ရိုးမားအသင်း

June 26, 2020

ချဲလ်ဆီးကစားသမား ပတ်ဒရို ရိုးမားအသင်းသို့ ရာသီအကုန် ပြောင်းမည်

ချဲလ်ဆီးတောင်ပံကစားသမား ပက်ဒရိုဟာ ရာသီအကုန်မှာ အီတလီကလပ် ရိုးမားအသင်းဆီ ပြောင်းရွှေ့ဖို့ အကြိုသဘောတူညီမှုရခဲ့ပါတယ်။  ဘာစီလိုနာကစားသမားဟောင်း ပက်ဒရိုဟာ ချဲလ်ဆီးအသင်းနဲ့ ဇွန်လအကုန်မှာ စာချုပ်သက်တမ်းကုန်ဆုံးမှာဖြစ်လို့ ရာသီကုန်အထိ ကာလတိုစာချုပ် နဲ့ သက်တမ်းတိုးထားတာပါ။  အခုနှစ်ဘောလုံးရာသီပြီးဆုံးသွားချိန်မှာ အသင်းကနေ ထွက်ခွာပြီး  ရိုးမားအသင်းကို ပြောင်းရွှေ့ကစားမှာဖြစ်ပါတယ်။  အသက် ၃၂ နှစ်ရှိ စပိန်ကစားသမား ပက်ဒရိုဟာ ၂၀၁၅ ခုနှစ်ကတည်းက ဘာစီလိုနာအသင်းကနေ ပြောင်းရွှေ့လာခဲ့တာပါ။  ချဲလ်ဆီးနဲ့ ၅ နှစ်တာ ကာလအတွင်းမှာ စုစုပေါင်း ၂၀၁ ပွဲကစားထားပြီး ၄၃ ဂိုး သွင်းယူထားပါတယ်။ ပက်ဒရိုဟာ ချဲလ်ဆီးနဲ့အတူ ပရီးမီးယားလိဂ်၊ အက်ဖ်အေဖလားနဲ့ ယူရိုပါလိဂ် ချန်ပီယံဆုဖလားတွေ ရယူနိုင်ခဲ့ပါတယ်။   ချဲလ်ဆီးအသင်းဟာ ပက်ဒရိုရဲ့နေရာမှာ အစားထိုးဖို့ အေဂျက်ဇ်က ဇီယက်ချ်ကို ခေါ်ယူထားသလို လိုက်ဇစ်တိုက်စစ်မှူး တီမိုဝါနာကိုလည်း ခေါ်ယူထားပါတယ်။
11 months Ago

June 10, 2020

ရိုးမားအသင်းတွင် နှစ်အနည်းငယ်ကြာ ဆက်ကစားချင်ဟု မီခီတာယန်း ပြော

ရိုးမားအသင်းမှာ ဆက်လက်ကစားသွားချင်တယ်လို့ အငှားစာချုပ်နဲ့ သွားရောက်ကစားနေတဲ့ မီခီတာယန်းက ပြောပါတယ်။ တောင်ပံကစာသးမား မီခီတာယန်းဟာ အာဆင်နယ်အသင်းကနေ တစ်နှစ် အငှားစာချုပ်နဲ့ အီတလီမြေမှာ သွားရောက်ကစားနေတာပါ။ ရိုးမားအသင်းအတွက် စုစုပေါင်း ၁၇ ပွဲကစားပြီး ၆ ဂိုးသွင်းယူထားပါတယ်။  ရိုးမားအသင်းမှာ နောက်ထပ် နှစ်အနည်းငယ်အထိ ဆက်ကစားချင်ပေမယ့် ကိုယ်တိုင်ဆုံးဖြတ်ချက်လို့မရကြောင်း၊ အသင်းနည်းပြရဲ့ ဘောလုံးဒဿန နဲ့ ကစားကွက်ကလည်း နှစ်သက်စရာကောင်းတာကြောင့် ဆက်ရှိနေလိုတာလို့ မီခီတာယန်းက ပြောပါတယ်။  ဒါပေမဲ့ ရိုးမားမှာ ဆက်ရှိသည်ဖြစ်စေ၊ အာဆင်နယ်ကို ပြန်သွားရသည် ဖြစ်စေ စောဒကတက်မှာမဟုတ်ကြောင်းနဲ့ ဘယ်အသင်းရောက်ရောက် ပြင်းပြင်းထန်ထန်ကြိုးစားပြီး ရှေ့ဆက်သွားနိုင်ဖို့သာ အဓိကဖြစ်တယ်လို့လည်း မီခီတာယန်းက ပြောပါတယ်။  မီခီတာယန်းဟာ အာဆင်နယ်နဲ့ တစ်နှစ်စာချုပ် ကျန်သေးပြီး ရိုးမားအသင်းနဲ့ အငှားစာချုပ်ထဲမှာတော့ အပြီးသတ်ခေါ် ယူနိုင်မယ့် သဘောတူညီမှု မပါဝင်ဘူးလို့ သိရပါတယ်။
11 months Ago
More News
Up