ယီမင်နိုင်ငံ ကားဗုံး သူတို့လက်ချက်ဟု အိုင်အက်စ်ကြေညာ

July 2, 2015

ယီမင်တွင် ဟူသီပြည်သူ့စစ် ပစ်ခတ်မှုကြောင့် ၁၈ ဦး သေဆုံး

ပြီးခဲ့တဲ့ ဇူလိုင် ၁ ရက် အစောပိုင်းက ရှီးယားမွတ်စလင် ဟူသီပြည်သူ့စစ်တွေ လက်နက်ကြီးတွေနဲ့ မြို့ထဲကို ပစ်ခဲ့လို့ လူ ၁၈ ယောက် သေဆုံးကြောင်း ယီမင်နိုင်ငံတောင်ပိုင်း အေဒင်မြို့က ဒေသခံအရာရှိတွေနဲ့ မျက်မြင်သက်သေတွေက ပြောပါတယ်။ မြို့မြောက်ပိုင်း လယ်ကွင်းထဲမှာ တပ်ချထားတဲ့ ဟူသီတွေက မော်တာကျည်တွေနဲ့ ပစ်ခဲ့ပုံရကြောင်း၊ ဟိုတယ်တလုံးထဲမှာ ခိုလှုံနေတဲ့လူ ၇ ဦး ဈေးထဲကလူ ၁၁ ဦး သေဆုံးတယ်လို့ အေဒင်မြို့ မန်စူရာခရိုင်က ဒေသခံတွေက ပြောပါတယ်။ ယီမင်နိုင်ငံ အစိတ်အပိုင်း အများအပြားကို သိမ်းပိုက်ခဲ့တဲ့ ဟူသီမြောက်ပိုင်း တိုက်ခိုက်ရေးသမားတွေဟာ အေဒင်မြို့ကို မတ်လက စီးနင်းခဲ့လို့ အေဒင်မှာ ခိုလှုံနေတဲ့ သမ္မတ မန်ဆူးဟာဒီဟာ ဆော်ဒီအာရေဗျနိုင်ငံကို ထွက်ပြေးခဲ့ရပါတယ်။ အဲဒီကစပြီး အေဒင်မြို့မှာ ဟာဒီနဲ့ မဟာမိတ် ဒေသခံ တိုက်ခိုက်ရေးသမား ဟူသီတွေကြား လက်နက်ကိုင် ပဋိပက္ခတွေ နေ့တိုင်းလို ဖြစ်နေခဲ့ပါတယ်။ ထောင်နဲ့ချီတဲ့ လူတွေလည်း သေဆုံး ဒဏ်ရာရခဲ့ကြပါတယ်။ တိုက်ခိုက်မှုအတွင်း လူအယောက် ၃၀ ဒဏ်ရာရခဲ့တယ်လို့ ဒေသခံအရာရှိတွေက ပြောပါတယ်။ ဟူသီ အရာရှိတွေကိုတော့ အစီရင်ခံစာနဲ့ ပတ်သက်ပြီး မှတ်ချက်ပေးဖို့ ဆက်သွယ်လို့ မရသေးပါဘူး။ လူ ၁ သန်းကျော် နေထိုင်တဲ့ အေဒင်မြို့ဟာ စားနပ်ရိက္ခာ၊ လောင်စာနဲ့ ဆေးဝါးအထောက်အပံ့ ပြတ်လပ်မှုကို ရင်ဆိုင်နေရပါတယ်။ ဆင်းရဲမွဲတေမှုနဲ့ ဆာလောင်မွတ်သိပ်မှုကို ကာလကြာရှည် ရင်ဆိုင်နေရတဲ့ ယီမင်နိုင်ငံမှာ ဟူသီနဲ့ သမ္မတ ဟာဒီရဲ့ မဟာမိတ်တွေကြား စစ်ပွဲ ပေါ်ပေါက်ခဲ့ပြီးကတည်းက လူသားချင်း စာနာမှု အကျပ်အတည်းတွေ အပြည့်အဝ ကျရောက်ခဲ့ပါတယ်။
6 years Ago

June 28, 2015

ကိုဘာနီမြို့ကို အိုင်အက်စ်အပြင်းအထန် ထိုးစစ်ဆင်၊ ကာ့ဒ်တပ်ဖွဲများ ပြန်လည်တိုက်ထုတ်

