ရာမို့စ်

July 22, 2021

ရာမို့စ်နှင့် နှိုင်းယှဉ်ခြင်းမပြုရန် ဒေးဗစ်အလာဘာ ပြော

ရီးရဲလ်မက်ဒရစ်အသင်းခေါင်းဆောင် ဆာဂျီယိုရာမို့စ်ရဲ့ နံပါတ် ၄ ဂျာစီကို ယူခဲ့ပေမယ့် နိူင်းယှဉ် ချီးကျူးခြင်းမပြုလုပ်ဖို့ ကစားသမားသစ် အလာဘာက ပြောပါတယ်။ 

သြစတြီးယားနောက်ခံလူ အလာဘာဟာ ဘိုင်ယန်မြူးနစ်ကနေ အလွတ်ပြောင်းရွှေ့ကြေးနဲ့ မက်ဒရစ်ကို ပြောင်းရွှေ့ခဲ့တာပါ။ 

ပီအက်စ်ဂျီအသင်းဆီပြောင်းရွှေ့သွားတဲ့ နောက်ခံလူ ရာမို့စ်ဟာ ရီးရဲလ်မှာ ၁၆ နှစ်ကြာကစားခဲ့ပြီး အောင်မြင်မှုဆုဖလားတွေ အများအပြားရယူပေးခဲ့တာပါ။ 

“ဒီကျော့နံပါတ် ၄ ဂျာစီဝတ်ဆင်ခွင့်ရတာက ဂုဏ်ယူစရာပါပဲ။ ဒီဂျာစီက ခမ်းနားကြီးကျယ်ပြီး စိတ်ဓာတ်လှုံ့ဆော်မှုလည်းပေးနိုင်စွမ်းရှိပါတယ်။ ပြီးတော့ ရာမို့စ်လိုလည်း အောင်မြင်မှုတွေရယူပေးချင်ပါတယ်။ ဒါပေမယ့် ကျနော်ဒီကိုလာတာက တခြားကစားသမားနဲ့ နှိုင်းယှဉ်ဖို့နဲ့ အစားထိုးဖို့လာတာမဟုတ်ပါဘူး။ ဒေးဗစ်အလာဘာ တစ်ယောက် ဖြစ်ဖို့ရောက်လာတာပါ” လို့ အလာဘာ က ပြောပါတယ်။ 

အသက် ၂၉ နှစ်ရှိ နောက်ခံလူ အလာဘာဟာ ဘိုင်ယန်မြူးနစ်နဲ့အတူ  ဘွန်ဒက်စ်လီဂါ ၁ဝ ကြိမ်၊ ချန်ပီယံလိဂ် ၂ ကြိမ်၊ ဂျာမန်ဖလား ၆ ကြိမ်ရယူနိုင်ခဲ့ ပါတယ်။ ရာမို့စ်ကတော့ လာလီဂါဖလား ၅ ကြိမ်နဲ့ ချန်ပီယံလိဂ်ဖလား ၄ ကြိမ်ရယူနိုင်ခဲ့သူဖြစ်ပါတယ်။ 

