ယော်ဂင်ညို

July 21, 2021

ယော်ဂင်ညိုက ဘလွန်းဒီအောဆုနှင့် အထိုက်တန်ဆုံးကစားသမားဖြစ်ကြောင်း ဇိုလာသုံးသပ်

အီတလီနဲ့ ချဲလ်ဆီးကွင်းလယ်လူ ယော်ဂင်ညိုဟာ ဘလွန်းဒီအော ကမ္ဘာ့အကောင်းဆုံးကစားသမားဆုနဲ့ အထိုက်တန်ဆုံးကစားသမားဖြစ်တယ်လို့ အီတလီကစားသမားဟောင်း ဇိုလာက ပြောပါ တယ်။ 

ယော်ဂင်ညိုဟာ ချဲလ်ဆီးအသင်းနဲ့ ချန်ပီယံလိဂ်ဆုဖလား ရယူနိုင်ခဲ့သလို နိုင်ငံ့လက်ရွေးစင်အသင်းနဲ့လည်း ယူရိုချန်ပီယံဆုဖလား ရယူနိုင်ခဲ့တာဖြစ်ပါတယ်။ 

ဘလွန်းဒီအောဆုအတွက် စဉ်းစားရာမှာ မက်ဆီက အာဂျင်တီးနားနဲ့အတူ ကိုပါအမေရိကဖလား ရခဲ့တာက ချီးကျူးစရာ ဖြစ်ပေမယ့်လည်း ယော်ဂင်ညိုက ပိုမိုထိုက်တန်တဲ့ ကစားသမားဖြစ်တယ်လို့ ချဲလ်ဆီးလက်ထောက်နည်းပြလုပ်ခဲ့ဖူးတဲ့ ဇိုလာက ပြောပါတယ်။  

မက်ဆီ ကိုပါအမေရိကဖလားရတာကလည်း မေ့ထားလို့မရတဲ့ အောင်မြင်မှုဆိုတာသိပါတယ်။ 

ယော်ဂင်ညို ရသင့်သလားဆိုရင်တော့ သူနဲ့ ထိုက်တန်တာပေါ့။ သူက အသင်းကို ဟန်ချက်ညီစေပြီး နေရာလွှတ်တွေ ရှာဖွေပေးနိုင်တယ်။ ချဲလ်ဆီးမှာ သူနဲ့ အလုပ်လုပ်ခဲ့ဖူးတာက ကံကောင်းပါတယ်။ သူ ဘယ်လိုစွမ်းဆောင်ရည်မျိုးရှိသလဲဆိုတာ ကောင်းကောင်းသိပါတယ်။ သူ့ရဲ့ခြေစွမ်းက အမြင့်ဆုံးရောက်နေတာတင်မဟုတ်ဘဲ အသင်းလိုက်ပါ အောင်မြင်မှုရခဲ့တာဆိုတော့ သူနဲ့က လုံးဝထိုက်တန်တာပေါ့ဗျာလို့ ဇိုလာကပြောပါတယ်။ 

ဘလွန်းဒီအောဆုကို ပြီးခဲ့တဲ့ဆယ်စုနှစ်ကျော်အတွင်းမှာ မက်ဆီနဲ့ ရော်နယ်ဒိုကလွဲပြီး ၂၀၁၈ ခုနှစ်မှာ မိုဒရစ်က ရယူခဲ့ဖူးပါတယ်။

2 weeks Ago

July 5, 2021

ယော်ဂင်ညိုကို ထိန်းချုပ်နိုင်လျှင် စပိန်အသင်း ဗိုလ်လုပွဲတက်နိုင်ဟု အက်ဇ်ပီလီကွယ်တာပြော

အီတလီကွင်းလယ်လူ ယော်ဂင်ညိုကို ထိန်းချုပ်နိုင်ပါက စပိန်အသင်း ဗိုလ်လုပွဲတက်ရောက်နိုင်လိမ့်မယ်လို့ စပိန်နောက်ခံလူ အက်ဇ်ပီလီကွယ်တာက ပြောပါတယ်။

ယော်ဂင်ညိုနဲ့ အက်ဇ်ပီလီကွယ်တာတို့ဟာ ချဲလ်ဆီးအသင်းဖော်တွေဖြစ်ကြပြီး ချန်ပီယံလိဂ်ဆုဖလားရယူရာမှာ အတူခြေစွမ်းပြခဲ့ပါတယ်။ 

အီတလီနဲ့ စပိန်အသင်းတို့က ယူရိုဆီမီးဖိုင်နယ်မှာ တွေ့ဆုံချိန်မှာတော့ ကလပ်အသင်းဖော် ၂ ဦးက ပြိုင်ဘက်အနေနဲ့ ယှဉ်ပြိုင်သွားရမှာဖြစ်ပါတယ်။ 

အက်ဇ်ပီလီကွယ်တာက “ကျနော်တို့ ၂ ယောက်လုံးက နိုင်ငံ အသင်းအတွက် အကောင်းဆုံးပေးဆပ်ကစားကြမှာပါ။ ယောင်ဂင်ညိုက အီတလီအတွက် ဘယ်လောက်အထိ အရေးပါသလဲဆိုတာ သက်သေပြသထားပြီးသားပါ။ သူ့မှာ အရေးပါတဲ့အရည်အချင်း ကောင်းတွေရှိတယ်။ ဘောလုံးကို သူ့ခြေထဲမှာ ကောင်းကောင်းထိန်းနိုင်ပြီး ပွဲကို ထိန်းချုပ်ရာမှာ လည်း ထူးချွန်တယ်။ သူ့ရဲ့လူပ်ရှားမှုတွေကို ထိန်းချုပ်နိုင်မယ်ဆိုရင် ဗိုလ်လုပွဲတက်ဖို့ပိုပြီး အခွင့်အရေးကောင်းလာမှာဖြစ်ပါတယ်” လို့ အက်ဇ်ပီလီကွယ်တာက သုံးသပ်ခဲ့ပါတယ်။ 

4 weeks Ago
Up