တူရကီနယ်စပ်က မဟာဗျူဟာကျတဲ့ ကိုဘာနီမြို့ကို အစ္စလာမ္မစ်နိုင်ငံတော်အမည်ခံ အိုင်အက်စ်တွေက ဒုတိယအကြိမ် အပြင်းအထန်ထိုးစစ် ဆင်ခဲ့ပေမယ့် ဆီးရီးယားကာဒ့်တွေက ပြန်လည်တိုက်ထုတ်နိုင်ခဲ့တယ်လို့ ဆီးရီးယားလူအခွင့်အရေး စောင့်ကြည့်ရေးအဖွဲ့က ဇွန် ၂၇ ရက်နေ့ ပြောပါတယ်။ ဒါပေမယ့် အိုင်အက်တို့ရဲ့ ထိုးစစ်အတွင်း အပြစ်မဲ့အရပ် သား ၂၀၀ ကျော် သေဆုံးတယ်လို့ ဆီးရီးယား လူ့အခွင့်အရေးအဖွဲ့က ပြောပါတယ်။ သေဆုံးသူတွေထဲမှာ ကလေးတွေနဲ့ အမျိုးသမီးတွေပါဝင်ပြီး အများစုဟာ သေနတ်ဒဏ်ရာနဲ့ သေဆုံးခဲ့ကြတယ်လို့ ပြောပါတယ်။ ကိုဘာနီမြို့ကို အခုနှစ် ဇန်န၀ါရီလက ဆီးရီးယား YPG ကာဒ့်တပ်ဖွဲ့တွေက အမေရိကန်နဲ့ မဟာမိတ်လေကြောင်း ပစ်ကူပေးမှုတွေနဲ့ အိုင်အက်စ်လက်ထဲကနေ တိုက်ခိုက်သိမ်းယူထားတာပါ။ ဇွန် ၂၇ ရက်နေ့က အိုင်အက်တပ်ဖွဲ့ဝင် ၈ ဦး မြို့မြောက်ဘက် တူရကီနယ်စပ်ဘက်ကို ထွက်ပြေးသွားတယ်လို့ ကာဒ့်တပ်ဖွဲ့ပြောခွင့်ရက ပြောဆိုပါတယ်။ မြို့ထဲမှာ ပုန်းအောင်းနေတဲ့ အိုင်အက်စ်တွေ ရှိနိုင်သေးတာကြောင့် ရှာဖွေရေးတော့ ဆက်လုပ်နေတုန်းပဲလို့ ဆိုပါတယ်။ ဆီးရီးယားနိုင်ငံအရှေ့မြောက်ပိုင်းက ဟက်စာခါ (Hassakeh) မြို့ကိုလည်း အိုင်အက်စ်တပ်ဖွဲ့တွေ အပြင်းအထန် ထိုးစစ်ဆင်ခဲ့ပြီး ဆီးရီးယားအစိုးရတပ်ဖွဲ့တွေနဲ့ တိုက်ပွဲတွေ ဖြစ်ပွားနေပါတယ်။ အဲ့ဒီမှာတော့ မြို့ခံ ၆ သောင်းလောက် နေရပ်စွန့်ထွက်ပြေးခဲ့ကြတယ်လို့ ကုလသမဂ္ဂက စာရင်းထုတ်ပြန်ပါတယ်။ အိုင်အက်စ်တွေက ဒီမဟာဗျူဟာကျတဲ့ မြို့ ၂ မြို့ကို တချိန်တည်း ထိုးစစ်ဆင်ခဲ့တာပါ။ တူရကီသမ္မတက တူရကီနဲ့ ဆီးရီးယားနယ်စပ်မှာ ကာဒ့်နိုင်ငံ လုံးဝထူထောင်ခွင့်မပေးဘူးလို့ အတိအလင်းပြောဆိုပါတယ်။ ဒါပေမယ့် ဒီတခါ ကိုဘာနီမြို့ကို အိုင်အက်စ်တွေ ၀င်ရောက်လာတော့ တူရကီနယ်စပ်ဘက်ကနေ ၀င်ခွင့်ပေးခဲ့တယ်ဆိုတဲ့ စွပ်စွဲချက်တွေကို သမ္မတက ငြင်းဆိုပါတယ်။ “အိုင်အက်စ်တွေ ဒုတိယအကြိမ်တိုက်ခိုက်လာတာဟာ ကိုဘာနီမြို့ကို သိမ်းဖို့ ဖြစ်ချင်မှ ဖြစ်ပေမယ့် ဒီမြို့ကို သူတို့အလေးထားတယ်။ သူတို့အချိန်မရွေး တိုက်ခိုက်နိုင်တယ်ဆိုတာကို ပြသဖို့ ရည်ရွယ်တာဖြစ်နိုင်တယ်” လို့ ဆီးရီးယားပြည်တွင်းစစ် အကဲခတ်တွေက ပြောဆိုပါတယ်။
6 years Ago
More News
Up