ယူရို၂၀၁၆

July 11, 2016

ခါးသီးသည့် အရှုံးအတွက် စိတ်ပျက်ရကြောင်း ပြင်သစ်နည်းပြ ပြော

ဥရောပဖလား နောက်ဆုံးဗိုလ်လုပွဲမှာ ပေါ်တူဂီကို ရှုံးနိမ့်ခဲ့တဲ့ ပြင်သစ်အသင်းနည်းပြက ခါးသီးတဲ့အရှုံးကို အကြီးအကျယ် စိတ်ပျက်တဲ့အကြောင်း သတင်းစာရှင်းလင်းပွဲမှာ ပြောပါတယ်။ ယူရို ၂၀၁၆ ပွဲစဉ်တလျှောက်မှာ ပေါ်တူဂီအသင်းဟာ နိုင်ပွဲတွေ အများကြီးရခဲ့တဲ့အသင်း မဟုတ်ပေမယ့် နောက်ဆုံးမှာတော့ ဥရောပချန်ပီယံ ဖြစ်တာကို လက်ခံရမယ်လို့ ပြင်သစ်အသင်း  နည်းပြ ဒက်ချမ့်စ် (Deschamps) က ပြောပါတယ်။ ပြင်သစ်အသင်းဟာ ပွဲစဉ်တလျှောက်လုံးမှာ ဂိုးအများဆုံးသွင်းထားတဲ့ အသင်းဖြစ်ပြီး ပေါ်တူဂီအသင်းကတော့ မိနစ် ၉၀ အတွင်း ပြတ်ပြတ်သားသား အနိုင်ရတာဆိုလို့ တပွဲပဲ ရှိခဲ့တာကို ရည်ညွှန်းပြီး ပြင်သစ်နည်းပြက ပြောတာပါ။ ဒါပေမယ့် ပေါ်တူဂီဟာ အရေးကြီးတဲ့ပွဲ အချိန်ပိုမှာ အနိုင်ရအောင် ကစားသွားတာဟာ မတော်တဆ တိုက်ဆိုင်မှုမဟုတ်ဘူး ဆိုတာကို ၀န်ခံရမယ်လို့ ဒက်ချမ့်စ်က ပြောပါတယ်။ ဘာပဲဖြစ်ဖြစ် နောက်ဆုံးဗိုလ်လုပွဲအထိ တက်နိုင်ခဲ့တာ၊ ပြင်သစ် ပြည်သူတွေရဲ့ အားပေးမှုတွေကိုတော့ မေ့ရက်စရာ မရှိဘူးလို့ ပြောပါတယ်။ ပြင်သစ်အသင်းဟာ အကြိုဗိုလ်လုပွဲမှာ ဂျာမနီကို ၂ ဂိုးပြတ်နဲ့ နိုင်ခဲ့ပေမယ့် ဗိုလ်လုပွဲမှာတော့ ပေါ်တူဂီဘက်က စုဖွဲ့မှု ပိုကောင်းခဲ့တယ်လို့ ဆိုရမှာပါ။ ဒီကိစ္စနဲ့ပတ်သက်လို့ ပြင်သစ်နည်းပြက သူ့အသင်းဟာ ဂျာမနီနဲ့ပွဲမှာ အင်အားကုန်ခဲ့တာ မှန်ပေမယ့် ဘောလုံးပြိုင်ပွဲမှာ ဒါက ဆင်ခြေပေးစရာကိစ္စ မဟုတ်ဘူးလို့လည်း ၀န်ခံ ပြောကြားသွားပါတယ်။
5 years Ago