2 weeks Ago

January 5, 2021

စာချုပ်သစ် မကမ်းလှမ်းပါက အသင်းခေါင်းဆောင်ကို ဆုံးရှုံးရတော့မည့် ရီးရဲလ်

ရီးရဲလ်မက်ဒရစ်အသင်းက အခုချိန်အထိ စာချုပ်သစ် မကမ်းလှမ်းသေးတာကြောင့် အသင်းခေါင်းဆာင် ရာမို့စ်အနေနဲ့ ဇန်နဝါရီအပြောင်းအရွှေ့ ဈေးကွက်ဖွင့်ချိန်မှာ အသင်းပြောင်းဖို့ လွတ်လပ်စွာ ဆွေးနွေးနိုင်တယ်လို့ သိရပါတယ်။  ရာမို့စ်ဟာ ရီးရဲလ်အသင်းကို ၂၀၀၅ ခုနှစ်မှာ ရောက်ရှိလာခဲ့သူဖြစ်ကာ  အသင်းနဲ့အတူ လာလီဂါဖလား ၅ ကြိမ်၊ ဥရောပဖလား ၄ ကြိမ် ဆွတ်ခူးနိုင်ခဲ့ပြီးဖြစ်ပါတယ်။  သူဟာ ရီးရဲလ်အသင်းအတွက် ၆၆၆ ပွဲကစားပြီး ဂိုးပေါင်း ၁၀၀ သွင်းယူပေးနိုင်ခဲ့သူ ဖြစ်တာကြောင့် အသင်းရဲ့ဂန္တဝင်ကစားသမား  အဖြစ်သတ်မှတ်ခံရဖို့ လုံလောက်ခဲ့ပြီလည်း ဖြစ်ပါတယ်။ ဒါပေမဲ့ လာမယ့် မတ်လမှာ ၃၅ နှစ်ပြည့်တော့မှာဖြစ်တာကြောင့် ရီးရဲလ်ဘက်က သူ့ကို စာချုပ်သစ် ကမ်းလှမ်းဖို့ တုံ့ဆိုင်းနေတာဖြစ်နိုင်ပြီး လက်ရှိအချိန်အထိ သူဟာ ဇီဒန်းရဲ့ ပွဲထွက်လူစာရင်းမှာ အရေးပါတဲ့ ကစားသမားအဖြစ်ရှိနေဆဲပဲ ဖြစ်ပါတယ်။  လက်ရှိအချိန်မှာ ရာမို့စ်နဲ့ ရီးရဲလ်အသင်းတို့ရဲ့ စာချုပ်ဟာ နောက်ဆုံး ၆  လတာကာလကို ရောက်ရှိလာခဲ့ပြီဖြစ်ပြီး စပိန်လက်ရွေးစင်ကစားသမားဟာ ရာသီကုန်မှာ စိန်ခေါ်မှုအသစ်တွေနဲ့ ရင်ဆိုင်ဖို့ ဘာနေဗျူးကနေ ထွက်ခွာသွားဖွယ်ရှိနေတယ်လို့ သတင်းတွေမှာ ဖော်ပြပါတယ်။ သူ့ကို စပါးနဲ့ မန်ချက်စတာယူနိုက်တက်အသင်းတွေက ခေါ်ယူဖို့ စိတ်ဝင်စားနေပေမယ့် ရီးရဲလ်အသင်းနောက်ခံလူကတော့ စာချုပ်သက်တမ်းတိုးဖို့ အသင်းရဲ့ကမ်းလှမ်းမှုကို စောင့်ဆိုင်းနေဆဲပဲလို့ Goal သတင်းမှာ ဖော်ပြထားပါတယ်။  ဆောင်းရာသီအပြောင်းအရွှေ့ ဈေးကွက်ဖွင့်ချိန်မှာ ရာမို့စ်ဟာ သူ့ရဲ့အသင်းသစ်နဲ့ အကြိုသဘောတူညီချက်ရယူထားနိုင်တဲ့ အခြေအနေဖြစ်တာကြောင့် ရီးရဲလ်ဘက်ကသာ စာချုပ်သစ်အတွက် မကမ်းလှမ်းတော့ပါက သူတို့ရဲ့အသင်းခေါင်းဆောင်ကို ဆုံးရှုံးရတော့မှာဖြစ်ပါတယ်။ ရာမို့စ်နည်းတူ လူကာမိုဒရစ်နဲ့ လူးကပ်စ်ဘတ်စကွတ်တို့ဟာလည်း ဇွန်လကုန်ပါက အလွတ်ပြောင်းရွှေ့နိုင်တော့မှာ ဖြစ်ပါတယ်။  ဒါပေမယ့် နည်းပြဇီဒန်းကတော့ ဒီကစားသမား ၂ ဦးနည်းတူ ရာမို့စ်ကိုလည်း အသင်းမှာ ဆက်ရှိနေစေချင်သေးတယ်လို့ သတင်းစာရှင်းလင်းပွဲတခုမှာ ပြောပါတယ်။  “ကျနော်တို့အားလုံးကတေတာ့ စာချုပ်သစ်ချုပ်စေလိုပါတယ်။ ဒီအခြေအနေကိုလည်း တတ်နိုင်သမျှ မြန်မြန်အပြီးသတ်စေချင်ပါတယ်။ ဒါဟာ လူ တိုင်းအတွက် အကျိုးရှိစေမယ့်ကိစ္စဖြစ်ပါတယ်။”
7 months Ago
More News
Up