ရန်ကုန်

May 6, 2021

ရန်ကုန်မြို့အနှံ့ ဗုံးကွဲမှုများ ဆက်တိုက်ဖြစ်ပွား

ရန်ကုန်တိုင်းဒေသကြီးအတွင်း  အခုရက်ပိုင်း မြို့နယ်အတော်များများမှာ ဗုံးပေါက်ကွဲမှုတွေ ဆက်တိုက်ဖြစ်ပွားနေပါတယ်။

မေ ၅ ရက် ည ၁၀ နာရီကျောက်လောက်က  မင်္ဂလာ‌တောင်ညွန့်မြို့နယ် ကန်တော်ကြီးနားမှာ ပေါက်ကွဲမှုတွေဖြစ်ခဲ့ပါတယ်။

ကန်တော်ကြီး ဗိုလ်ချုပ်ပန်းခြံအတွင်းက Eutopia tower နားမှာ ဗုံး ၂ လုံး ပြင်းထန်စွာ ဆက်တိုက် ပေါက်ကွဲတယ်လို့ အနီးနားဝန်းကျင်နေသူတွေကပြောပေမဲ့  လူတွေ ထိခိုက်မှု ရှိ၊ မရှိတော့ အတည်ပြုလို့ မရသေးပါဘူး။ 

မေ ၄ ရက် မနက်ပိုင်းကလည်း မင်္ဂလာ‌တောင်ညွန့် အထက ၁ နားမှာ ပေါက်ကွဲမှုဖြစ်ခဲ့ပြီး မေ ၅ ရက်ည ၇ နာရီခွဲကလည်း တာမွေမြို့နယ်အတွင်း  ပေါက်ကွဲမှု တခု ဖြစ်ခဲ့သေးပါတယ်။  

မနေ့ ည ၈ နာရီဝန်းကျင်မှာ  မင်္ဂလာဒုံမြို့နယ်မှာရှိတဲ့ ပေါက်ကုန်းရပ်ကွက် အ.မ.က (၈) နဲ့ ပလရရပ်ကွက်က အ.ထ.က (၁) ကျောင်းတွေမှာ ဗုံးပေါက်ကွဲမှုတွေ ဖြစ်ပွားခဲ့ဖြစ်ပြီး ထိခိုက်မှု တစုံတရာတော့ မရှိခဲ့ဘူးလို့ ဒေသခံတွေဆီက သိရပါတယ်။

မေ ၅ ရက် မနက်အစောပိုင်းကလည်း ဒဂုံတက္ကသိုလ်အနီး ၊ ဘုန်းကြီးကျောင်းကွေ့ရှိ  YBS ၃၀  ဘတ်စ်ကားဂိတ်ရင်းမှာ  YBS  ၃၀  ဘစ်စ်ကား တစ်စီး ပေါက်ကွဲမှုဖြစ်ပွားခဲ့ပြီး လူထိခိုက်မှု မရှိဘူးလို့သိရပါတယ်။

အလားတူ ရန်ကင်းနဲ့ သင်္ကန်းကျွန်းမြို့နယ်ကြားရှိ ဝေဇန္တာရာလမ်းနဲ့ သီတာလမ်းဆုံးက ရွှေမန်းသူ ကားတွေထားတဲ့နေရာမှာလည်း မေ ၅ ရက် ည ၈ နာရီလောက်က ဗုံးပေါက်မှုဖြစ်ပွားခဲ့ပါတယ်။

ဗုံးပေါက်ကွဲမှုကို အဝေးက မြင်တွေ့သူတွေကတော့ အသံကြားရပြီး ပေါက်ကွဲမှု ဖြစ်ပွားရာနားကလူတွေ ရုတ်ရုတ်သဲသဲဖြစ်သွားကာ ခဏအကြာမှာ စစ်ကောင်စီရဲ့ လက်နက်ကိုင်တပ်တွေ ရောက်လာတာတွေ့ရတယ်လို့ဆိုပါတယ်။

လက်ရှိအချိန်မှာတော့ ပတ်ဝန်းကျင်မှာရှိတဲ့ နေရာတွေကို လိုက်လံ စစ်ဆေးနေတာတွေ ပြုလုပ်နေတယ်လို့ ပြောပါတယ်။  ပေါက်ကွဲမှုဖြစ်ပွားခဲ့လို့ ထိခိုက်ဒဏ်ရာရရှိတဲ့  အခြေအနေကိုတော့ အတည်အကျ မသိရ သေးဘူးလို့ ဒေသခံတွေက ပြောပါတယ်။

2 weeks Ago

April 30, 2021

အကြမ်းဖက်စစ်အုပ်စုကို ဆက်လက်ပုန်ကန်နေမယ့် ရန်ကုန်

အကြမ်းဖက်စစ်အုပ်စုကို ဆက်လက်ပုန်ကန်နေမယ့် ရန်ကုန် - Photo - MPA

2 weeks Ago
More News
Up