ယူရို ၂၀၁၆ ရွှေဖိနပ်ဆု ပြင်သစ်တိုက်စစ်မှူး ဂရစ်ဇ်မန်း ရရှိ

ယူရို ၂၀၁၆ ပြိုင်ပွဲရဲ့ ဂိုးသွင်းအများဆုံး ရွှေဖိနပ်ဆုကို ပြင်သစ်တိုက်စစ်မှူး အန်တိုနီ ဂရစ်ဇ်မန်းက ရရှိသွားပါတယ်။ တိုက်စစ်မှူး ဂရစ်ဇ်မန်းဟာ သွင်းဂိုး စုစုပေါင်း ၆ ဂိုးနဲ့ ဂိုးသွင်းအများဆုံး ရွှေဖိနပ်ဆုကို ရရှိသွားတာပါ။ အက်သလက်တီကိုမက်ဒရစ် တိုက်စစ်မှူး ဂရစ်ဇ်မန်းဟာ ပွဲစဉ် ၇ ပွဲမှာ ကိုယ်တိုင် ဂိုးသွင်းယူတဲ့အပြင် အသင်းဖော်တွေ ၂ ဂိုးရအောင်လည်း ကူညီပေးနိုင်ခဲ့ပါတယ်။ ပေါ်တူဂီတိုက်စစ်မှူး ရော်နယ်ဒိုကတော့ ၃ ဂိုးပဲ သွင်းယူနိုင်ပြီး အသင်းဖော်တွေကို ၃ ဂိုးရအောင် ကူညီနိုင်ခဲ့ပါတယ်။ ဒါကြောင့် ယူရိုပြိုင်ပွဲရဲ့ ဒုတိယ သွင်းဂိုးအများဆုံးသူအဖြစ် သတ်မှတ်ခြင်း ခံခဲ့ရပါတယ်။ ပေါ်တူဂီက အသက် ၁၈ နှစ်အရွယ် ကွင်းလယ်ကစားသမား ရီနာတို ဆန်းချက်ဇ်ကတော့ ယူရိုပြိုင်ပွဲရဲ့ အကောင်းဆုံး လူငယ်ကစားသမားဆုကို ရရှိသွားပါတယ်။ ဆန်းချက်ဇ်ဟာ ယူရိုပြိုင်ပွဲတလျှောက်မှာ ဂိုးသွင်းယူနိုင်တဲ့ တတိယမြောက် အသက်အငယ်ဆုံး ကစားသမားအဖြစ်လည်း မှတ်တမ်းဝင်သွားပါတယ်။
5 years Ago

အိမ်ရှင်ပြင်သစ်ကို အနိုင်ယူပြီး ပေါ်တူဂီ ယူရို ၂၀၁၆ ချန်ပီယံဖြစ် (ရုပ်သံဟိုက်လိုက်)

ဥရောပဖလား နောက်ဆုံးဗိုလ်လုပွဲစဉ်မှာ ပေါ်တူဂီက ပြင်သစ်ကို တဂိုးတည်းနဲ့ အနိုင်ယူပြီး ပထမဆုံး နိုင်ငံတကာ ဆုဖလားကြီးကို ရရှိသွားပါတယ်။ ဇူလိုင် ၁၀ ရက်ညက ယှဉ်ပြိုင်တဲ့ ဒီပွဲမှာ ပေါ်တူဂီအတွက် တလုံးတည်းသော အနိုင်ဂိုးကို အချိန်ပိုမှာ အစားဝင်လာတဲ့ အီဒါက သွင်းပေးခဲ့ပါတယ်။ ဒီပွဲမှာ ပေါ်တူဂီတိုက်စစ်မှူး ရော်နယ်ဒို ဒဏ်ရာကြောင့် ၂၅ မိနစ်မှာ လူစားလဲခဲ့ရပါတယ်။ မိနစ် ၉၀ လုံး တဘက်နဲ့တဘက် ဂိုးမသွင်းနိုင်ခဲ့ကြဘဲ အချိန်ပြည့်ခါနီးမှာ ပြင်သစ်က အနိုင်ဂိုးရတော့မလို ဖြစ်ခဲ့ပါသေးတယ်။ ပြင်သစ်ဘက်က ဂစ်နစ်ရဲ့ကန်ချက် ဂိုးတိုင်နဲ့ထိပြီး ပြန်ထွက်လာခဲ့အတွက် ကံခေသွားတယ်လို့ ဆိုရမှာပါ။ အချိန်ပိုမှာ ပေါ်တူဂီဘက်က ဂါရိုင်ရို (Guerreiro) ရဲ့ အလွတ်တည်ကန်ဘောလည်း ဂိုးတန်းကိုထိပြီး ပြန်ထွက်ခဲ့ပါတယ်။ အချိန်ပို ဒုတိယပိုင်း ၄ မိနစ်မှာတော့ ပေါ်တူဂီတိုက်စစ်မှူး အီဒါက ၂၅ မီတာလောက်ကနေ အနိမ့်ဘော ကန်သွင်းပြီး ဒီပွဲအတွက် တလုံးတည်းသောအနိုင်ဂိုးကို သွင်းယူပေးခဲ့တာ ဖြစ်ပါတယ်။ ပေါ်တူဂီအတွက်ကတော့ နှစ်ပေါင်း ၄၀ ကျော်အတွင်း ပြင်သစ်ကို ပထမဆုံး အနိုင်ရတာ ဖြစ်ပြီး ပထမဆုံး နိုင်ငံတကာ ဆုဖလားကို ရရှိတာလည်း ဖြစ်ပါတယ်။
5 years Ago

