေးနေတယ်၊ မနိုင်လောက်ဘူး ဆက်လောင်မယ့်သဘောရှိတယ်။ မီးသတ်ကလည်းမလာဘူး။ ဘေးနားကတော့ အဲ့ဈေးဆိုင်နှစ်လုံးပဲရှိတော့တာပဲ အဲ့ဒါကုန်ရင် ဆက်ကူးစရာတော့မရှိတော့ဘူး၊ မီးအားကလည်း တအားကြီးတယ်” လို့ ရေဦးမြို့က မျက်မြင် ဒေသခံတစ်ဦးက ပြောပါတယ်။

ဈေးဆိုင်ခန်းတွေကို မီးရှို့ဖျက်ဆီးပြီး စစ်ကောင်စီကားသေးနှစ်စီးဟာ တောင်ကုန်း၊ အင်ပထိုး တဝိုက်မှာ ပျောက်သွားပြီး ကျေးရွာတွေအနေနဲ့ သူစိမ်းဝင်ရောက်လာမှုရှိမရှိကို သတိထားစောင့်ကြည့်ကြဖို့ ရေဦးမြို့ ဒေသခံတွေက သတိပေးထားပါတယ်။

ရေဦးမြို့နယ် လက်လံ တံတားအနီး တူးမြောင်းအတက်ဘက်ဘေးမှာရှိတဲ့ လမ်းဘေးဆိုင်ခန်းတွေကို စစ်ကောင်စီက မီးရှို့ဖျက်ဆီးခဲ့တာဖြစ်ပါတယ်။

1 week Ago
More News
Up