July 8, 2016

နာမည်ကြီး ဂျာမနီကို အနိုင်ယူပြီး အိမ်ရှင်ပြင်သစ် ယူရို ဗိုလ်လုပွဲတက် (ရုပ်သံဟိုက်လိုက်)

ယူရို ၂၀၁၆ ပြိုင်ပွဲရဲ့ ဆီမီးဖိုင်နယ် ဒုတိယပွဲစဉ်မှာတော့ အိမ်ရှင်ပြင်သစ်အသင်းနဲ့ ဗိုလ်စွဲဖို့ ရေပန်းအစားဆုံး ဂျာမနီတို့ ဆုံတွေ့ခဲ့ကြပြီး ပြင်သစ်အသင်းက ဗိုလ်လုပွဲကို တက်လှမ်းနိုင်ခဲ့ပါတယ်။ ဂျာမနီအသင်းက တိုက်စစ်မှူး မူလာကိုပဲ အထောင်ထားပြီး ဒဏ်ရာနဲ့ ပွဲပယ်ပြဿနာတွေကြောင့် အပြောင်းအလဲတချို့ ပြုလုပ်ခဲ့ပါတယ်။ ပြင်သစ်အသင်းကလည်း ကွန်တေနဲ့ ရာမီတို့ ပြန်ကစားနိုင်ပြီဖြစ်ပေမယ့် အသုံးမပြုခဲ့ဘဲ ခံစစ်မှာ ကိုစီယဲလ်နီနဲ့ အမ်တီတီတို့ တွဲဖက်ခဲ့သလို ကွင်းလယ်မှာလည်း မာတွီဒီက ပေါ့ဘာနဲ့ တွဲဖက်ပွဲထွက်ခဲ့ပါတယ်။ ပွဲအစပိုင်းမှာ ပြင်သစ်အသင်း အသာစီးယူ ကစားနိုင်ခဲ့ပေမယ့် ပွဲချိန် ၁၅ မိနစ်ဝန်းကျင်ကစပြီး ဂျာမနီအသင်းက အပေါ်စီး ပြန်ရောက်ခဲ့ပါတယ်။ ဂျာမနီအသင်းရဲ့ ကွင်းလယ်ကစားကွက်က ပိုကောင်းခဲ့တာကြောင့် ပြင်သစ်အသင်းအနေနဲ့ ခံစစ်မှာ တသင်းလုံးနီးပါး ဆင်းခံကစားရတဲ့ အနေအထား ရောက်ခဲ့ရတာပါ။ ပထမပိုင်းပြီးခါနီး နာကျင်အချိန်ပိုမှာ ပြင်သစ်အသင်းရဲ့ ထောင့်ကန်ဘောကို ဂျာမနီအသင်းခေါင်းဆောင် ရှဝိန်းစတိုင်ဂါ ဖျက်ထုတ်ရာမှာ လက်ထိခဲ့တာကြောင့် ပယ်နယ်တီပေးခဲ့ရပြီး ဂရစ်ဇ်မန်းက ကန်သွင်းယူနိုင်ခဲ့တာကြောင့် ပြင်သစ်အသင်း ဦးဆောင်ဂိုး ရရှိခဲ့ပါတယ်။ တန်ပြန်တိုက်စစ်နဲ့ ကစားခဲ့တဲ့ ပြင်သစ်အသင်းပဲ အခွင့်အရေးထပ်ရခဲ့ပြီး ၇၂ မိနစ်မှာ ဂျာမနီ ခံစစ်ပိုင်းအမှားကနေ ရရှိတဲ့ဘောလုံးကို ဂရစ်ဇ်မန်းက ဒုတိယဂိုးအဖြစ် သွင်းယူပြီး ဂျာမနီအသင်းကို အနိုင်ရခဲ့ပါတယ်။ ယူရို ၂၀၁၆ ဗိုလ်လုပွဲကို ပေါ်တူဂီနဲ့ ပြင်သစ်အသင်းတို့ လာမယ့် ဇူလိုင် ၁၀ ရက်မှာ ယှဉ်ပြိုင်ကစားမှာ ဖြစ်ပါတယ်။
5 years Ago
More News
Up